Mûi-to̍k

Wikipedia (chū-iû ê pek-kho-choân-su) beh kā lí kóng...

Mûi-to̍k (Eng-gí: syphilis) sī 1 khoán sèng-thoân-jiám-pēⁿ, khí-tì sī hō͘ sio̍k tī Spirochaetes mn̂g, hō chò Treponema pallidum ê sè-khún kám-jiám--tio̍h. Mûi-to̍k ū chin chē phian-miâ, chhiūⁿ kóng kam-lāu, kam-chhng, soāiⁿ-á-hong.

Thoân-jiám ê lō͘-soàⁿ chha-put-to lóng sī thàu-koè sèng-chiap-chhiok; m̄-koh mā ū sian-thian (congenital) mûi-to̍k (a-bú thoân hō͘ the-jî), kap ti̍t-chiap chiap-chhiok tō lâi oè--tio̍h-ê (yaws).