Lek-sek nńg-thé
Lek-sek nńg-thé (勒索軟體; pe̍h-ōe lâi kóng chiū sī "lo-lut nńg-thé", "kòng-chîⁿ nńg-thé") sī 1 khoán pháiⁿ-thé, ē ka-bi̍t (encrypting) siū-hāi-chiá ê ko-jîn chū-liāu, ti̍t-kàu sio̍k-kim kiáu--chhut-lâi.[1][2][3][4] Oh tui-chong ê sò͘-ūi hòe-pè, pí-jû paysafecard iah-sī Bitcoin kap ki-thaⁿ ê àm-bé thong-hòe tiāⁿ-tiāⁿ sú-iōng lâi la̍p sio̍k-kim, tì-kàu tui-chong kap khí-sò͘ hoān-chōe ê chiâⁿ khùn-lân. In-ūi si̍t-chò nńg-thé ê têng-tâⁿ, gōa-sia̍p ê àm-bé-ha̍k ê só͘-sî iah-sī oân-choân khiàm ka-bi̍t tī lek-sek nńg-thé lāi-tén ū-sî-á goân-té ê tóng-àn thang hêng-goân.
Lek-sek nńg-thé ê kong-ke̍k tián-hêng ê chok-hoat sī iōng Trojan (chhâ-bé), ké-chò ha̍p kui-tēng ê tóng-àn, phiàn iōng-chiá chài--lo̍h ah sī phah-khui, tī i iōng tiān-chú phòe sàng kàu-ūi--ê sî. M̄-kú, khah hiáⁿ-ba̍k ê lē sī WannaCry, ē chū-tōng tī tiān-náu tiong-kan thoân-sàng, m̄-bián iōng-chiá hō͘-tōng.[5]
Siōng-chá tī 1989 nî khí, chiū ū thâu chi̍t ê kì-chài ê lek-sek nńg-thé, hō-chò AIDS trojan, iōng lek-sek nńg-thé khi-phiàn tī kok-chè tiong sêng-tióng.[6][7][8] Ū 1 e̍k 8150 bān ê lek-sek nńg-thé kong-ke̍k choân-kiû, tī 2018 nî ê téng poàⁿ-nî, chhiau-kòe 2017 nî ê téng poàⁿ nî ê 229%. tī 2014 nî 6 goe̍h, an-choân nńg-thé kong-si McAfee hoat-piáu chū-liāu, tián-chhut khioh-tio̍h--ê chit kùi (quarter) ê lek-sek nńg-thé ê kiàn-pún sò͘-liōng, sī téng-nî kâng chi̍t kùi ê nn̄g pōe í-siōng.[9] CryptoLocker bat te̍k-pia̍t sêng-kong, tī hō͘ chip-hoat ki-koan the̍h-tiāu chìn-chêng, khip-siu chhiau-kòe 300 bān Bí-kim, CryptoWall hō͘ Bí-kok Liân-pang Tiâu-cha Kio̍k (FBI) ko͘-kè, tī 2015 nî 6 goe̍h í-chêng, lúi-chek chhiau-kòe 1800 bān Bí-kim.[10] Tī 2020, Bí-kok Bāng-lō͘ Hoān-chōe Tâu-sò͘ Tiong-sim chiap-siu tio̍h 2474 phiⁿ tâu-sò͘, jīn-bat chò lek-sek nńg-thé só͘-ûi, ū thâu-chéng ê sún-sit chhiau-kòe 2910 bān Bí-kim. Kin-kù FBI, chiah-ê sún-sit khó-lêng chhiau-kòe chit ê gia̍h. [11] Kin-kù Statistica, tī 2021 nî choân sè-kài ū 6 ek 2300 bān kái lek-sek nńg-thé ê kong-ke̍k, 2022 nî sī 4 ek 9300 bān kái.[12]
La̍p hō͘ lek-sek nńg-thé ê chîⁿ, ko͘-kè tī 2019 nî ū 11 ek Bí-kim (ē-té mā sī), [13] 2020 nî sī 9.99 ek, 2023 nî ê kì-lio̍k sī 12.5 ek, 2024 nî kín-kín tò-kiu kàu 8.13 ek, [14] in-ūi siū-hāi chiá bô la̍p sio̍k-kim kap hoat-lu̍t chip-hoat ê hêng-tōng.
Chù-kha
[siu-kái | kái goân-sí-bé]- ↑ Schofield (28 July 2016). "How can I remove a ransomware infection?".
- ↑ Mimoso (28 March 2016). "Petya Ransomware Master File Table Encryption".
- ↑ Justin Luna (21 September 2016). "Mamba ransomware encrypts your hard drive, manipulates the boot process".
- ↑ Min, Donghyun; Ko, Yungwoo (July 2022). "A Content-Based Ransomware Detection and Backup Solid-State Drive for Ransomware Defense". IEEE Transactions on Computer-Aided Design of Integrated Circuits and Systems. 41 (7): 2038–2051. doi:10.1109/TCAD.2021.3099084. ISSN 0278-0070. Unknown parameter
|url-access=ignored (help) - ↑ Cameron (13 May 2017). "Today's Massive Ransomware Attack Was Mostly Preventable; Here's How To Avoid It".
- ↑ Dunn. "Ransom Trojans spreading beyond Russian heartland". TechWorld. goân-loē-iông tī
|archive-url=requires|archive-date=(help) hőng khó͘-pih. Unknown parameter|archive date=ignored (|archive-date=suggested) (help) - ↑ "New Internet scam: Ransomware..." FBI. 9 August 2012.
- ↑ "Citadel malware continues to deliver Reveton ransomware..." Internet Crime Complaint Center (IC3). 30 November 2012.
- ↑ "Update: McAfee: Cyber criminals using Android malware and ransomware the most". 2013-06-03.
- ↑ "FBI says crypto ransomware has raked in >$18 million for cybercriminals". 2015-06-25.
- ↑ "Internet Crime Report 2020" (PDF).
- ↑ "Number of ransomware attacks per year 2022".
- ↑ Jowitt (8 February 2024). "Hacking Victims Paid $1.1bn In Ransoms Last Year".
- ↑ "Global ransomware payments plunge by a third amid crackdown". 5 February 2025.