Kong-hái Kun

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Kong-hái Kun
Hàn-jī
光海君
Ko-lê-jī
광해군
Lô-má-jī
Gwanghae Gun

Kong-hái Kun (光海君; 1575 nî~1641 nî), pún-miâ Lí Kun(李琿, 이혼), sī Tiâu-sián ông-tiâu ê tē-15 tāi kok-ông.

1608 nî kàu 1623 nî chāi-ūi.

Kong-hái Kun sī Tiâu-sián Soan-chó͘(朝鮮宣祖) ê tē-2 ê hāu-siⁿ.

Seng-pêng[siu-kái | kái goân-sú-bé]

1575 nî, Kong-hái Kun chhut-sì. In lāu-bú Kiong-pîn Kim--sī(恭嬪金氏) tī 2 nî āu kòe-sin, i kah kâng-bú a-hiaⁿ Lîm-hái Kun(臨海君) tàu-tīn iû tek-bú Ì-jîn Ông-hīo(懿仁王后) hû-ióng tōa-hàn.

1592 nî, Jîm-sîn E-loān(壬辰倭亂) pho̍k-hoat. Toyotomi Hideyosi(豐臣 秀吉) niá-peng kong-táⁿ Hú-san, khai-sí toā-kui-bô͘ chhim-lio̍k Tiâu-sián. Soan-chó chheh-hong Kong-hái Kun ûi sè-chú.

1608 nî, Soan-chó eng, Kong-hái Kun chek-ūi. Put-kò, Bêng-tiâu in-ūi Lîm-hái Kun khah tōa-hàn ê goân-in, kī-choa̍t chheh-hong Kong-hái Kun "kok-ông" ê chiok-ūi.

1609 nî, Bêng-tiâu chiah chèng-sek chheh-hong Kong-hái Kun ûi Tiâu-sián-ông. Kong-hái Kun tùi Bêng-tiâu ê thài-tō͘ hui-siông put-boán, che chiū-sī chō-sêng i āu-lâi bô beh phòe-ha̍p Bêng-tiâu ê goân-in.

1609 nî, Lí Têng-piu(李廷彪) thâi-sí ông-hiaⁿ Lîm-hái Kun, tān-sī Kong-hái Kun pèng bô tui-kiù, hō lâng tah-siōng tō-tek o͘-tiám, mā sêng-uî āu-lâi tāi-sîn thui-hoan i ê chi̍t ê lí-iû.

1613 nî, Kong-hái Kun hā-lēng liû-hòng Éng-chhiong Tāi-kun(永昌大君); Keh-nî, koh hā-lēng tī Kang-hôa tó(江華島) pì-bi̍t chiong i sat-hāi. Le̍k-sú siōng hō-chòe Chhit-sù Ge̍k-su(七庶獄事).

1623 nî, Jîn-chó͘ niá-peng thui-hoan Kong-hái Kun, chiong i liû-hòng Kang-hôa tó. Le̍k-sú hō-chòe Jîn-chó͘ Hoán-chèng(仁祖反正).