Kok-chè Tiong-hôa Sió-chiá

Wikipedia (chū-iû ê pek-kho-choân-su) beh kā lí kóng...
(Tùi Kok-chè Hôa-è Sió-chiá choán--lâi)

Kok-chè Tiong-hôa Sió-chiá (國際中華小姐), khah-chá kiò Kok-chè Hôa-è Sió-chiá (國際華裔小姐), sī iû Hiong-káng Tiān-sī Kóng-pò Iú-hān Kong-si (TVB) chhòng-pān ê nî-tō͘ kok-chè soán-bí kèng-sài, ùi 1988 nî khai-sí, beh hō͘ sè-kài kok-tē ê Hôa-è bí-jîn tāi-piáu ē-tàng kiōng-tông chham-ú, cheng-chhú koan-kun, mā tit-tio̍h ta̍h-ji̍p Hiong-káng ián-gē-kài ê ki-hōe. Chham-sài bí-jîn ài ū Hôa-è hiat-thóng chiah ē-tàng chham-sài.

1990 nî, ūi-tio̍h beh phòe-ha̍p Tiong-hôa bûn-hòa goân-sò͘, tāi-hōe kā hit kài ê sàisū iân-kî chì keh-nî (1991 nî), tī ta̍k-nî ê kū-le̍k sin-nî chêng-āu kí-pān. 2007 nî khí, Tiong-kok tē-khu ka-lē siū iau-chhiáⁿ chham-sài, só͘-í tāi-hōe kā "Kok-chè Hôa-è Sió-chiá" kái-miâ chò koh-khah ū tāi-piáu-sèng ê "Kok-chè Tiong-hôa Sió-chiá".