Kilo-kip chhàng-kàm

Kilo-kip tshàng-kàm (Kilo-kip tshàng-tsuí-kàm, Kilo-kip tshàng-lām, Kilo-kip tshàng-tsuí-lām, Kilo-kip chhàng-chúi-kàm, Kilo-kip chhàng-lām; Подводные лодки проекта 877 «Палтус»; Kilo-class submarine; NATO tāi-hō: Kilo) sī Lōsiia hái-kun tsiàn-āu tē-sañ-tài, bo̍k-tsîng ê tsú-li̍k diesel tshàng-tsuí-kàm. Soo-liân kuan-hong tshing-hoo tsò 877-hîng paltus. Kilo-kip king-kuè hiān-tāi-hua kái-tsong liáu-āu piàn-sîng Kilo-kip kái-liông-hîng, Lōsiia kuan-hong pian-hō 636 Varshavyanka. Ìn-tōo koh kin-kì ka-kī ê su-iàu lâi kái-tsong, liáu-āu bīng-miâ tsò Sindhughosh-kip. Kilo-kip sī bo̍k-tsîng Lōsiia tshut-káu-liông siong-tuā ê tshàng-kàm ê kip-pia̍t. Kilo-kip í hué-li̍k kiông-tāi, sok-tōokín, tshò-im tsiâñ-tsió tíng-tíng è in-sòo lâi kiàn-li̍p phín-pâi.

Tsū-tsiông tsiân soo-liân sîng-kong gián-tsè hi̍k-tōng-li̍k kong-kik tshàng-kàm liáu-āu, tuì it-puañ tōng-li̍k tshàng-kàm ê gián-kiù iā siong-tuì kiám-tsió bē-tsió. Tsit-le Kilo-kip tshàng-kàm sī tsiân Soo-liân tiān-teh tsit-ê kî-kan gián-tsè siong sîng-kong ê Diesel tōng-li̍k tshàng-tsuí-kàm. Kilo-kip tshàng-kàm sī-iû Âng-pó-tsio̍h siet-kè-kio̍k teh 1974-nî khai-si siat-kè, siú-kàm tī 1979-nî lo̍h-tsuí, 1982-nî ho̍k-i̍k. Kilo-kip kái-tsìn-hîng koh-khah piàn-sîng Diesel tōng-li̍k tshàng-tsuí-kàm lāi-té siong tshut-thuat ê tshàng-kàm. Kilo-kip iā sī bo̍k-tsiân sè-kài-siōng Diesel tōng-li̍k tshàng-tsuí-kàm tiong siong an-tsīng ê tshàng-kàm. Bī-lâi, Kilo-kip khó-lîng hōo Lada-kip tshàng-kàm (Lada-class submarine) lâi tāi-thè. Ia̍h-koh Kilo-kip tshàng-kàm sī Kok-îng ê Lōosiia ki-su̍t tsi̍p-thuân kong-si (Ростех) hū-tsik tshut-kháu.^[1]