Lô-tōng sam-hoat

Lô-tōng sam-hoat (勞動三法), sī Tiong-hoâ Bîn-kok hoat-lu̍t ê Kang-hōe Hoat (工會法), Thoân-thé Hia̍p-iok Hoat (團體協約法) kap Lô-chu Cheng-gī Chhú-lí Hoat (勞資爭議處理法), iā sī lô-chu ūn-chok siōng ê tiōng-iàu hoat-lu̍t. 1992 nî 11 goe̍h 12 hō, Kang-lâng Li̍p-hoat Hêng-tōng Úi-oân-hōe téng-téng lô-kang ūn-tōng thoân-thé cho͘-sêng "Sam-hoat It-àn Hêng-tōng Úi-oân-hōe" (三法一案行動委員會) hoat-khí "1112 Kang-lâng Tàu-tīn Toā Iû-hêng" (1112工人鬥陣大遊行), hit-tang-chūn ê lô-tōng sam-hoat sī Lô-tōng Ki-chún Hoat (勞動基準法), Kang-hōe Hoat (工會法) kap Lô-chu Cheng-gī Chhú-lí Hoat (勞資爭議處理法).

Le̍k-sú

Kòe-khì ê lô-chu koan-hē tiong, lô-kang (lô-hong) kap kò͘-chú (chu-hong) ê tē-ūi ūi-tī bô pêng-téng ê tē-ūi, lô-hong ê koân-le̍k pí chu-hong só͘ ióng-iú ê koân-le̍k khah-sé, ka-siōng bô bêng-khak pó-chiòng lô-kang koân-ek kap thê-seng lô-kang tē-ūi ê hoat-lēng, hō͘ kò͘-chú ūn-iōng lô-kang tùi i ê i-hù-sèng, pak-siap lô-kang èng-kai ài ū ê koân-ek.

Lô-kang ù-sek tio̍h chū-sin ê koân-lī bî-po̍h, beh hām chu-hong tâm-poàⁿ soah kiaⁿ cho-siū chek-hoa̍t, sīm-chì sit-gia̍p, só͘-í chiah thoân-kiat lâi cho͘-sêng kang-hōe, óng-hiō í kang-hōe chò hu̍t-sim, ūn-iōng lô-hong chi̍p-thé ê le̍k-liōng, hiòng chu-hong cheng-chhú lī-ek kái-siān, chhiam-sú siong-koan pó-hō͘ lô-hong ê hoat-lu̍t bûn-kiāⁿ, bo̍k-tek sī beh thê-seng lô-hong tē-ūi hām chu-hong pêng-téng. Ūi-tio̍h beh pó-hō͘ lô-hong siōng-su̍t ê koân-lī, chè-tēng Lang-hōe Hoat lâi pó-chiòng lô-kang kang-hōe ê "thoân-kiat-koân", ch3-tēng Thoân-thé Hia̍p-iok Hoat lâi pó-chiòng lô-hong kap chu-hong chhiam-sú siong-koan hoat-lu̍t bûn-kiàⁿ, lâi cheng-chhú koân-ek ê kau-sia̍p-koân.

Kang-hōe hām chu-hong hia̍p-siong sit-pāi sî, siang-hong ē-tàng hêng-sú cheng-gī-koân, hō͘ tùi-hong ap-le̍k, hō͘ i jiōng-pō͘. In-ūi lô-hong khah jio̍k-sè, chu-hong iông-ī ū têng-kài lô-hong hêng-sú cheng-gī-koân ê chêng-hêng chhut-hiān, ūi-tio̍h pó-chiòng siang-hong ê cheng-gī-koân, só͘-í chiah chè-tēng Lô-chu Cheng-gī Chhú-lí Hoat.