Kok-ka Tông-pō͘ Hok-siā Gián-kiù Tiong-sim

Kok-ka Tông-pō͘ Hok-siā Gián-kiù Tiong-sim (國家同步輻射研究中心), kán-siá NSRRC, tī Sin-tek Kho-ha̍k Hn̂g-khu, ū nn̄g chō tông-pō͘ ka-sok-khì siat-si, hun-pia̍t sī Tâi-oân Kng-goân (TLS) kap Tâi-oân Kng-chú-goân (TPS).

1993 nî 10 goe̍h, TLS chèng-sek khé-iōng, sī Tâi-oân tē-it chō, mā sī A-chiu tē-it chō oân-sêng ê tē-saⁿ tāi tông-pō͘ hok-siā siat-si. TLS í-keng ū 27 tiâu kng-sok-sòaⁿ kap 54 chō si̍t-giām-chām, thê-kiong Tâi-oân kap choân-kiû kok-tē ê gián-kiù thoân-tūi chìn-hêng kho-ha̍k si̍t-giām. Lēng-gōa tī Ji̍t-pún ê SPring-8 ê BL12U kap BL12B nn̄g tiâu kng-sok-sòaⁿ mā hō͘ NSRRC lâi hū-chek ūn-choán kap koán-lí.