Kong-sī Tâi-gí-tâi

Wikipedia (chū-iû ê pek-kho-choân-su) beh kā lí kóng...

Kong-sī Tâi-gí-tâiTâi-oân Kong-kiōng Tiān-sī Bûn-hòa Sū-gia̍p Ki-kim-hōe ūn-choán--ê pîn-tō, tī 2019 nî khai-ki, sī Tâi-oân tē 1 ê ēng choân Tâi-gí hòng-sàng ê kong-kiōng sèng tiān-sī pîn-tō.

Le̍k-sú[siu-kái | kái goân-sí-bé]

Dimo TV[siu-kái | kái goân-sí-bé]

Siōng-chá iàu-bô Kong-sī Tâi-gí-tâi ê sî, tī 2004 nî 7 goe̍h chhe-it, Dimo TV pîn-tō khai-sí hòng-sàng chiat-bo̍k. Dimo TV chiū-sī "hêng-tōng tiān-sī" ê ì-sù (Eng-gí a chò Digital Mobile TV), in koaⁿ-hong kóng tī sî-sok 130 kong-lí í-lāi ê kau-thong kang-kū téng lóng ē-tàng "hêng-tōng chiap-siu" chit-ê pîn-tō ê sìn-hō.

Kong-sī 2 Tâi[siu-kái | kái goân-sí-bé]

Ùi 2012 nî 10 goe̍h chhe-it khai-sí, Dimo TV ōaⁿ kái-miâ chò Kong-sī 2 Tâi. Tiān-sī-tâi chú-iàu sī the̍h Kong-sī Chú Pîn-tō kap Tâi-oân Hông-koan Tiān-sī-tâi ê chiat-bo̍k lâi têng-pò.