LibreOffice

Wikipedia (chū-iû ê pek-kho-choân-su) beh kā lí kóng...
LibreOffice 6.0.1.1 ê khé-tōng ōe-bīn

LibreOffice sī iû The Document Foundation khai-hoat ê chū-iû kap khai-hòng goân-sú-bé ê pān-kong-sek thò-kiāⁿ. LibreOffice thò-kiāⁿ pau-hâm Writer, Calc, Impress, Draw, kap Base téng èng-iōng thêng-sek. LibreOffice thang tī kok-chióng hē-thóng pêng-tâi chip-hêng, pau-hâm Microsoft Windows, macOS, Linux, kap Android. Kè-ōe bo̍k-piau sī chiâⁿ-chò chi̍t ê ū OpenDocument (.odf) keh-sek chi-oān, to̍k-li̍p tī jīm-hô chhiúⁿ-siong í-gōa, chin-chiàⁿ bô siū su-iú tù-chok-khoân chè-iok ê pān-kong-sek thò-kiāⁿ. I-ê miâ-hō sī keng-kòe chiam-tùi siong-phiau ê tiâu-cha liáu-āu hō--ê, sī chi̍t ê hūn-ha̍p-sû; tē-it pō͘-hūn "Libre" lâi-chū La-teng-gí, ì-sù sī "chū-iû"; tē-jī pō͘-hūn "Office" sī Eng-gí ê "pān-kong-sek" ê ì-sù.

LibreOffice ê chho͘-sí pán-pún hō-bé pī siat-tēng chò hām OpenOffice.org it-tì, só͘-í chho͘-sí hoat-pò tio̍h í-keng sī tē-saⁿ pán, pēng bô chûn-chāi tē-jī pán kap tē-it pán. LibreOffice ê ī-siat tòng-àn keh-sek sī Kok-chè Piau-chún-hòa Cho͘-chit (ISO) ê OpenDocument (.odt, .odp, .ods, .odg).