Lehi

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Lehi (Hi-pek-lâi-gí ho͘-im: [ˈleχi]), choân-miâ Lohamei Herut Israel – Lehi (לח"י – לוחמי חרות ישראל‎‎ "Ūi Í-sek-lia̍t Chū-iû ê Chiàn-sū – Lehi"), sī Avraham Stern chhòng-li̍p ê Zion-chú-gī kun-sū cho͘-chit.

In tī 1940 nî 8 goe̍h sêng-li̍p, goân-té hō-miâ chò Í-sek-lia̍t Kok-bîn Kun-sū Cho͘-chit (Eng-gí: National Military Organization in Israel), chi̍t kò goe̍h āu chiō kái-miâ Lehi.

Cho͘-chit sêng-goân chi̍t-pō͘-hūn tī 1948 nî 5 goe̍h 28 hông khip-siu ji̍p Í-sek-lia̍t Kok-hông-kun, Lehi chiō chèng-sek kái-sàn, tông-sî ia̍h ū pō͘-hūn sêng-goân tī che liáu-āu si̍t-hêng chi̍t pái khióng-pò͘-chú-gī oa̍h-tāng, àm-sat Folke Bernadotte.