Lalu Tó

Lalu-tó tī tiong-ng

Lalu Tó sī Tâi-oân Ji̍t-goa̍t-thâm thâm tiong ê 1 ê sió-tó.

Í-chá sī Thao-cho̍k-lâng khiā-khí ê 1 ê só·-chāi, mā sī in ê chó·-lêng Paclan ê só·-chāi. Lalu-tó tī Chheng-tiâu sî-tāi mā hō͘-chò Chu-á-sū (珠仔嶼), Chu-á-soaⁿ; 19 sè-kí ê Eng-bûn bûn-hiàn hoan-e̍k chò Pearl Islet. Ji̍t-pún sî-tāi kái miâ chò Tamasima (Gio̍k-tó). Chiàn-āu Tiong-hôa Bîn-kok koh kā kái chò Kong-hôa-tó (光華島). 1999 nî 921 Tōa Tē-tāng hoat-seng liáu-āu, kái tńg khì goân-miâ, hàn-jī siá 拉魯島.