Kiú-jī kiōng-sek

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Kiú-jī kiōng-sek (九二共識) sī Tâi-oân Hái-kiap lióng-hōaⁿ koan-hē siong-koan ê chèng-tī su̍t-gí, sī chí tit-tio̍h koaⁿ-hong siū-khoân ê bîn-kan cho͘-chit Hái-hia̍p-hōe kap Hái-ki-hōe, tī 1992 nî keng-iû Hiong-káng hōe-tâm kap lo̍h-bóe e hâm-tiān óng-lâi, só͘ ta̍t-sêng ê hui-chèng-sek kiōng-sek. Siang-hong tông-ì tī sū-bū-sèng hia̍p-siong tiong ē-tàng mài sia̍p-ki̍p chèng-tī ì-hâm ê thó-lūn, m̄-koh siang-hong tùi chi̍t ê Tiong-kok ê chèng-tī lōe-hâm kám chûn-chāi kok-chū piáu-su̍t khong-kan, í-ki̍p jû-hô tui-kiû Tiong-kok thóng-it, ū bô-kāng ê ì-kiàn. In-ūi siang-hong bô chìn-hêng koaⁿ-hong chèng-sek chhiam-sú hia̍p-tēng bûn-kiāⁿ, kan-na ū hui-chèng-sek ê kháu-thâu hia̍p-siong kap tiān-bûn óng-lâi, chi-āu tùi-î hit-tang-chūn si̍t-chè-siōng ta̍t-sêng ê kiōng-sek lōe-iông sī siáⁿ-mi̍h, tn̂g-kî chiâⁿ-chò cheng-lūn ê chiau-tiám.