Lâm-chìn-lūn

Wikipedia (chū-iû ê pek-kho-choân-su) beh kā lí kóng...

Lâm-chìn-lūn (南進論), ia̍h lâm-chìn chèng-chhek (南進政策), sī Ji̍t-pún Tāi-chèng sî-kî kàu Jī-chiàn kî-kan ê tiōng-iàu kok-ka chiàn-lio̍k chi itn chho͘-lio̍k thang pun chò Tāi-chèng lâm-chìn kî, Tiong-kok chiàn-cheng chiân-kî, kap Thài-pêng-iûⁿ Chiàn-cheng téng 3 ê sî-kî. Kóng-gī chèng-chhek si̍t-si khu-he̍k hâm-kài Hôa-lâm, Tâi-oân, kap Lâm-iûⁿ téng.

In-ūi Tē-it-chhù Sè-kài Tāi-chiàn chêng-āu Ji̍t-pún siū-ek chiàn-sū su-kiû, tī Hôa-lâm kap Tang-lâm-a bîn-seng keng-chè he̍k-lī tōa-pak thê-seng, tiān-tēng lâm-chìn-lūn ê lī-ki, tī keng-kòe "chún-pī kî", "pôe-hùn kî" kap "soan-tō kî" liáu-āu, tāi-seng tī Tāi-chèng sî-kî í Tâi-oân chò-ûi ki-tē, í kim-iông kap keng-chè biān-hiòng chiáng-ak Tang-lâm-a keng-chè bēng-me̍h, koh tī chek-ke̍k ūn-chok keng-êng āu, tī i-ha̍k, siong-gia̍p kap lông-gia̍p siōng chhú-tit it-tēng sêng-kó.