Lîm Ga̍k-pêng
 | 這篇文章有漢字的版本。 參考這篇文章的漢字的版本。 |
| Lîm Ga̍k-pêng 林岳平 | |||
|---|---|---|---|
 | |||
| Thóng-it 7-ELEVEn Sai – No. 11 | |||
It-kun chóng-kàu-liān | |||
Chhut-sì: 1982 nî 1 goe̍h 28 ji̍t (44 hòe)  Tiong-hôa Bîn-kok Ko-hiông-koān Chiáu-chhêng-hiong (taⁿ Ko-hiông-chhī Chiáu-chhêng-khu) | |||
| |||
| Tiong-hôa Chit-pāng Chho͘-chhù chhut-sài | |||
| 2005 nî 3 goe̍h 13, tī Thóng-it Sai | |||
| Chòe-āu Tiong-hôa Chit-pāng chhut-sài | |||
| 2017 nî 10 goe̍h 23, tī Thóng-it 7-ELEVEn Sai | |||
| Seng-gâi sò͘-kì thóng-kè (chì 2017 nî ûi-chí) | |||
| Sèng-tâu — pāi-tâu | 33–43 | ||
| Tiong-kè — kiù-oān | 36–129 | ||
| Sa̋n-sín — sì-bái | 517–305 | ||
| Hông-gū-lu̍t | 3.88 | ||
| Tūi-ngó͘ | |||
|
Kiû-oân sî-kî
Kàu-liān sî-kî
| |||
| Seng-gâi cheng-chhái piáu-hiān kah ti̍t-chióng | |||
|
Kiû-oân sî-kî
Kàu-liān sî-kî
| |||
| Tit-kàu ê chióng | ||
|---|---|---|
 Iá-kiû | ||
Tāi-piáu  Tiong-hôa Tâi-pak | ||
| A-chiu Ūn-tōng-hōe | ||
 | 2002 nî Hú-san | Thoân-thé |
 | 2006 nî Tō͘-ha | Thoân-thé |
| A-chiu Iá-kiû Kím-phiau-sài | ||
| 2003 nî Sap-phó͘-lo͘h | Thoân-thé |
| Chiu-chè-poe Iá-kiû-sài | ||
 | 2006 nî Tâi-tiong | Thoân-thé |
| Sè-kài Iá-kiû 12-kiông Sài | ||
| 2024 nî Tang-kiaⁿ | Thoân-thé |
Lîm Ga̍k-pêng (1982 nî 1 goe̍h 28 chhut-sì ), phian-miâ "Tōa-piáⁿ", "Piáⁿ-chóng", sī Tâi-oân ê iá-kiû kàu-liān, thè-e̍k chit-gia̍p iá-kiû soán-chhiú, hiān-jīm Thóng-it 7-ELEVEn Sai chóng-kàu-liān, soán-chhiú sî-kî ê siú-pī ūi-tì sī tâu-chhiú, 13-nî chit-pāng seng-gâi lâu ū 129-pái kiù-oān sêng-kong ê kì-lo̍k, bat sī kiù-oān sêng-kong ê kì-lo̍k pó-chhî-jîn, it-ti̍t kàu 2023 nî 4 goe̍h 5 hō chiah hō͘ Tân Ūn-bûn ta̍t-sêng 130-pái chhiau-kòe. Lēng-gōa i mā bat hőng jīn-ûi seⁿ kah chiok sêng Ji̍t-pún iá-kiû tâu-chhiú Ko-chin Sîn-ngô͘ (高津臣吾) kah Siōng-goân Hō-tī (上原浩治).
Keng-le̍k
[siu-kái | kái goân-sí-bé]- Ko-hiông-chhī Sam-bîn-khu Sai-ô͘ Kok-sió Siàu-pāng-tūi
- Ko-hiông-chhī Ngó͘-hok Kok-tiong Chheng-siàu-pāng-tūi
- Ko-hiông-chhī Sam-bîn Ko-tiong Chheng-pāng-tūi
- Tâi-oân Tiān-le̍k Iá-kiû-tūi
- Kok-ka Tû-hùn Iá-kiû-tūi
- Tiong-hôa Chit-pāng Thóng-it Sai tāi-hùn kiû-oân
- Tiong-hôa Chit-pāng Thóng-it 7-ELEVEn Sai (2005 nî－2017 nî)
- Tiong-hôa Chit-pāng Thóng-it 7-ELEVEn Sai jī-kun tâu-chhiú kàu-liān (2018 nî－2019 nî)
- Tiong-hôa Chit-pāng Thóng-it 7-ELEVEn Sai it-kun tāi-lí chóng-kàu-liān (2019 nî 10 goe̍h 14－2020 nî 10 goe̍h 24)
- Tiong-hôa Chit-pāng Thóng-it 7-ELEVEn Sai it-kun chóng-kàu-liān (2020 nî 10 goe̍h 24－)
- Tiong-hôa Sêng-pāng Tāi-piáu-tūi chóng-kàu-liān (2022 nî 9 goe̍h －2023 nî 3 goe̍h)
Tiān-iáⁿ Ián-chhut
[siu-kái | kái goân-sí-bé]- Kiû-ài Thian-khong: ka-kī (2012 nî)
Seng-gâi
[siu-kái | kái goân-sí-bé]Kiû-oân sî-kî
[siu-kái | kái goân-sí-bé]Lîm Ga̍k-pêng tī 2004 nî Tiong-hôa Chit-pāng Thâu-1-kài Thè-tāi-ek Soán-siù-hōe lāi-té í tē-it-lûn tē-sì-ūi hō͘ Thóng-it Sai kéng tio̍h. Tú-khai-sí í sian-hoat ûi-chú, āu-lâi tio̍h khai-sí choan-chit kiù-oān, pēng-chhiáⁿ tī 2013 nî 8 goe̍h 15 tī Tâi-lâm Chhī-li̍p Iá-kiû-tiûⁿ tùi-chiàn Gī-tāi Sai-gû, tī 9-kio̍k-siōng hō͘-oān 1-kio̍k bô-sit-hun, ta̍t-sêng seng-gâi tē-125-pái kiù-oān sêng-kong, chhiau-kòe chêng tūi-iú Garcia (Mike Garcia) ê 124-pái.
2007 nî 5 goe̍h 17, Lîm Ga̍k-pêng in-ūi sim-chōng ê būn-tê, tòa-īⁿ chìn-hêng chhiú-su̍t, kòe-têng hō͘ hit-tang-chūn jīm-chit Kok-li̍p Tiong-iong Tāi-ha̍k Thian-bûn Gián-kiù-só͘ ê Sun Î-sin kàu-siū hip chò kì-lo̍k-phìⁿ[1]. Kâng-nî 9 goe̍h 21 tńg--khì kàu chit-pāng chhut-sài, thâu-chi̍t-ê táⁿ-se̍k tio̍h kā Hiaⁿ-tī Chhiūⁿ soán-chhiú Tân Kang-hô sa̋n-sín tiāu, kiû-sok siōng-kín mā-ū 147 kong-lí, 2008 nî kiû-kùi lāi-té í-keng thang tâu chhut kòe-khì ê 154 kong-lí kiû-sok.
2018 nî, 36-hòe ê Lîm Ga̍k-pêng soan-pò͘ kiat-sok i ê kiû-oân seng-gâi, choán-jīm kàu-liān chit-bū, kiat-sok 13-nî ê chit-pāng seng-gâi, 129-pái kiù-oān sêng-kong chiâⁿ-chò hit-tang-chūn Tiong-hôa Chit-pāng kiù-oān ê siōng-koân kì-lo̍k. 2018 nî 3 goe̍h 25, tī Thóng-it 7-ELEVEn Sai chú-tiûⁿ khai-bō͘-chiàn sài-āu kí-pān ín-thè gî-sek[2].
Kàu-liān sî-kî
[siu-kái | kái goân-sí-bé]2020 nî kiû-kùi, Lîm Ga̍k-pêng chiâⁿ-chò Thóng-it 7-ELEVEn Sai ê tāi-lí chóng-kàu-liān, tī ē-pòaⁿ-kùi tit-tio̍h koan-kun liáu-āu chèng-sek chiâⁿ-chò chóng-kàu-liān[3].
2020 nî Tâi-oân Tōa-sài, tī 1-sèng 3-pāi ê chêng-hêng chhōa-niá Thóng-it 7-ELEVEn Sai tò-iâⁿ Tiong-sìn Hiaⁿ-tī, tī tui-pêng tùi-chhiú liáu-āu ê sài-āu kì-chiá-hōe, iu-goân kóng "Á-bōe kàu seⁿ-sí chi̍t-chiàn, chí-sī sèng-hū chi̍t-chiàn niâ."[4], lo̍h-bóe ta̍t-sêng chhōa-peng thâu-chi̍t-tang tio̍h chhōa-niá kiû-tūi tit-tio̍h chóng-koan-kun[5].
2021 nî 11 goe̍h 18, sui-jiân Thóng-it 7-ELEVEn Sai í 3 : 4 su hō͘ Hù-pang Hān-chiòng, tān-sī kâng-chi̍t-ji̍t ê lēng-gōa chi̍t-tiûⁿ Bī-choân Liông í 11 : 2 phah-pāi ē-pòaⁿ-kùi pâi-miâ tē-jī ê Tiong-sìn Hiaⁿ-tī hō͘ Thóng-it 7-ELEVEn Sai iōng hui-chū-le̍k hong-ông ê hong-sek tit-tio̍h ē-pòaⁿ-kùi koan-kun, chìn-ji̍p Tâi-oân Tōa-sài thiau-chiàn jī-liân-pà. Tān-sī lo̍h-bóe Thóng-it 7-ELEVEn Sai tī 2021 nî Tâi-oân Tōa-sài phah chhut sì-liân-pāi, hō͘ Tiong-sìn Hiaⁿ-tī lu kng-thâu, bô-iân chhōa-niá Thóng-it Sai ta̍t-sêng jī-liân-pà. Kâng-nî 12 goe̍h 16, Lîm Ga̍k-pêng tòa-īⁿ chiap-siū tē-jī-pái ê sim-chōng chhiú-su̍t[6].
2022 nî 5 goe̍h 17, Thóng-it 7-ELEVEn Sai kiû-thoân hoat-piáu seng-bêng chèng-si̍t Lîm Ga̍k-pêng khak-chín COVID-19, chiām-sî hō͘ siú-se̍k kàu-liān Ko Chì-kong tāi-lí chóng-kàu-liān[7].
2022 nî 9 goe̍h 12, Tiong-hôa Chit-pāng tī keng-kòe ngó͘-lō͘ thó-lūn liáu-āu, khak-tēng ē hō͘ 40-hòe ê Lîm Ga̍k-pêng chhut-jīm 2023 nî Keng-tián-sài Tiong-hôa-tūi chóng-kàu-liān, mā chiâⁿ-chò Keng-tián-sài Tâi-oân sú-siōng siōng siàu-liân ê chóng-kàu-liān[8].
Te̍k-sû Sū-chek
[siu-kái | kái goân-sí-bé]- Bat ji̍p-soán 2004 nî A-tián Ò-ūn Kok-ka-tūi kok-chhiú, m̄-koh lo̍h-bóe kah Chng Hông-liōng chò-hóe hőng koah-thiàⁿ.
- 2006 nî 8 goe̍h 31, tī Sin-tek Iá-kiû-tiûⁿ tùi-chiàn Hiaⁿ-tī Chhiūⁿ tâu-chhut 154 kong-lí ê kiû, sī hit-tang-chūn Tiong-hôa Chit-pāng pún-thó͘ siōng-kín ê kì-lo̍k.
- Bat tī 2008 nî Tâi-oân Tōa-sài tē-gō͘-chiàn sài-āu, in-ūi ū chhiūⁿ-bê the̍h Lîm Ga̍k-pêng ê sim-chōng kóng-sńg-chhiò koh chhiàng-siaⁿ, hō͘ i giâ--khí-lâi tùi khòaⁿ-tâi pí chhut koah-âu ê tōng-chok, kiat-kó Sai-tūi ê bá-suh beh lī-khui kiû-tiûⁿ ê sî hō͘ chhiūⁿ-bê pau-ûi, iau-kiû Lîm Ga̍k-pêng tùi i koah-âu ê tōng-chok hōe-sit-lé[9].
- 2009 nî tit-tio̍h Tiong-hôa Chit-pāng 20 nî ê "nî-tō͘ kiù-oān-ông".
- 2010 nî 4 goe̍h 21, tī Tâi-lâm Chhī-li̍p Iá-kiû-tiûⁿ tùi-chiàn Hiaⁿ-tī Chhiūⁿ, tâu-chhut 154 kong-lí ê kiû, kah kò-jîn hām Tiong-hôa Chit-pāng ê kì-lo̍k pêⁿ-koân.
- 2011 nî 8 goe̍h 12 tī Tōa-pi-ô͘ Iá-kiû-tiûⁿ tùi-chiàn La New Hîm, tit-tio̍h pún-kùi tē-25-pái kiù-oān sêng-kong, mā-sī i seng-gâi tē-83-pái kiù-oān sêng-kong, chhiau-kòe Lâu Gī-thoân chiâⁿ-chò pún-thó͘ tâu-chhiú tē-it-lâng.
- 2011 nî 8 goe̍h 16, tī Tâi-tiong Iá-kiû-tiûⁿ tùi-chiàn Heng-lông Gû, tâu chhut 156 kong-lí ê kiû, sài-āu hō͘ liân-bêng lia̍t ji̍p-khì chèng-sek kì-lo̍k, phah-phòa ka-kī goân-pún ê 154 kong-lí, chhòng-chō Tiong-hôa Chit-pāng pún-thó͘ siōng-kín ê kiû-sok kì-lo̍k, jî-chhiáⁿ mā kah liân-bêng kì-lo̍k pêⁿ-koân[chù 1].
- 2013 nî 3 goe̍h 31 kàu 8 goe̍h 8 hō chhòng-chō liân-sòa 58 koh 2/3-kio̍k bô hőng-bú-láng.
- 2020 nî kiû-kùi, chit-pāng seng-gâi thâu-chi̍t-pái chiap-jīm chóng-kàu-liān, tio̍h chhōa-niá kiû-tūi tit-tio̍h Tiong-chit chóng-koan-kun.
- 2022 nî 4 goe̍h 17 tī Tâi-lâm Chhī-li̍p Iá-kiû-tiûⁿ tùi-chiàn Tiong-sìn Hiaⁿ-tī ê pí-sài, pí-sài chìn-hêng kàu 12-kio̍k hā-pòaⁿ iân-tn̂g-sài, lāi-iá-chhiú Lîm Chēng-khái cháu tńg--khì pún-lúi goân-pún sī phòaⁿ tit-hun, tān-sī keng-kòe tiān-sī hú-chō͘ phòaⁿ-koat liáu-āu kái phòaⁿ chhut-kio̍k, Lîm Ga̍k-pêng tùi chit-ê phòaⁿ-koat put-boán, kah chhâi-phòaⁿ hoat-seng chhiong-tu̍t, koh kā bō-á tàn khì thô͘-kha, sûi hőng khu-tio̍k chhut-tiûⁿ, hō͘ Tiong-hôa Chit-pāng liân-bêng hoa̍t-khoán chi̍t-bān-kho͘, m̄-koh bô kìm-sài[10].
- 2023 nî 4 goe̍h 5 hō, Thóng-it Sai Tūi Tân Ūn-bûn tī Tōa-pi-ô͘ Iá-kiû-tiûⁿ tùi-chiàn Bī-choân Liông, 9-kio̍k-siōng chiūⁿ-tiûⁿ tâu-kiû, tit-tio̍h siōng-bóe chi̍t-ê chhut-kio̍k-sò͘, hō͘ Thóng-it 7-ELEVEn Sai í 3 : 1 iâⁿ-kiû, tit-tio̍h seng-gâi tē-130-pái kiù-oān sêng-kong, chhiau-kòe Lîm Ga̍k-pêng tùi 2013 nî khai-sí pó-chhî beh cha̍p-tang ê 129-pái kì-lo̍k[11].
- 2025 nî 4 goe̍h 12, chhōa-niá Thóng-it Sai tī Tâi-pak Tōa-kī-tàn phah-pāi Bī-choân Liông, sêng-kong tit-tio̍h chip-kàu seng-gâi tē-300-sèng, sī Tiong-chit sú-siōng tē-gō͘-lâng[12]。
Chit-pāng Seng-gâi Sêng-chek
[siu-kái | kái goân-sí-bé]| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sì-sí | Sa̋n-sín | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2005 | Thóng-it Sai | 36 | 19 | 7 | 3 | 3 | 0 | 2 | 0 | 54 | 111 | 58 | 135.0 | 3.87 | 1.38 |
| 2006 | 46 | 8 | 5 | 6 | 0 | 1 | 1 | 0 | 51 | 82 | 36 | 100.2 | 3.22 | 1.32 | |
| 2007 | 5 | 0 | 0 | 0 | 0 | 0 | 0 | 0 | 4 | 3 | 2 | 2.1 | 7.71 | 3.43 | |
| 2008 | Thóng-it 7-ELEVEn Sai | 43 | 13 | 7 | 4 | 0 | 17 | 0 | 0 | 46 | 73 | 44 | 102.1 | 3.87 | 1.49 |
| 2009 | 63 | 0 | 4 | 5 | 1 | 26 | 0 | 0 | 24 | 40 | 22 | 66.2 | 2.96 | 1.17 | |
| 2010 | 39 | 4 | 1 | 6 | 3 | 14 | 0 | 0 | 25 | 32 | 23 | 56.1 | 3.67 | 1.46 | |
| 2011 | 50 | 0 | 0 | 4 | 4 | 28 | 0 | 0 | 27 | 53 | 19 | 58.2 | 2.91 | 1.19 | |
| 2012 | 34 | 0 | 1 | 4 | 0 | 23 | 0 | 0 | 20 | 31 | 17 | 34.0 | 4.50 | 1.62 | |
| 2013 | 44 | 0 | 2 | 4 | 2 | 20 | 0 | 0 | 27 | 26 | 12 | 40.2 | 2.66 | 1.57 | |
| 2014 | 43 | 0 | 3 | 4 | 9 | 0 | 0 | 0 | 19 | 21 | 21 | 38.0 | 4.97 | 1.47 | |
| 2015 | 18 | 0 | 0 | 1 | 0 | 0 | 0 | 0 | 11 | 12 | 12 | 18.2 | 5.79 | 1.82 | |
| 2016 | 9 | 0 | 0 | 0 | 0 | 0 | 0 | 0 | 6 | 4 | 9 | 5.0 | 16.20 | 3.80 | |
| 2017 | 38 | 0 | 3 | 2 | 4 | 0 | 0 | 0 | 15 | 29 | 23 | 33.2 | 6.15 | 1.90 | |
| Ha̍p-kè | 13-tang | 468 | 44 | 33 | 43 | 36 | 129 | 3 | 0 | 329 | 517 | 298 | 692.0 | 3.88 | 1.45 |
Kàu-liān sî-kî
[siu-kái | kái goân-sí-bé]| Nî-tō͘ | Kiû-tūi | Chhut-sài | Sèng-tiûⁿ | Hô-kio̍k | Pāi-tiûⁿ | Sèng-lu̍t | Sèng-chha | Pâi-miâ | Pī-chù |
|---|---|---|---|---|---|---|---|---|---|
| 2020 | Thóng-it 7-ELEVEn Sai | 120 | 58 | 61 | 1 | 0.487 | 9.5 | 3 | tāi-lí, ē-pòaⁿ-kùi koan-kun, Tâi-oân Tōa-sài koan-kun |
| 2021 | 120 | 64 | 51 | 5 | 0.557 | 1.5 | 2 | Ē-pòaⁿ-kùi koan-kun, Tâi-oân Tōa-sài (0－4 su hō͘ Tiong-sìn) | |
| 2022 | 114 | 44 | 67 | 3 | 0.396 | 22.5 | 4 | 5 goe̍h 17 khai-sí in-ūi tit-tio̍h COVID-19 hō͘ Ko Chì-kong tāi-lí 6-tiûⁿ | |
| 2023 | 120 | 62 | 55 | 3 | 0.530 | 2 | 2 | Téng-pòaⁿ-kùi koan-kun, Kùi-āu-sài (1－3 su hō͘ Lo̍k-thian) | |
| 2024 | 120 | 66 | 53 | 1 | 0.617 | 3.5 | 2 | Téng-pòaⁿ-kùi koan-kun, Tâi-oân Tōa-sài (1－4 su hō͘ Tiong-sìn) | |
| 2025 | 120 | 66 | 54 | 0 | 0.550 | 4.0 | 2 | Téng-pòaⁿ-kùi koan-kun, Kùi-āu-sài (2－3 su hō͘ Lo̍k-thian) | |
| Ha̍p-kè | 6-tang | 714 | 360 | 341 | 13 | 0.514 |
Chù-kha
[siu-kái | kái goân-sí-bé]- ↑ 2013 nî hō͘ hit-tang-chūn tī Hiaⁿ-tī Chhiūⁿ ê Mejia phah-phòa kì-lo̍k.
Chham-khó Chu-liāu
[siu-kái | kái goân-sí-bé]- ↑ 林岳平「開心」勝投[íng-íng bô-hāu ê liân-kiat]
- ↑ 謝靜雯; 張新偉 (2018-03-25). 陳怡璇; 吳協昌, pian. "林岳平轉教練沒遺憾 13年球員生涯努力過". 台北. 中央社 CNA. Goân-pún bāng-ia̍h Pó-chûn tī 2018-07-03. 2018-03-25 khòaⁿ--ê.
- ↑ 倪婉君 (2020-10-24). "賽後正式真除！ 林岳平成為獅隊總教練". 自由時報. goân-loē-iông tī 2020-11-24 hőng khó͘-pih. 2020-10-24 khòaⁿ--ê.
- ↑ 陳宛晶 (2020-11-07). "「不是生死一戰」 林岳平鼓勵選手再忍耐一下". 聯合報. 台中. goân-loē-iông tī 2020-11-13 hőng khó͘-pih. 2020-11-09 khòaⁿ--ê.
- ↑ 謝文哲 (2020-11-09). "統一獅1比3逆轉奪隊史第10冠 中信兄弟苦吞7年6亞軍". 鏡周刊. goân-loē-iông tī 2020-11-17 hőng khó͘-pih. 2020-11-09 khòaⁿ--ê.
- ↑ 史丹利視角的體育世界 (2021-12-21). "統一獅餅總心臟二度動刀 林岳平：「感念第一個瓣膜給我豐富多彩的時光」". 運動視界. goân-loē-iông tī 2022-01-25 hőng khó͘-pih. 2022-01-25 khòaⁿ--ê.
- ↑ 陳宛晶 (2022-05-17). "林岳平自主隔離後確診 獅隊兵符暫交高志綱". 聯合報. goân-loē-iông tī 2022-06-19 hőng khó͘-pih. 2022-05-17 khòaⁿ--ê.
- ↑ 賴禹蓉. "統一總教練林岳平執掌WBC兵符 經典賽史上最年輕總教練" (ēng Hôa-gí). 三立新聞網 setn.com. Goân-pún bāng-ia̍h Pó-chûn tī 2022-09-25. 2022-09-13 khòaⁿ--ê – via tw.sports.yahoo.com.
- ↑ "林岳平「割喉」嗆聲不妥 少數象迷也太超過". NOWnews. 2008-10-31. goân-loē-iông tī 2016-08-12 hőng khó͘-pih.
- ↑ 蔡厚瑄 (2022-04-17). "獅不滿改判3人爆氣遭驅逐 聯盟撂重話：將嚴懲". 台北: 三立新聞網 setn.com. goân-loē-iông tī 2022-06-27 hőng khó͘-pih. 2022-04-17 khòaⁿ--ê.
- ↑ "Archive copy". Archived from the original on 2023-04-05. 2025-04-17 khòaⁿ--ê.
- ↑ "中華職棒大聯盟全球資訊網 The Official Site of CPBL". www.cpbl.com.tw (ēng Hôa-gí). 2025-04-15 khòaⁿ--ê.
Gōa-pō͘ Liân-kiat
[siu-kái | kái goân-sí-bé]
Tâi-oân Pāng-kiû Wiki-koán：Lîm Ga̍k-pêng(Hàn-gí)
| chêng-jīm: Lâu Io̍k-sîn (tāi-lí) |
Thóng-it 7-ELEVEn Sai chóng-kàu-liān 2019 nî 10 goe̍h 14－ |
kè-jīm: Hiān-jīm |
| Chióng-hāng | ||
|---|---|---|
| chêng-jīm: Van Buren |
Tiong-hôa Chit-pāng kiù-oān-ông 2009 nî |
kè-jīm: Cullen |
| chêng-jīm: Lîm Eng-kia̍t |
Tâi-oân Tōa-sài Iu-siù Kiû-oân-chióng (pāi-hong) 2006 nî |
kè-jīm: Tân Kim-hong |
| chêng-jīm: Âng It-tiong |
Tiong-hôa Chit-pāng Chòe-ka Chóng-kàu-liān 2020 nî |
kè-jīm: Lîm Ui-chō͘ |
| |||||||
| ||||||||||||
| ||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||