Nakdong Kang

Nakdong Kang (Hân-kok-gí: 낙동강/洛東江 Lo̍k-tong-kang) sī Hân-kok kéng-lāi siōng-tn̂g ê hô-chhoan, tn̂g-tō͘ 525 kong-lí; i-ê liû-he̍k biān-chek lóng-chóng ū 23,384 pêng-hong kong-lí. Nakdong Kang ê chúi-hē goân-chū Tiâu-sián Poàn-tó tang-pêng-bīn ê Taebaek Soaⁿ-me̍h, lâu keng-kòe Daegu kap Busan nn̄g ê Hân-kok tang-lâm-pō͘ ê toā siâⁿ-chhī, chòe-āu tī Busan lâu-ji̍p Ji̍t-pún-hái; sī Tiâu-sián Poàn-tó siōng-kài chú-iàu ê kî-tiong chi̍t ê chúi-hē.