Mesoamerica

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Tē-lí kap hiān-tāi chèng-tī siōng ê Bí-chiu tiōng-pō͘ chhiáⁿ chham-khó bûn-chiong: Tiong Bí-chiu.
Tē-tô͘

Mesoamerica ("Bí-chiu ê Tiong-iong") sī tùi Bí-chiu bûn-hòa só͘ kui-la̍p ê tē-lí hun-khu, lāi-té pau-koat kin-á-ji̍t Mexico tiong-pō͘, Belize, Guatemala, El Salvador, Honduras, Nicaragua kap Costa Rica pak-pō͘. I sī kó͘-tāi bûn-bêng sán-seng ê só͘-chāi chi it. Chāi-tē bûn-hòa kiàn-li̍p ê kok-ka tī 16 sè-kí liáu-āu chiām-chiām hō͘ Au-chiu lâi ê Se-pan-gâ cheng-ho̍k khì, liáu-āu chin tōa pō͘-hūn ê bûn-hòa lóng siū Se-pan-gâ éng-hióng, chóng-sī put-koán sī cho̍k-kûn pún-sin he̍k-chiá in goân-chū-bîn ê seng-oa̍h koàn-si̍p kap bîn-sio̍k chin chē lóng oa-ná koh tī--leh.