Mel Blanc

Melvin Jerome "Mel" Blanc (1908 nî 5 goe̍h 30 ji̍t – 1989 nî 7 goe̍h 10 ji̍t) sī Bí-kok ê siaⁿ-im ián-oân, ián-oân, chhiò-khoe gē-jîn kiam lio̍k-im-su. I tāi-seng sī chò la-jí-oh piáu-ián, tè-bé tâu ji̍p tōng-ōe kak-sek ê phòe-im.

I phòe-im ê tùi-siòng pau-koat ū Bugs Bunny, Daffy Duck, Porky Pig, Tweety Bird, Sylvester the Cat, Yosemite Sam, Foghorn Leghorn, Marvin the Martian, Pepé Le Pew, Speedy Gonzales, Wile E. Coyote, Road Runner, Tasmanian Devil téng sio̍k Looney Tunes kiam Merrie Melodies hē-lia̍t ê jîn-bu̍t. Ē-tàng kóng sī chha-put-to só͘-ū Warner Bros. chhut-phín cartoon ê chú-iàu kak-sek thâu chi̍t tāi phòe-im-chiá.

Siong-koan

• Arthur Q. Bryan
• Bí-kok tōng-ōe ê n̂g-kim sî-tāi