Kong-bîn Kàm-tok Kok-hōe Liân-bêng

Kong-bîn Kàm-tok Kok-hōe Liân-bêng (公民監督國會聯盟) sī Tâi-oân choan-bûn teh phêng-kàm li̍p-hoat úi-oân ê bîn-kan cho͘-chit, chiân-sin sī Siā-hōe Li̍p-hoat Ūn-tōng Liân-bêng (社會立法運動聯盟), 2007 nî 4 goe̍h 18 hō liáu-āu kái chò chit-má ê miâ. Iû hōe-oân thoân-thé, liân-bêng thoân-thé cho͘-sêng, lí-kàm-sū iû thoân-thé thui-phài tāi-piáu chham-soán thui-kí. Í kong-ek, thàu-bêng, hāu-lêng, bûn-bêng, iông-kng kok-hōe ûi bo̍k-piau chhî-sio̍k kàm-tok li̍p-hoat úi-oân. Ta̍k-ê hōe-kî thê-chhut phêng-kàm pò-kò hō͘ bîn-chiòng chham-khó, kî-thāi soán-kí sî tô-thài bô sek-jīm ê li̍p-hoat úi-oân lâi kái-siān kok-hōe. M̄-koh, i chhái-kè ki-chún ín-hoat pō͘-hūn cheng-gī.