Kong-bîn kap Chèng-tī Koân-lī Kok-chè Kong-iok

Wikipedia (chū-iû ê pek-kho-choân-su) beh kā lí kóng...
  Í-keng chhiam-sú tān-sī iáu-bōe phe-chún ê kok-ka.
  Siūⁿ-beh thè-chhut ê tè-iok-kok.
  M̄-sī tè-iok-kok iā m̄-sī chhiam-sú-kok.

Kong-bîn kap Chèng-tī Koân-lī Kok-chè Kong-iok (eng. International Covenant on Civil and Political Rights; ICCPR) sī chi̍t hūn tī 1966 nî 12 goe̍h 16 hō keng Liân-ha̍p-kok Tāi-hōe thong-kòe ê kok-chè to-hong tiâu-iok, i tī 1976 nî 3 goe̍h 23 hō seng-hāu. Chit tiâu kong-iok hō͘ tè-iok-kok sêng-tam chek-jīm, ài chun-tiōng kò-jîn ê kong-bîn kap chèng-tī koân-lī, pau-hâm seng-chûn-koân, chong-kàu ê chū-iû, chi̍p-hōe ê chū-iû, soán-kí-koân, chèng-tong hoat-lu̍t têng-sū kap kong-pêng sím-sìn téng-téng.

Kong-bîn kap Chèng-tī Koân-lī Kok-chè Kong-iok sī iû Liân-ha̍p-kok Jîn-koân Sū-bū Úi-oân-hōe só͘ kàm-koán. Liân-ha̍p-kok Jîn-koân Sū-bū Úi-oân-hōe to̍k-li̍p chāi Liân-ha̍p-kok Jîn-koân Lí-sū-hōe gōa-kháu, sêng-oân sī ùi sêng-oân-kok tiong soán-kí sán-seng, tān chia-ê lâng pēng bô tāi-piáu jīm-hô kok-ka; úi-oân-hōe ê choan-ka khui-hōe kî-kan, su-iàu khó-chhat sêng-ôan-kok i-kì kong-iok thê-kau ê tēng-kî pò-kò.

2014 nî 4 goe̍h ûi-chí, Kong-bîn kap Chèng-tī Koân-lī Kok-chè Kong-iok ū 74 ê chhiam-sú-kok kap 168 ê tè-iok-kok.

Siong-koan Liân-ha̍p-kok bûn-kiāⁿ[siu-kái | kái goân-sí-bé]