Lêng-goân an-choân

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Lêng-goân an-choân (能源安全) sī chi̍t ê kok-ka an-choân miâ-sû, thàm-thó lêng-goân tùi kok-ka lī-ek só͘ tòa-lâi ê chiâm-chāi būn-tê.

Siāng chia̍p-khòaiⁿ ê lêng-goân an-choân būn-tê sī lêng-goân khoat-hoa̍t, iû-kî sī bô-hoat-tō͘ chū-sán lêng-goân ê kok-ka pit-su i-lāi chìn-kháu, nā-sī lâi-goân kok-ka chhiat-tn̄g kiong-èng ia̍h-sī kau-thong sòaⁿ siū-tio̍h chó͘-gāi, liâm-mi ē hoat-seng lêng-goân put-chiok, kang-gia̍p thêng-pái, siā-hōe tōng-loān téng būn-tê, kok-kaan-choân téng-î sī chhiau-khòng tī gōa-pō͘ in-sò͘ chhiú-tiong.

Khak-pó lêng-goân an-choân ê ûi-it lí-lūn hong-hoat chí-ū chhiok-chìn chū-sán lêng-goân pí-lu̍t, chū-sán pí-lu̍t jú koân an-choân jú koân, kî-chhù sī lêng-goân to-goân-hòa, kiám-chió i-lāi tan-it lêng-goân hêng-thài chhin-chhiūⁿ chio̍h-hòa jiân-liāu ê chio̍h-iû ia̍h thian-jiân-khì. Nā-sī tan-it lêng-goân kòe koân, tī hit-ê thé-hē phò-hāi ia̍h hoat-seng būn-tê ê sî, siā-hōe thêng-pái ê chân-bīn jú tōa.