Lēng Kè-oē

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Lēng Kè-oē (令計劃, 1956 nî 10 goe̍h 22 ji̍t chhut-sì ) sī Tiong-hoâ Jîn-bîn Kiōng-hô-kok ê chèng-tī jîn-bu̍t. I tī Soaⁿ-sai ê Pêng-lio̍k-koān chhut-sì, goân-lâi ê miâ-jī sī Lēng-hô͘ Kè-oē (令狐計劃).

I tī 2007 nî kàu 2012 nî sī Tiong-kok Kiōng-sán-tóng tiong-iong pān-kong-thiaⁿ ê chú-jīm, choè chá iā ū chèng-tī chiân-tô͘, put-kò i ê kiáⁿ tī 2012 nî chhut chhia-hō sí teh í-āu i khai-sí sit-sè, tiàu-tōng khì choè Tiong-kok Kiōng-sán-tóng tiong-iong thóng-it chiàn-soàⁿ kang-chok-pō͘ ê pō͘-tiúⁿ. 2014 nî 12 goe̍h 22 ji̍t, i in-uī giâm-tiōng uî-kì, hō͘ Tiong-kok Kiōng-sán-tóng tiong-iong kì-lu̍t kiám-cha uí-oân-hoē tiâu-cha. 7 goe̍h 20 ji̍t, Tiong Kiōng khai-tû i--ê tóng-che̍k, hō͘ Tiong-kok--ê Choè-ko Jîn-bîn Kiám-chhat-īⁿ li̍p-àn tāi-pó͘.