Lōa Chheng-tek

Wikipedia (chū-iû ê pek-kho-choân-su) beh kā lí kóng...
(Tùi Loā Chheng-tek choán--lâi)
Thiàu khì: se̍h chām, chhiau-chhoē
Loā Chheng-tek

Loā Chheng-tek (賴清德; 1959 nî 10 goe̍h 6 ji̍t chhut-sì ) sī Tâi-oân ê chi̍t ūi chèng-tī-ka, Bîn-chù Chìn-pō͘ Tóng che̍k. Sin-pak-chhī Bān-lí-khu ê chi̍t ê khòng-gia̍p ka-têng chhut-sin. Hiān-jīm Tiong-hôa Bîn-kok Chèng-hú Hêng-chèng-īⁿ-tiúⁿ. Kok-li̍p Tâi-oân Tāi-ha̍k Ho̍k-kiān I-ha̍k Hē ha̍k-sū, Kok-li̍p Sêng-kong Tāi-ha̍k Ha̍k-sū-hō͘ I-ha̍k Hē pit-gia̍p, Bí-kok Harvard Tāi-ha̍k Kong-kiōng Ōe-seng Ha̍k-īⁿ se̍k-sū.

Lōa bat chò kòe Sêng-tāi Pēⁿ-īⁿ ê chú-tī i-seng, Tân Tēng-lâm Choân-kok I-su Hō͘-oān Hōe ê chóng tiàu-chi̍p-jîn, Kok-bîn Tāi-hōe tāi-piáu, li̍p-hoat úi-oân; 2010 nî soán-kí tòng-soán Tâi-lâm-chhī Chhī-tiúⁿ, jiân-āu koh tòng-soán liân-jīm.[1] 2017 nî 9 goe̍h 7 hō, Lîm Choân lōe-koh chóng-sî, Lōa sî-tiāu chhī-tiúⁿ chit-bū, tī keh-ji̍t chiū-jīm Hêng-chèng-īⁿ-tiúⁿ, cho͘-chit Lōa Chheng-tek lōe-koh.[2]

Chham-khó chu-liāu[siu-kái | kái goân-sú-bé]

  1. 賴清德政治明星光環更加耀眼,中央社,2014年11月29日
  2. "賴清德接閣揆 林佳龍:支持總統佈局". 民視影音. 2017-09-07. goân-loē-iông tī 2017-09-07 hőng khó͘-pih.