Kong-bū Jîn-oân Ko-téng Khó-chhì

Kong-bū Jîn-oân Ko-téng Khó-chhì (公務人員高等考試), kán-chheng Ko-khó (高考), sī Tiong-hôa Bîn-kok Chèng-hú ki-koan chio-khó jîn-oân ê chi̍t chióng chio-châi chiū-gia̍p khó-chhì, tī Tâi-oân sī kok-ka khó-chhì ê chi̍t chióng. Kí-pān ê hoat-goân i-kì sī Kong-bū Jîn-oân Khó-chhì Hoat (公務人員考試法). Kong-bū Jîn-oân Ko-téng Khó-chhì ē-sái koh pun chò saⁿ chióng téng-kip ê khó-chhì, hun-pia̍t sī Kong-bū Jîn-oân Ko-téng Khó-chhì It-kip Khó-chhì (Ko-khó It-kip), Kong-bū Jîn-oân Ko-téng Khó-chhì Jī-kip Khó-chhì (Ko-khó Jī-kip) kap Kong-bū Jîn-oân Ko-téng Khó-chhì Saⁿ-kip Khó-chhì (Ko-khó Saⁿ-kip).