跳至內容

Liân-ha̍p-kok Tāi-hōe tē 2758 hō Koat-gī

Wikipedia (chū-iû ê pek-kho-choân-su) beh kā lí kóng...


UN General Assembly
Resolution 2758
United Nations General Assembly Resolution 2758
Date 25 October 1971
Meeting no. 1,976
Code A/RES/2758(XXVI) (Document)
Subject Restoration of the lawful rights of the People's Republic of China in the United Nations
Voting summary
  • 76 voted for
  • 35 voted against
  • 17 abstained
Result Adopted
Liân-ha̍p-kok Tāi-hoē tē 2758 hō Koat-gī

Liân-ha̍p-kok Tāi-hoē tē 2758 hō Koat-gī1971 nî 10 goe̍h 25 ji̍t thong-koè, kî-tiong chàn-sêng 76 phiò, hoán-tùi 35 phiò, khì-khoân 17 phiò, khoat-se̍k 3 phiò. Kin-kì koat-gī, Tiong-hoâ Bîn-kokLiân-ha̍p-kok ê tāi-piáu se̍k-ūi hō͘ Tiong-hoâ Jîn-bîn Kiōng-hô-kok chhú-tāi.

1949-nî 10-goe̍h 1-hō, Tiong-hôa Jîn-bîn Kiōng-hô-kok kiàn-li̍p, sè-kài-siōng chhut-hiān nn̄g ê Tiong-kok, tān-sī Liân-ha̍p-kok lāi-té ûi-it ê "Tiong-kok" se̍k-ūi iá-sī Tiong-hôa Bîn-kok ê, só͘-í Tiong-hôa Jîn-bîn Kiōng-hô-kok tio̍h it-ti̍t siūⁿ pān-hoat beh tit-tio̍h hit ê Tiong-kok se̍k-ūi. Pún-té in-ūi Bí-kok ê koan-hē, chi-chhî Tiong-hôa Bîn-kok ê sè-le̍k lóng chiàm iu-sè, m̄-koh in-ūi Tiong-hôa Jîn-bîn Kiōng-hô-kok kah So͘-liân koan-hē piàn bái, Bí-kok tī 1970 nî koat-tēng beh kah Tiong-kiōng chò-hóe tùi-khòng So͘-liân, āu-lâi Bí-kok koh chiap-siū hō͘ Tiong-hôa Jîn-bîn Kiōng-hô-kok tit-tio̍h tāi-piáu-khoân, chi-chhî Tiong-hôa Bîn-kok ê tīn-sòaⁿ chū-án-ne pang--khì.

Albania,  Algeria, Burma, Ceylon, Congo Jîn-bîn Kiōng-hô-kok,  Cuba, Lâm Yemen,  Chhiah-tō Guinea,  Guinea, Iraq,  Mali, Mauritania, Nepal,  Pakistan, Romania,  Sierra Leone,  Somalia,  Sudan, Su-lī-a,  Tanzania, Pak Yemen, Yugoslavia,  Zambia

Tâu-phiò kiat-kó

[siu-kái | kái goân-sí-bé]
chàn-sêng (76 phiò) hoán-tùi (35 phiò) khì-khoân (17 phiò) khoat-se̍k (3 phiò)

Afghanistan Albania,  Algeria,  Ò-tē-lī,  Pe̍k-ní-gī,  Bhutan,  Botswana, Bulgaria, Burma,  Burundi, Byelorussia, Cameroon,  Canada, Ceylon,  Chile, Congo Jîn-bîn Kiōng-hô-kok,  Cuba, Cheskoslovakia, Lâm Yemen,  Tan-be̍h, Ecuador, Ai-ki̍p,  Chhiah-tō Guinea, Ethiopia,  Hun-lân,  Hoat-kok,  Ghana,  Guinea,  Guyana, Hông-gâ-lī,  Peng-tó,  Ìn-tō͘, Iran, Iraq,  Ài-ní-lân,  Í-sek-lia̍t,  Í-tāi-lī,  Kenya,  Kuwait, Laos, Libya,  Má-lâi-se-a,  Mali, Mauritania,  Be̍k-se-ko, Bông-kó͘ Jîn-bîn Kiōng-hô-kok,  Morocco, Nepal,  Hô-lân,  Nigeria,  Ná-ui,  Pakistan,  Peru, Pho-lân,  Phû-tô-gâ, Romania, Rwanda,  Senegal,  Sierra Leone,  Sin-ka-pho,  Somalia,  Sudan,  Sūi-tián, Su-lī-a,  Togo,  Trinidad kap Tobago,  Tunisia,  Thó͘-ní-kî,  Uganda, Ukraina,  So͘-liân,  Eng-kok,  Tanzania, Pak Yemen, Yugoslavia,  Zambia

 Bí-kok,  Ò-chiu,  Ji̍t-pún,  Bolivia,  Pa-se,  New Zealand,  Tiong-hui Kiōng-hô-kok, Lâm-hui,  Chad, Congo Bîn-chú Kiōng-hô-kok,  Costa Rica, Dahomey,  El Salvador,  Gabon,  Gambia,  Guatemala, Haiti,  Honduras,  Côte d'Ivoire, Khmer Kiōng-hô-kok, Lesotho,  Liberia, Malagasy,  Malawi,  Malta,  Nicaragua,  Niger, Paraguay, Saudi A-la-pek, Swaziland, Haute-Volta,  Uruguay, Venezuela,  Hui-li̍p-pin

 Argentina, Bahrain,  Barbados,  Colombia, Ku-pí-lō͘,  Fiji, Hi-lia̍p,  Ìn-nî,  Jamaica,  Iok-tàn,  Lī-pa-lùn, Luxembourg,  Mauritius,  Panama,  Qatar, Se-pan-gâ,  Thài-kok

Flag of the Republic of China Tiong-hoâ Bîn-kok[chù 1],  Maldives, Oman

Tùi Koat-gī ê Kái-tho̍k

[siu-kái | kái goân-sí-bé]

Liân-ha̍p-kok tāi-hōe ê koat-gī "Má-siōng kā Chiúⁿ Kài-se̍k ê tāi-piáu tùi in tī Liân-ha̍p-kok cho͘-chit kah só͘-sio̍k it-chhè ki-kò͘ lāi-té hui-hoat chiàm-kì ê se̍k-ūi téng-koân kóaⁿ--chhut-khì", bô kóng-tio̍h Tiong-hôa Bîn-kok chèng-hú kah i koán-hat ê Tâi-oân tē-khu ê chèng-tī tē-ūi, kúi nî í-āu Chiúⁿ Kài-se̍k kah tang-sî ê tāi-piáu lóng í-keng kòe-sin ah, m̄-koh Tiong-hôa Bîn-kok chèng-hú iu-goân si̍t-chè chûn-chāi, só͘-í āu-ji̍t Tiong-hôa Bîn-kok ná-beh "tńg-khì Liân-ha̍p-kok" he̍k-chiá "ka-ji̍p Liân-ha̍p-kok" tio̍h ē ū siong-koan ê cheng-gī[1][2].

Mā ū ha̍k-chiá hoat-piáu lūn-bûn kóng Liân-ha̍p-kok Tāi-hōe tē 2758 hō Koat-gī kan-na sêng-jīn Tiong-hôa Jîn-bîn Kiōng-hô-kok sī "Tiong-kok ûi-it ha̍p-hoat tāi-piáu", tān-sī bô siū-koân Tiong-hôa Jîn-bîn Kiōng-hô-kok tī Liân-ha̍p-kok lāi-té tāi-piáu Tiong-hôa Bîn-kok, bô chù-bêng Tâi-oân sī Tiong-hôa Jîn-bîn Kiōng-hô-kok ê chi̍t-pō͘-hūn, mā bô kóng-tio̍h Tâi-oân kok-ka tē-ūi ê kái-koat hong-àn[3][4].

2023-nî 5-goe̍h 16, Bí-kok Chiòng-gī-īⁿ Gōa-úi-hōe thong-kòe "Tâi-oân Kok-chè Thoân-kiat Hoat-àn", kiông-tiāu 2758 hō koat-gī kan-na chhú-lí Tiong-kok tāi-piáu-koân ê būn-tê, bô kóng-tio̍h Tâi-oân.[5]7-goe̍h 25-hō, Bí-kok Chiòng-gī-īⁿ thong-kòe chit-ê hoat-àn.[6]

Marshall Kûn-tó

[siu-kái | kái goân-sí-bé]

2021-nî 9-goe̍h, tē 76 kài Liân-ha̍p-kok Tāi-hōe chóng piān-lūn tē-2-kang, Marshall Kûn-tó chóng-thóng piáu-sī, "Tē 2758 hō koat-gī, choa̍t-tùi bô kìm-chí chia-ê pau-iông-sèng chok-hoat, mā bô pau-hâm siong-koan ê ì-hâm, in-ūi koat-gī bô-kóng-tio̍h tùi Tâi-oân ê li̍p-tiûⁿ, khó-thí-ê tîm-be̍k èng-kai ài tòng-tiām."[7]

Tùi Tiong Chèng-chhek Khòa-kok Gī-hōe Liân-bêng

[siu-kái | kái goân-sí-bé]

2024nî 7-goe̍h, tī Tâi-oân kí-pān ê Tùi Tiong Chèng-chhek Khòa-kok Gī-hōe Liân-bêng (IPAC) hong-hōe téng-koân, chham-ú ê li̍p-hoat-chiá ta̍t-sêng chi̍t-hāng koat-gī, beh tí-chè Tiong-hôa Jîn-bîn Kiōng-hô-kok tùi Liân-ha̍p-kok 2758 hō koat-gī ê kái-sek, pēng-chhiáⁿ kā chit-ê li̍p-tiûⁿ thui-tōng kàu ka-kī kok-ka ê li̍p-hoat ki-kò͘.[8][9]

Tiong-hôa Bîn-kok

[siu-kái | kái goân-sí-bé]

2024-nî 9-goe̍h 10-hō, Tiong-hôa Bîn-kok Gōa-kau-pō͘ kè-ōe thui-tōng ho͘-io̍k chèng-sī 2758 hō koat-gī hőng khiok-kái ê thê-àn.[10]

Tiong-hôa Jîn-bîn Kiōng-hô-kok

[siu-kái | kái goân-sí-bé]

2024-nî 9-goe̍h 10-hō, Tiong-hôa Bîn-kok Bîn-chú-chìn-pō͘-tóng Li̍p-hoat-īⁿ tóng-thoân kè-ōe chhú-lí Liân-ha̍p-kok tē 2758 hō koat-gī kah Tâi-oân bô koan-hē ê hoat-àn, Kok-tâi-pān hoat-giân-jîn tī 9-goe̍h 11 ê kì-chiá-hōe lāi-té piáu-sī "Bîn-chìn-tóng Tong-kio̍k tiau-kang ngē-áu kóng Liân-ha̍p-kok tāi-hōe tē 2758 hō koat-gī 'kah Tâi-oân bô koan-hē', khe̍h 'tāi-piáu-koân' kóng-ōe, sī tùi sū-si̍t ê ut-áu, khòaⁿ kok-chè-hoat bô, beh thiau-chiàn kok-chè ti̍t-sū kah kui-chek, in ê bo̍k-tek sī ūi-tio̍h hō͘ 'Tâi-to̍k' chō-sè, phah-hāi kok-chè siā-hōe kian-chhî Chi̍t-ê Tiong-kok Goân-chek ê kiōng-sek."[11]

2024-nî 8-goe̍h 21, Ò-chiu Chham-gī-īⁿ thong-kòe Ò-chiu Chū-iû Tóng kah Ò-chiu Kang Tóng chham-gī-oân thê-chhut ê gī-àn, chèng-sek khiàn-chek Tiong-hôa Jîn-bîn Kiōng-hô-kok chèng-hú tùi Liân-ha̍p-kok tē 2758 hō koat-gī ê sú-iōng[12][13]. Chit ê gī-àn kóng, Liân-ha̍p-kok tē 2758 hō Koat-gī "bô khak-li̍p Tiong-hôa Jîn-bîn Kiōng-hô-kok tùi Tâi-oân ê chú-khoân, mā bô koat-tēng Tâi-oân tī Liân-ha̍p-kok ê tē-ūi."[14]

2024-nî 9-goe̍h 12, Hô-lân Kok-hōe thong-kòe chi̍t-hāng kóng-tio̍h Tâi-oân ê tōng-gī, lāi-iông pau-koat the-sak Tiong-hôa Jîn-bîn Kiōng-hô-kok khek-kái Liân-ha̍p-kok Tāi-hōe tē 2758 hō Koat-gī, pēng-chhiáⁿ iau-kiû Hô-lân chèng-hú tī Au-chiu Liân-bêng (EU) lāi-té chhōe-kiû tùi chit hāng li̍p-tiûⁿ ê chi-chhî.[15]

Au-chiu Gī-hōe

[siu-kái | kái goân-sí-bé]

2024-nî 10-goe̍h 24, Au-chiu Gī-hōe í 432 phiò chàn-sêng, 60 phiò hoán-tùi, 71 phiò khì-khoân thong-kòe "Tiong-hôa Jîn-bîn Kiōng-hô-kok tùi Liân-ha̍p-kok Tāi-hōe 2758-hō Koat-gī ê chhò-gō͘ kái-tho̍k, kah in put-toān tī Tâi-oân hù-kīn se̍h-lâi-se̍h-khì ê bú-le̍k khí-bô-khang" koat-gī. Khián-chek Tiong-kok chhò-gō͘ kái-tho̍k 5758-hō Koat-gī, pēng-chhiáⁿ chi-chhî Tâi-oân chham-ú ta̍k-ê kok-chè cho͘-chit.[16][17]

  1. Tiong-hôa Bîn-kok Tāi-piáu-thoân iáu-bōe piáu-koat tio̍h thè-chhut Liân-ha̍p-kok ah, só͘-í bô tâu-phiò.
  1. 金恆煒 (2007-11-12). "從"入聯""返聯"看台灣明年大選" (ēng Hôa-gí). BBC中文網. Goân-pún bāng-ia̍h Pó-chûn tī 2007-11-18. 2007-12-15 khòaⁿ--ê. 
  2. 李胤茜; 李烨 (2007-08-16). "台当局钻2758号决议漏洞忌惮"一中决议"" (ēng Hôa-gí). 国际先驱导报. Goân-pún bāng-ia̍h Pó-chûn tī 2011-11-12. 2007-12-15 khòaⁿ--ê. 
  3. Pang-bô͘:Link-wd; Patrick Mendis (2023年9月6日). "Why the World Needs a Democratic Taiwan at the UN". The National Interest. goân-loē-iông tī 2024-10-04 hőng khó͘-pih. 2024-09-19 khòaⁿ--ê. 
  4. "聯大開議 學者:台灣加入聯合國可制衡中國" (ēng Hôa-gí). 中央社. 2023-09-12. [íng-íng bô-hāu ê liân-kiat]
  5. "美眾院外委會通過挺台法案 指聯大2758決議不涉台 - 政治" (ēng Hôa-gí). 中央社. 2023-05-17. 2023-05-17 khòaⁿ--ê. 
  6. "美眾院通過台灣國際團結法案 主張聯大2758決議不涉台". 中央社 CNA (ēng Hôa-gí). 2023-07-26. 2023-07-26 khòaⁿ--ê. 
  7. "馬紹爾總統聯大致詞挺台 籲UN終結「可恥沉默」". 民視 (ēng Hôa-gí). 2021-09-23. 
  8. Yang, William (2024-07-30). "外國立法者關注台灣問題中的中國緊張局勢". 美國之音 (ēng Eng-gí). goân-loē-iông tī 2024年7月30日 hőng khó͘-pih. 2024-07-30 khòaⁿ--ê.  Unknown parameter |url-status= ignored (help)
  9. Chung, Jake (2024-07-31). "中華人民共和國曲解聯合國決議:賴清德". 台北時報. goân-loē-iông tī 2024年7月30日 hőng khó͘-pih. 2024-07-30 khòaⁿ--ê.  Unknown parameter |url-status= ignored (help)
  10. "台灣聯合國協進會赴美 籲聯大討論 "2758號決議" 的 "一中" 問題". VOA. 2024-09-10. 
  11. 民进党称联大第2758号决议“与台湾无关” 国台办回应 11/09/2024 中国网
  12. Packham, Ben (2024-08-21). "Parties unite to condemn Beijing's UN machination". 澳洲人報. goân-loē-iông tī 2024-08-21 hőng khó͘-pih. 2024-08-21 khòaⁿ--ê.  Unknown parameter |url-status= ignored (help)
  13. Tillett, Andrew (2024-08-21). "Australia leads push-back against China's anti-Taiwan campaign". 澳洲金融評論報 (ēng Eng-gí). 2024-08-21 khòaⁿ--ê. 
  14. "澳洲參院通過動議指聯合國2758號決議不涉台灣主權歸屬". RFI - 法國國際廣播電台 (ēng Hôa-gí). 2024-08-22. 2024-09-15 khòaⁿ--ê. 
  15. "荷蘭國會通過動議 拒絕中國扭曲聯大第2758號決議". 中央社. 2024-09-14. 
  16. "Taïwan: le PE dénonce un contournement de l'histoire et du droit international". Parlement européen (ēng Hoat-gí). 2024-10-24. 
  17. "Interprétation erronée de la résolution 2758 des Nations unies par la République populaire de Chine, et provocations militaires constantes de celle-ci autour de Taïwan". europarl.europa.eu (ēng Hoat-gí).