Lîm Ek-choân

Lîm Ek-choân
林益全
Lîm Ek-choân; 林益全
Siōng-hái Chèng-tāi Liông
	It-lúi-chhiú
	Chhut-sì: 1985 nî 11 goe̍h 11 ji̍t (40 hòe); Tiong-hôa Bîn-kok Ko-hiông-chhī Ô͘-lāi-khu
Táⁿ-kek: tò	Tâu-kiû: chiàⁿ
Tiong-hôa Chit-pāng Chho͘-chhù chhut-sài
	2009 nî 3 goe̍h 29, tī Heng-lông Gû
Tiong-hôa Chit-pāng sò͘-kì thóng-kè ; (chì 2024 nî ûi-chí)
Táⁿ-kek-lu̍t	0.332
An-táⁿ	2013
Choân-lûi-táⁿ	210
Táⁿ-tiám	1142
Thau-luí	32
Tūi-ngó͘
	Heng-lông Gû (2009 nî－2012 nî); Gī-tāi Sai-gû (2013 nî－2016 nî); Hù-pang Hān-chiòng (2017 nî－2022 nî); Thóng-it 7-ELEVEn Sai (2023 nî－2025 nî); Siōng-hái Chèng-tāi Liông (2025 nî－);
Seng-gâi cheng-chhái piáu-hiān kah ti̍t-chióng
	Tiong-hôa Chit-pāng nî-tō͘ chóng-koan-kun: 2016; Tiong-hôa Chit-pāng nî-tō͘ MVP：2009, 2013, 2014; Tiong-hôa Chit-pāng Sin-jîn-ông: 2009; Tiong-hôa Chit-pāng Táⁿ-kek-ông: 2013; Tiong-hôa Chit-pāng An-táⁿ-ông: 2013; Tiong-hôa Chit-pāng Choân-lûi-táⁿ-ông: 2013; Tiong-hôa Chit-pāng Táⁿ-tiám-ông: 2009, 2014, 2015, 2019; Tiong-hôa Chit-pāng Chòe-ka 10-jîn Chióng It-lúi-chhiú: 2009, 2013–2017; Chí-tēng táⁿ-kek: 2021; ; Tiong-hôa Chit-pāng Kim-chhiú-thò Chióng (it-lúi-chhiú): 2009, 2014–2016; Tiong-hôa Chit-pāng tan-goe̍h MVP: 2009/05, 2009/07, 2009/09, 2010/03, 2010/06, 2012/05, 2012/06, 2013/04, 2013/05, 2014/04, 2014/07, 2015/06, 2015/08, 2019/09&10; Tiong-hôa Chit-pāng Bêng-seng-sài: 2009–2019; Tiong-hôa Chit-pāng Choân-lûi-táⁿ Tōa-sài koan-kun: 2013;

Lîm Ek-choân (1985 nî 11 goe̍h 11 ji̍t chhut-sì ), goân-té hō-chò "Lîm Io̍k-thêng (林育呈)", mā hŏng kiò-chò "Tâi-oân sîn choân (臺灣神全)", sī Tâi-oân ê iá-kiû soán-chhiú, Ko-hiông-chhī Ô͘-lāi-khu lâng, bat tī Tiong-hôa Chit-pāng Heng-lông Gû, Gī-tāi Sai-gû, Hù-pang Hān-chiòng kah Thóng-it 7-ELEVEn Sai hāu-le̍k, siú-pī ūi-tì sī it-lúi-chhiú, bat tit-tio̍h chiâⁿ chē pái kim-chhiú-thò chióng; tī kok-chè-sài ê piáu-hiān mā chok ún-tēng--ê, ū chin koân ê táⁿ-kek-lu̍t. 2015 nî 9 goe̍h, tī Ka-lâm Io̍h-lí Kho-ki Tāi-ha̍k pit-gia̍p, tit-tio̍h ha̍k-sū ha̍k-ūi.

Seng-gâi

Lîm Ek-choân bat tī 2005 nî A-chiu Iá-kiû Kím-piau-sài, 2005 nî Sè-kài-poe Iá-kiû-sài, 2006 nî Chiu-chè-poe Iá-kiû-sài, 2007 nî Sè-kài-poe Iá-kiû-sài kah 2008 nî Pak-kiaⁿ Ò-ūn 8-chhióⁿ-3 téng-téng ê kok-chè pí-sài lāi-té ji̍p-soán Tâi-oân tāi-piáu-tūi, koh tī 2005 nî A-chiu Iá-kiû Kím-piau-sài lāi-té tit-tio̍h choân-lûi-táⁿ-ông.

In-ūi hit-tang-chūn chit-pāng būn-tê chin chē, Lîm Ek-choân thè-ngó͘ ê sî pún-té bô siōⁿ-beh ka-ji̍p chit-pāng, pēng-chhiáⁿ koh kóng "Tī chia (chit-pāng), góa khòaⁿ-bô bī-lâi"^[1], āu--lâi keng-kòe hit-chūn léng-tūi Lâu Chì-seng ê pài-hóng ko͘-thong liáu-āu, Lîm Ek-choân chiah tap-èng ka-bêng Heng-lông Gû^[2]. 2007 nî 12 goe̍h 27 Tiong-hôa Chit-pāng 2008 nî Sin-lâng Soán-siù-hōe lāi-té, tī tē-it-lûn tē-it chí-miâ hō͘ Heng-lông Gû kéng-cháu, chiâⁿ-chò hit-tang ê soán-siù chiōng-goân^[3]^[4]. M̄-koh in-ūi peng-e̍k ê būn-tê, Lîm Ek-choân tī 2008 nî kiû-kùi bô-hoat-tō͘ tī it-kun phah-kiû, ài chò chi̍t-tang ê tāi-hùn soán-chhiú, tī 2009 nî kiû-kùi chiah ē-tàng chèng-sek chiâⁿ-chò it-kun ê soán-chhiú^[5].

I tī sin-lâng kiû-kùi kui-kùi 120-tiôⁿ chhut-sài, phah-chhut 169-ki an-táⁿ, 33-ki jī-lúi an-táⁿ, 113 táⁿ-tiám, 92-tit-hun, táⁿ-kek-lu̍t 0.348 ê sêng-chek, lóng sī sin-lâng ê kì-lo̍k, 18-ki hŏng-bú-láng mā kah goân-té ê kì-lo̍k pêⁿ chē, tan-kùi 169 an mā sī pún-thó͘ kiû-oân ê kì-lo̍k. In-ūi sin-lâng-nî ê iu-ī piáu-hiān, Lîm Ek-choân chiâⁿ-chò Tiong-hôa Chit-pāng sú-siōng tē-it-ūi tit-tio̍h nî-tō͘ MVP ê iá-chhiú sin-lâng.

2013 nî tit-tio̍h tē-jī-ê nî-tō͘ MVP, sī tē-it-ūi tit-tio̍h nn̄g-ê nî-tō͘ MVP ê iá-chhiú. Keh-nî tit-tio̍h nî-tō͘ MVP, sī tē-it-ūi liân-sòa nn̄g-tang tit-tio̍h nî-tō͘ MVP ê iá-chhiú, i ê saⁿ-ê nî-tō͘ MVP mā-sī chit-pāng sú-siōng tē-it.

2013 nî Gī-liân Chi̍p-thoân chiap-chhiú kiû-tūi liáu-āu, Lîm Ek-choân chú-tōng cheng-chhú 50-bān goe̍h-kip, āu-lâi chhòng-pān-jîn Lîm Gī-siú tap-èng hō͘ i 45-bān, 50-bān, 55-bān "pêng-kin 50-bān" saⁿ-tang ê ha̍p-iok^[6], 2017 nî koh tit-tio̍h sin thâu-ke Hù-pang goe̍h-kip 75-bān ê nn̄g-tang ha̍p-iok^[7].

2022 nî 12 goe̍h 9 hō, hō͘ Hù-pang Hān-chiòng khǹg tī 60-lâng miâ-toaⁿ gōa-kháu, keh-nî 1 goe̍h 19 ka-ji̍p Thóng-it 7-ELEVEn Sai.

2025 nî 10 goe̍h 15, hō͘ Thóng-it Sai sek-chhut. Kâng-nî 11 goe̍h, cháu-khì Tiong-kok ka-ji̍p Siōng-hái Chèng-tāi Liông.

Keng-le̍k

Tâi-lâm-chhī Pak-khu Kong-hn̂g Kok-sió Siàu-pāng-tūi
Tâi-lâm-chhī Bîn-tek Kok-tiong Chheng-siàu-pāng-tūi
Tâi-lâm-chhī Lâm-eng Siong-kang Chheng-pāng-tūi
Tâi-oân Tiān-le̍k Iá-kiû-tūi
Tiong-hôa Chit-pāng Heng-lông Gû tāi-hùn kiû-oân
Tiong-hôa Chit-pāng Heng-lông Gû (2009 nî 3 goe̍h 12－2012 nî 12 goe̍h 16)
Tiong-hôa Chit-pāng Gī-tāi Sai-gû (2012 nî 12 goe̍h 17－2016 nî 10 goe̍h 31)
Tiong-hôa Chit-pāng Hù-pang Hān-chiòng (2016 nî 11 goe̍h 1 hō－2022 nî 12 goe̍h 9 hō)
Tiong-hôa Chit-pāng Thóng-it 7-ELEVEn Sai (2023 nî 1 goe̍h 19－2025 nî 10 goe̍h 15)
Tiong-kok Iá-kiû Siâⁿ-chhī Liân-sài Siōng-hái Chèng-tāi Liông (2025 nî－)

Te̍k-sû Sū-chek

Lîm Ek-choân tī 2004 nî ko-tiong saⁿ-nî ê sî hiông-hiông hŏng iau-kiû iōng bo̍k-thûi-á, hit-nî i tio̍h tī Chheng-pāng Cheng-eng Tōa-sài iōng bo̍k-thûi-á kòng-chhut 2-ki hŏng-bú-láng, sī Tâi-oân sú-siōng tē-it-ê iōng bo̍k-thûi-á kòng-chhut hőng-bú-láng ê chheng-pāng kiû-oân^[8].
2009 nî 7 goe̍h 9 hō tī Tâi-lâm Chhī-li̍p Iá-kiû-tiôⁿ tùi-chiàn Thóng-it 7-ELEVEn Sai, bīn-tùi tiong-kè tâu-chhiú Chan E̍k-sêng kòng-chhut seng-gâi tē-100-ki an-táⁿ, í 62-tiôⁿ chhut-sài / 271 táⁿ-se̍k / 429 táⁿ-sò͘ chiâⁿ-chò tan-kùi siāng-chió tiôⁿ, liân-bêng kah sin-lâng siāng-kín 100 an ê kì-lo̍k. (chhiau-kòe 2008 nî N̂g Liông-gī 65-tiôⁿ ê kì-lo̍k, mā chhiau-kòe Hân-kok Chit-pāng 64-tiôⁿ 100 an ê kì-lo̍k; goân-pún siāng-kín pah-an ê sin-lâng sī 1993 nî Sî-pò Eng Chan Kùi-chiong chhut-sài 78-tiôⁿ, siāng-chió táⁿ-se̍k ê kì-lo̍k sī 1996 nî Luis kah 2004 nî Phêⁿ Chèng-bín ê 298 táⁿ-se̍k, siāng-chió táⁿ-sò͘ ê kì-lo̍k sī 2004 Phêⁿ Chèng-bín ê 247 táⁿ-sò͘.)
2009 nî 10 goe̍h 12 kiû-kùi siāng-bóe it-chiàn tī Tâi-tiong Iá-kiû-tiôⁿ tùi-chiàn Thóng-it 7-ELEVEn Sai, chóng-kàu-liān Chhî Seng-bêng thiau-kang bô kā i an-pâi tī sian-hoat miâ-toaⁿ lāi-té, tán ū-lâng chiōⁿ-lúi liáu-āu tio̍h ōaⁿ Lîm Ek-choân hō͘ i táⁿ-tiám-ông ê ki-hōe, kiat-kó tī 1-kio̍k-siāng tio̍h pá-ak hit-ê ki-hōe, phah-chhut chhiau-kòe La New Hîm Ngayaw Ake' 111-hun táⁿ-tiám ê sin-kì-lo̍k.
2010 nî 4 goe̍h 23 tī Sin-tek Iá-kiû-tiôⁿ tùi-chiàn Thóng-it 7-ELEVEn Sai, 8-kio̍k-siāng khà-chhut seng-gâi tē-200-ki an-táⁿ, í 142 chhut-sài /625 táⁿ-se̍k /577 táⁿ-sò͘ hun-pia̍t phah-phòa siāng-chió chhut-sài 200 an (Bī-choân Liông Lîm Ī-cheng 150-tiôⁿ) kah liân-bêng siāng-chió táⁿ-se̍k / táⁿ-sò͘ 200 an ê kì-lo̍k (Roa 653 táⁿ-se̍k, 595 táⁿ-sò͘)
2012 nî 5 goe̍h 10 hō tī Tâi-tiong Iá-kiû-tiôⁿ tùi-chiàn Hiaⁿ-tī Chhiōⁿ phah-chhut oân-choân táⁿ-kek, sī Tiong-hôa Chit-pāng sú-siōng tē-peh-ūi oân-sêng chit-ê kì-lo̍k ê kiû-oân, lēng-gōa mā-sī tē-it-ūi siāng-bóe chi̍t-ki an-táⁿ sī it-lúi an-táⁿ ê ta̍t-sêng-chiá.
2012 nî 6 goe̍h 3 hō tī Tâi-tiong Chiu-chè Iá-kiû-tiôⁿ tùi-chiàn Lamigo Thô-oân, bīn-tùi tâu-chhiú Moore, khà-chhut tiong-gōa-iá hong-hiòng ê jī-lúi an-táⁿ, sī seng-gâi tē-500-ki an-táⁿ, kan-na iōng 4-nî 374-tiôⁿ pí-sài, 1584 táⁿ-se̍k, 1450 táⁿ-sò͘ tio̍h ta̍t-sêng--ah, chhiau-kòe Chan Kùi-chiong tī 1997 nî ê 375-tiôⁿ pí-sài, mā chhiau-kòe Tân Koàn-jīm 1636 táⁿ-se̍k, Phêⁿ Chèng-bín 1456 táⁿ-sò͘ ê kì-lo̍k.
2012 nî sui-jiân kò-jîn sêng-chek iu-ī, tān-sī in-ūi kiû-tūi chiàn-chek sioⁿ bái, chòe-āu bô ji̍p-ûi MVP, i mā tī Bīn-chheh téng-koân piáu-ta̍t put-boán^[9].
2013 nî 7 goe̍h 12, tī Toā-pi-ô͘ Iá-kiû-tiôⁿ tùi-chiàn Hiaⁿ-tī Chhiōⁿ, tī 9-kio̍k-siāng lo̍k-hō͘ 17-hun, chóng-kàu-liān Chhî Seng-bêng hō͘ i kah tâu-chhiú Lîm Chèng-hong ōaⁿ siú-pī ūi-tì, ta̍t-sêng seng-gâi tē-it-tiôⁿ tâu-chhiú chhut-sài, oân-sêng chi̍t-ê chhut-kio̍k-sò͘, lóng-chóng tâu-chhut chi̍t-ê pó-sàng, bô sit-hun, siāng-kín ê kiû-sok lâi-kàu 139KM/h.
2015 nî 7 goe̍h 18, tī Toā-pi-ô͘ Iá-kiû-tiôⁿ tùi-chiàn Tiong-sìn Hiaⁿ-tī, 6-kio̍k-hā bīn-tùi sian-hoat tâu-chhiú Lîm Eng-kia̍t khà-chhut seng-gâi tē-1000-ki an-táⁿ, í 744-tiôⁿ oân-sêng chhian-an, phah-phòa A-chiu chit-pāng ê kì-lo̍k. Kòe-khì Tiong-chit siāng-kín oân-sêng chhian-an ê sī Lamigo Thô-oân Ngayaw Ake' ê 837-tiôⁿ, A-chiu chit-pāng ê kì-lo̍k sī Ji̍t-pún iá-kiû soán-chhiú Lêng-bo̍k It-lóng tī Ji̍t-pún Chit-pāng O͘-le̍k-sū Béng-gû ê sî phah--chhut-lâi ê 757-tiôⁿ, Hân-kok Chit-pāng ê kì-lo̍k sī Lí Chiong-hoān ê 779-tiôⁿ.
2015 nî 8 goe̍h 23, tī Toā-pi-ô͘ Iá-kiû-tiôⁿ tùi-chiàn Lamigo Thô-oân, Gī-tāi Sai-gû kí-pān Chhî Seng-bêng chóng-kàu-liān kám-un-ji̍t oa̍h-tāng, 9-kio̍k-hā Lîm Ek-choân bīn-tùi tâu-chhiú Lîm Pek-iū, kòng-chhut seng-gâi thâu-chi̍t-ki chài-kiàn hŏng-bú-láng, lo̍h-bóe 2 : 3 Gī-tāi sèng-lī, āu--lâi Lîm Ek-choân mā kā chit-lia̍p hŏng-bú-láng ê kiû sàng hō͘ Chhî seng-bêng in bó͘ Siā Êng-iâu.
2015 nî 9 goe̍h 19, tī Thô-hn̂g kok-chè Iá-kiû-tiôⁿ tùi-chiàn Lamigo Thô-oân, 1-kio̍k-siāng kòng-chhut chi̍t ki móa-lúi hŏng-bú-láng. M̄-nā sī i seng-gâi tē-100-ki hŏng-bú-láng, mā-sī i kò-jîn seng-gâi thâu-chi̍t-ki móa-lúi hőng-bú-láng.
2017 nî 3 goe̍h-té, hō͘ tūi-iú Lîm Tiat-soan tī bê-chiòng-ia̍h hoat-bûn àm khoe i siú-pī bô chek-ke̍k (hit-phiⁿ bûn āu-lâi í-keng san-tû), ín-hoat hong-pho kah kiû-bê ê thó-lūn^[10].
2021 nî 9 goe̍h 4 hō, tī Thô-hn̂g kok-chè Iá-kiû-tiôⁿ tùi-chiàn Lo̍k-thian Thô-oân, 1-kio̍k-siāng bīn-tùi Tân Koàn-ú kòng-chhut seng-gâi tē-200-ki hőng-bú-láng, sī Tiong-chit tē-saⁿ-ê ta̍t-sêng ê soán-chhiú^[11].
2024 nî 8 goe̍h 14, tī Ka-gī Chhī-li̍p Iá-kiû-tiôⁿ tùi-chiàn Bī-choân Liông ê pí-sài, 7-kio̍k-hā bīn-tùi Tân Ú-hun khà-chhut seng-gâi tē-2000-ki an-táⁿ, sī Tiong-chit tē-3-ūi ta̍t-sêng ê kiû-oân.

Chit-pāng Seng-gâi Sêng-chek

Tiong-hôa Chit-pāng

(Chho͘-o͘-jī sī hit-nî siāng-hó ia̍h siāng-koân ê sêng-chek)
(Chho͘-âng-jī sī liân-bêng le̍k-sú lāi-té siāng-hó ia̍h siāng-koân ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Tit-hun	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2009	Heng-lông Gû	120	486	169	18	113	92	6	40	46	264	19	0.348	0.395	0.543	0.938
2010		107	406	134	8	55	61	4	30	52	184	14	0.330	0.374	0.453	0.827
2011		101	368	117	8	55	56	2	42	56	170	8	0.318	0.383	0.462	0.845
2012		113	450	167	13	92	72	2	38	46	258	17	0.371	0.419	0.573	0.992
2013	Gī-tāi Sai-gû	113	417	149	18	79	66	4	45	42	229	20	0.357	0.415	0.549	0.964
2014		119	465	161	14	88	81	1	45	33	237	13	0.346	0.398	0.510	0.908
2015		117	452	166	23	126	84	1	50	53	265	12	0.367	0.422	0.586	1.008
2016		106	417	146	17	81	67	1	50	62	221	11	0.350	0.416	0.530	0.946
2017	Hù-pang Hān-chiòng	105	385	136	17	71	62	4	50	50	212	15	0.353	0.420	0.551	0.971
2018		95	349	110	8	54	45	2	32	54	160	8	0.315	0.366	0.458	0.824
2019		117	431	140	27	108	71	1	45	58	247	19	0.325	0.382	0.573	0.955
2020		109	391	122	22	78	52	1	34	69	206	10	0.312	0.365	0.527	0.892
2021		109	388	111	11	52	39	1	31	66	173	12	0.286	0.335	0.446	0.781
2022		74	247	64	1	22	16	1	18	46	84	8	0.259	0.308	0.340	0.648
2023	Thóng-it 7-ELEVEn Sai	89	284	87	3	54	20	1	24	42	110	13	0.306	0.357	0.387	0.744
2024	Thóng-it 7-ELEVEn Sai	45	129	34	2	14	5	0	4	14	46	4	0.264	0.284	0.357	0.641
Ha̍p-kè	16-tang	1639	6065	2013	210	1142	889	32	578	789	3066	203	0.332	0.386	0.506	0.892

Tâu-kiû Sêng-chek

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Kiù-oān	Oân-tâu	Oân-hong	Sì-sí	Sa̋n-sín	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2013	Gī-tāi Sai-gû	1	0	0	0	0	0	0	0	1	0	0	0.1	0.00	3.00
Ha̍p-kè	1-tang	1	0	0	0	0	0	0	0	1	0	0	0.1	0.00	3.00

Chham-khó Chu-liāu

↑ "震撼彈！林益全不想加入牛". Goân-pún bāng-ia̍h Pó-chûn tī 2016-04-24. 2016-04-14 khòaⁿ--ê.
↑ "〈CPBL〉簽約金500萬　林益全沒嚇到". Goân-pún bāng-ia̍h Pó-chûn tī 2019-09-09. 2019-12-07 khòaⁿ--ê.
↑ 蕭保祥 (2007年12月27日). "林益全搶手　大家都想要". yam天空新聞. Goân-pún bāng-ia̍h Pó-chûn tī 2008年1月4日. 2008-04-15 khòaⁿ--ê.
↑ 蕭保祥 (2007年12月27日). "08年選秀結果　林益全當狀元". yam天空新聞. goân-loē-iông tī 2008年10月18日 hőng khó͘-pih. 2008-04-15 khòaⁿ--ê.
↑ 王覺一 (2008年3月16日). "還要代訓1年林益全:不公平". 蘋果日報. Goân-pún bāng-ia̍h Pó-chûn tī 2008年4月18日. 2008-04-15 khòaⁿ--ê.
↑ "中職／林義守親自談　林益全合約總值最高2295萬". Goân-pún bāng-ia̍h Pó-chûn tī 2016-04-20. 2016-04-06 khòaⁿ--ê.
↑ 林益全富邦薪水一哥全聯盟僅次林智勝 Archived 2017-06-23 at the Wayback Machine.，中央社，20170319
↑ "林益全建議高中拿鋁棒體重不夠拿木棒打擊反難適應". Goân-pún bāng-ia̍h Pó-chûn tī 2016-05-07. 2016-04-20 khòaⁿ--ê.
↑ "不受肯定！　林益全臉書表達無法信服". Goân-pún bāng-ia̍h Pó-chûn tī 2016-04-28.
↑ 富邦內鬨！葉君璋召集林哲瑄、林益全當面溝通 Archived 2017-06-10 at the Wayback Machine.，ETNEWS運動雲，20170401
↑ 林益全200轟史上第三人開轟後曾總還要求檢查球棒 Archived 2021-09-04 at the Wayback Machine.，聯合新聞網，2021-09-04

Gōa-pō͘ Liân-kiat

Tâi-oân Pāng-kiû Wiki-koán：林益全(Hàn-gí)

Lîm Ek-choân ê Facebook choan-ia̍h
Lîm Ek-choân tī Instagram

Chióng-hāng
chêng-jīm: Tân Kang-hô	Tiong-hôa Chit-pāng sin-lâng soán-siù chiōng-goân 2008 nî	kè-jīm: Lîm Khek-khiam
chêng-jīm: Pò͘-lûi Tiuⁿ Thài-san Chiúⁿ Tì-hiân	Tiong-hôa Chit-pāng Táⁿ-tiám-ông 2009 nî 2014-2015 nî 2019 nî	kè-jīm: Lîm Tì-sèng Lîm Hông-io̍k Lîm An-khó
chêng-jīm: Phêⁿ Chèng-bín Chio̍h Chì-úi	Tiong-hôa Chit-pāng Chòe-ka 10-jîn Chióng (it-lúi-chhiú) 2009 nî 2013 nî–2017 nî	kè-jīm: Phêⁿ Chèng-bín Tân Chùn-siù
chêng-jīm: Chiu Su-chê	Tiong-hôa Chit-pāng Chòe-ka 10-jîn Chióng (chí-tēng táⁿ-kek) 2021 nî	kè-jīm: Lîm Tì-sèng
chêng-jīm: Phêⁿ Chèng-bín Phêⁿ Chèng-bín	Tiong-hôa Chit-pāng Kim-chhiú-thò Chióng (it-lúi-chhiú) 2009 nî 2014 nî–2016 nî	kè-jīm: Phêⁿ Chèng-bín Ko Kok-khèng
chêng-jīm: Lîm Kî-hūi	Tiong-hôa Chit-pāng nî-tō͘ Sin-jîn-ông 2009 nî	kè-jīm: Ông Kèng-bêng
chêng-jīm: Johnson Chiu Su-chê	Tiong-hôa Chit-pāng nî-tō͘ MVP 2009 nî 2013 nî–2014 nî	kè-jīm: Phêⁿ Chèng-bín Lîm Tì-sèng
chêng-jīm: Tiuⁿ Thài-san	Tiong-hôa Chit-pāng oân-choân táⁿ-kek tè-chō-chiá 2012 nî 5 goe̍h 10 hō	kè-jīm: Ông Sèng-úi
chêng-jīm: Phoaⁿ Bú-hiông	Tiong-hôa Chit-pāng Táⁿ-kek-ông 2013 nî	kè-jīm: Ô͘ Kim-liông
chêng-jīm: Tiuⁿ Chèng-úi	Tiong-hôa Chit-pāng An-táⁿ-ông 2013 nî	kè-jīm: Ô͘ Kim-liông
chêng-jīm: Lîm Tì-sèng	Tiong-hôa Chit-pāng Choân-lûi-táⁿ-ông 2013 nî	kè-jīm: Ko Kok-hui
chêng-jīm: Cheng Sêng-iū	Tiong-hôa Chit-pāng Choân-lûi-táⁿ Tōa-sài koan-kun 2013 nî	kè-jīm: Nâ În-lûn

[1] "震撼彈！林益全不想加入牛". Goân-pún bāng-ia̍h Pó-chûn tī 2016-04-24. 2016-04-14 khòaⁿ--ê.

[2] "〈CPBL〉簽約金500萬　林益全沒嚇到". Goân-pún bāng-ia̍h Pó-chûn tī 2019-09-09. 2019-12-07 khòaⁿ--ê.

[3] 蕭保祥 (2007年12月27日). "林益全搶手　大家都想要". yam天空新聞. Goân-pún bāng-ia̍h Pó-chûn tī 2008年1月4日. 2008-04-15 khòaⁿ--ê.

[4] 蕭保祥 (2007年12月27日). "08年選秀結果　林益全當狀元". yam天空新聞. goân-loē-iông tī 2008年10月18日 hőng khó͘-pih. 2008-04-15 khòaⁿ--ê.

[5] 王覺一 (2008年3月16日). "還要代訓1年林益全:不公平". 蘋果日報. Goân-pún bāng-ia̍h Pó-chûn tī 2008年4月18日. 2008-04-15 khòaⁿ--ê.

[6] "中職／林義守親自談　林益全合約總值最高2295萬". Goân-pún bāng-ia̍h Pó-chûn tī 2016-04-20. 2016-04-06 khòaⁿ--ê.

[7] 林益全富邦薪水一哥全聯盟僅次林智勝 Archived 2017-06-23 at the Wayback Machine.，中央社，20170319

[8] "林益全建議高中拿鋁棒體重不夠拿木棒打擊反難適應". Goân-pún bāng-ia̍h Pó-chûn tī 2016-05-07. 2016-04-20 khòaⁿ--ê.

[9] "不受肯定！　林益全臉書表達無法信服". Goân-pún bāng-ia̍h Pó-chûn tī 2016-04-28.

[10] 富邦內鬨！葉君璋召集林哲瑄、林益全當面溝通 Archived 2017-06-10 at the Wayback Machine.，ETNEWS運動雲，20170401

[11] 林益全200轟史上第三人開轟後曾總還要求檢查球棒 Archived 2021-09-04 at the Wayback Machine.，聯合新聞網，2021-09-04

[1]

[2]

[3]

[4]

[5]

[6]

[7]

[8]

[9]

[10]

[11]