Lāi-iá-chhiú
 | 這篇文章有漢字兮版本。 參考這篇文章兮漢字版本。 |
Lāi-iá-chhiú (Infielder, thong-siông sok-siá chò IF) sī iá-kiû lāi-té ê hông-siú ūi-tì, sī chí hông-siú lāi-iá ê kiû-oân. It-poaⁿ lâi kóng, lāi-iá-chhiú pau-koat it-lúi-chhiú, jī-lúi-chhiú, saⁿ-lúi chhiú, iû-kek-chhiú sì-ê ūi-tì. Kóng-gī ê lāi-iá-chhiú koh pau-hâm tâu-chhiú kah pó͘-chhiú.
Lāi-iá-chhiú siōng tiōng-iàu ê hông-siú khang-khòe, sī kā thûi-á-chhiú phah chhut--lâi ê gó͘-lo͘h, pêng-hui-kiû cha̍h--lo̍h-lâi, mài hō͘ i chìn-ji̍p gōa-iá chiâⁿ-chò an-táⁿ, pēng-chhiáⁿ kā i thoân khì lúi-pau hō͘ thûi-á-chhiú ia̍h cháu-chiá chhut-kio̍k. Só͘-í tû-liáu it-lúi-chhiú í-gōa, lóng su-iàu ū bē-bái ê ti̍t-sòaⁿ thoân-kiû lêng-le̍k. In-ūi ta̍k-ê lāi-iá-chhiú ūi-tì ê te̍k-sèng bô-kâng, it-poaⁿ kiû-tūi ē kā gâu siú-pī ê kiû-oân khǹg tī iû-kek-chhiú, jī-lúi-chhiú, saⁿ-lúi-chhiú.
Thoân-thóng ê lāi-iá-chhiú ū 2-lūi: kak-á lāi-iá-chhiú (saⁿ-lúi-chhiú / it-lúi-chhiú) kah tiong-sòaⁿ lāi-iá-chhiú (iû-kek-chhiú / jī-lúi-chhiú), nn̄g-chióng lóng sī khah gâu siú-pī ê hông-siú-hêng kiû-oân. Lēng-gōa koh ū chi̍t-chióng lāi-iá-chhiú sī lúi-pau-chhiú, tōa-pō͘-hūn kan-na ē siú tī lúi-pau.
Chham-khó Chu-liāu
[siu-kái | kái goân-sí-bé]Tâi-oân Pāng-kiû Wiki-koán：內野手(Hàn-gí)
| ||||||||||||||||||||||||||||||||||||||||||||||||||
