Lêng-chûn-hoe

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
?Lêng-chûn-hoe
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Lamiales
Kho: Verbenaceae
Sio̍k: Clerodendrum
Chéng: C. kaempferi
Ha̍k-miâ
Clerodendrum kaempferi
Clerodendrum kaempferi. 2018 Taichung World Flora Exposition, Taiwan.

Lêng-chûn-hoe (Hàn-jī: 龍船花; ha̍k-miâ: Clerodendrum kaempferi) sī to-nî-seng sió-koàn-bo̍k. Kah-ì tiàm pòaⁿ-kang ū-ji̍t he̍k kui-kang ū-ji̍t ê khoân-kéng seng-o̍ah. Tī Tâi-oân, hun-pò· tī pêⁿ-tē kàu kē-hái-po̍at soaⁿ-khu, tiong-pō· kap lâm-pō· khah-chia̍p khòaiⁿ, chhiū-nâ-kîⁿ, chhiū-nâ lāi-té, he̍k soaⁿ-lō· piⁿ--á tiāⁿ-tiāⁿ khòaⁿ-ē-tio̍h i-ê iáⁿ-chiah. Kui-nî-thàu-tang lóng-ū kui-hoe.

Hêng-thāi[siu-kái | kái goân-sú-bé]

Keng ū 4 chōa lêng-chiah.

Hio̍h-á tùi-seng; gōa-hêng sī khah-khoah ê ke-nn̄g-hêng, he̍k beh-chhin-chhiūⁿ sim-hêng; pian-iân sī choân-iân (liân-sòa bô hun-lia̍t), ū-sî sī lio̍h-lio̍h-á chhin-chhiūⁿ saⁿ-kak-hêng he̍k gō·-kak-hêng ê chhián-lia̍t (chhián-chhián ê hun-lia̍t).

Hoe-koan tháng-á-hêng, gō· ê hun-lia̍t; hoe âng-sek he̍k kam-á-âng-sek, ū-sî-chūn pe̍h-sek, hoe-si (hiông-lúi) tn̂g-tn̂g chiâⁿ chhéⁿ-ba̍k; hoe ê ti̍t-kèng ū-kàu 21 mm--ê; îⁿ-chui-hoa-sū téng-seng (圓錐花序頂生).

Kóe-chíhe̍k-kó, lio̍h-lio̍h-á ū-sêng kiû-hêng; kàu-se̍k-chúi pìⁿ-chiâⁿ nâ-o·-sek; âng-sek go̍k-phìⁿ siù-chûn.

Goā-pō͘ liân-kiat[siu-kái | kái goân-sú-bé]