Ngô͘ Liām-têng
 | 這篇文章有漢字的版本。 參考這篇文章的漢字的版本。 |
| Ngô͘ Liām-têng 吳念庭 | |||
|---|---|---|---|
 | |||
| Tâi-kǹg Hiông-eng – No. 39 | |||
Lāi-iá-chhiú | |||
| |||
| Chit-gia̍p chho͘-chhù chhut-sài | |||
Ji̍t-pún Chit-pāng: 2016 nî 7 goe̍h 10 hō, tī Kî-gio̍k Se-bú Sai | |||
Tiong-hôa Chit-pāng: 2024 nî 7 goe̍h 1 hō, tī Tâi-kǹg Hiông-eng | |||
| Ji̍t-pún Chit-pāng sò͘-kì thóng-kè (chì 2023 nî ûi-chí) | |||
| Táⁿ-kek-lu̍t | 0.224 | ||
| An-táⁿ | 220 | ||
| Choân-lûi-táⁿ | 16 | ||
| Táⁿ-tiám | 108 | ||
| Thau-luí | 10 | ||
| Tiong-hôa Chit-pāng sò͘-kì thóng-kè (chì 2025 nî ûi-chí) | |||
| Táⁿ-kek-lu̍t | 0.304 | ||
| An-táⁿ | 140 | ||
| Choân-lûi-táⁿ | 4 | ||
| Táⁿ-tiám | 63 | ||
| Thau-luí | 7 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
|
Ji̍t-pún Chit-pāng
Tiong-hôa Chit-pāng
| |||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak | ||
| Lâm-chú iá-kiû | ||
| A-chiu Ūn-tōng-hōe | ||
 | 2022 nî Hâng-chiu | Thoân-tūi |
| Ji̍t-bûn siá-hoat | |
|---|---|
| Ji̍t-bûn | 呉 念庭 |
| Kana | ウー・ネンティン |
| Hepburn-sek Lô-má-jī | Wu Nien-ting |
Ngô͘ Liām-têng (1993 nî 6 goe̍h 7 hō chhut-sì ) sī Tâi-oân ê chit-gia̍p iá-kiû soán-chhiú, siú-pī ūi-tì sī lāi-iá-chhiú, bat tī Ji̍t-pún Chit-pāng Kî-gio̍k Se-bú Sai hāu-le̍k kòe, chit-má tī Tiong-hôa Chit-pāng Tâi-kǹg Hiông-eng. A-pah sī chêng chit-pāng kiû-oân kah kàu-liān Ngô͘ Ho̍k-liân.
Seng-gâi
[siu-kái | kái goân-sí-bé]Chá-kî
[siu-kái | kái goân-sí-bé]Ngô͘ Liām-têng tī Se̍k-chí Kok-tiong pit-gia̍p liáu-āu, khì Ji̍t-pún liû-ha̍k, phah-kiû, tī Kong-san-koān Kiōng-seng Ko-hāu tha̍k-chheh, kah chit-má ê Thóng-it Sai kiû-oân Tân Kia̍t-hiàn sī tông-o̍h. Ngô͘ Liām-têng ko-tiong pit-gia̍p liáu-āu bat chham-ka to̍k-li̍p liân-bêng ê soán-siù, pēng-chhiáⁿ hō͘ Ài-oān Kam-á Hái-chha̍t kéng tio̍h, m̄-koh in-ūi bô sek-èng, só͘-í kan-na 5-kang tio̍h koat-tēng kè-sio̍k seng-ha̍k, tńg-khì hāu-hn̂g iá-kiû thé-hē[1][2]. Lo̍h-bóe Ngô͘ Liām-têng tī Tē-it Kang-gia̍p Tāi-ha̍k lāi-té chok sūn-lī ê tio̍h oân-sêng 4-nî tāi-ha̍k seng-gâi, pēng-chhiáⁿ koat-tēng chham-ka 2015 nî Ji̍t-pún Chit-pāng Soán-siù-hōe.
Ji̍t-pún Chit-pāng Sî-kî
[siu-kái | kái goân-sí-bé]2015 nî, Ngô͘ Liām-têng hō͘ Kî-gio̍k Se-bú Sai tī tē-7-lûn kéng-tio̍h. Sui-jiân soán-siù sūn-ūi bô-siáⁿ-koân, m̄-koh Ngô͘ Liām-têng kan-na pòaⁿ-tang tio̍h tī jī-kun phah chhut sêng-chek, piàⁿ chiōⁿ-khì it-kun liáu-āu mā hőng koan-chù, m̄-koh tī 2016 kàu 2020 chit 5-tang bô sioⁿ chē ki-hōe chiōⁿ-tiôⁿ.
It-ti̍t kàu 2021 nî, in-ūi Gōe-kiā Siu-thài (Tonosaki Shuta) kah San-chhoan Sūi-kau (Yamakawa Hotaka) tio̍h-siong bô-hoat-tō͘ phah, i chiah ū chhut-sài ê khong-kan. Ngô͘ Liām-têng mā ū pá-ak chit-ê ki-hōe, sûi-tī tē-2-tiôⁿ pí-sài kòng chhut seng-gâi thâu-chi̍t-ki hőng-bú-láng, i sài-kùi chêng-pòaⁿ-tōaⁿ tī tit-tiám-khoan ū lâng ê sî ū chiâⁿ chhut-sek ê táⁿ-kek piáu-hiān, koh hō͘ Ji̍t-pún mûi-thé hō chò "Tit-tiám-khoan chi kúi"[3], só͘-í sui-jiân Gōe-kiā Siu-thài tī 6 goe̍h tńg--lâi--ah, Ngô͘ Liām-têng iu-goân thang kè-sio̍k tī sian-hoat miâ-toaⁿ lāi-té, mā in-ūi i it-lúi, jī-lúi, saⁿ-lúi, tó-gōa-iá lóng ē tàng siú pī, cheng-ka kiû-tūi ê tiàu-tō͘ khong-kan, mā thâu-chi̍t-pái ji̍p-soán bêng-chheⁿ-sài[4]. I ê sin-súi mā in-ūi 2021 sài kùi ê piáu-hiān, tùi chi̍t-nî 880-bān Ji̍t-phiò cheng-ka kàu 2,500-bān Ji̍t-phiò, sī goân-pún ê 2.8 pōe[5]。
2023 nî hőng Kéng ji̍p-khì 2023 nî Sè-kài Iá-kiû Keng-tián-sài ê kok-ka-tūi miâ-toaⁿ, í 5-hoan saⁿ-lúi-chhiú ê sin-hūn phah chhut 0.333 ê táⁿ-kek-lu̍t, koh tī tùi Pa-ná-má ê pí-sài tang-tiong kòng chhut hőng-bú-láng. 2023 nî kùi-āu, Ngô͘ Liām-têng kám-kak ka-kī ê chhut-sài ki-hōe tau̍h-tau̍h-á piàn khah chió--ah, jî-chhiáⁿ mā hi-bāng tńg-lâi Tâi-oân hāu-le̍k, tio̍h hiòng Se-bú-tūi thê-chhut lī-khui kiû-tūi.
Tiong-hôa Chit-pāng Sî-kî
[siu-kái | kái goân-sí-bé]2024 nî 5 goe̍h 27, Ngô͘ Liām-têng soan-pò͘ ē tńg-lâi Tâi-oân chham-ka 2024 nî Tiong-hôa Chit-pāng Soán-siù-hōe, lo̍h-bóe hō͘ Tâi-kǹg Hiông-eng tī tē-1-lûn kéng tio̍h, chiâⁿ-chò chit-kái soán-siù-hōe ê póng-gán[6]. Chòe-āu í 3.5 nî, chóng-kè-ta̍t 3600-bān-kho͘ ê ha̍p-iok ka-ji̍p Tâi-kǹg Hiông-eng[7][8].
Kò-jîn Chêng-pò
[siu-kái | kái goân-sí-bé]Sêng-pāng Kok-chhiú Keng-le̍k
[siu-kái | kái goân-sí-bé]Pōe-hō
[siu-kái | kái goân-sí-bé]- 39 (Ji̍t-pún Chit-pāng Kî-gio̍k Se-bú Sai, 2016 nî－2023 nî)
- 93 (Choân-oa̍t Ūn-tōng Iá-kiû-tūi, 2024 nî)
- 67 (Tiong-hôa Chit-pāng Tâi-kǹg Hiông-eng, 2024 nî)
- 39 (Tiong-hôa Chit-pāng Tâi-kǹg Hiông-eng, 2025 nî－)
Chit-pāng Seng-gâi Sêng-chek
[siu-kái | kái goân-sí-bé]Ji̍t-pún Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Tit-hun | Thau-luí | Sì-sí | Sa̋n-sín | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t |
|---|---|---|---|---|---|---|---|---|---|---|---|---|---|---|---|
| 2016 | Se-bú | 43 | 124 | 24 | 0 | 11 | 12 | 1 | 16 | 25 | 29 | 4 | .194 | .282 | .234 |
| 2017 | 15 | 39 | 9 | 0 | 4 | 5 | 1 | 4 | 8 | 13 | 2 | .231 | .295 | .333 | |
| 2018 | 8 | 11 | 1 | 0 | 1 | 1 | 0 | 0 | 5 | 1 | 0 | .091 | .091 | .091 | |
| 2019 | Bô tī it-kun chhut-sài ê kì-lo̍k | ||||||||||||||
| 2020 | 51 | 44 | 10 | 0 | 5 | 5 | 2 | 6 | 8 | 13 | 1 | .227 | .320 | .295 | |
| 2021 | 130 | 425 | 101 | 10 | 48 | 43 | 3 | 46 | 70 | 148 | 3 | .238 | .310 | .348 | |
| 2022 | 94 | 260 | 59 | 5 | 28 | 25 | 2 | 38 | 54 | 85 | 3 | .227 | .322 | .327 | |
| 2023 | 41 | 78 | 16 | 1 | 11 | 8 | 1 | 13 | 25 | 23 | 2 | .205 | .322 | .327 | |
| Ha̍p-kè | 7-tang | 382 | 981 | 220 | 16 | 108 | 99 | 10 | 123 | 195 | 312 | 15 | .224 | .307 | .320 |
Tiong-hôa Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Tit-hun | Thau-luí | Sì-sí | Sa̋n-sín | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|---|
| 2024 | Tâi-kǹg | 36 | 129 | 31 | 2 | 13 | 12 | 2 | 10 | 23 | 40 | 3 | .240 | .295 | .310 | .605 |
| 2025 | 88 | 332 | 109 | 2 | 50 | 49 | 5 | 41 | 45 | 135 | 8 | .328 | .400 | .407 | .807 | |
| Ha̍p-kè | 2-tang | 124 | 461 | 140 | 4 | 63 | 61 | 7 | 51 | 68 | 175 | 11 | .304 | .372 | .380 | .752 |
Te̍k-sû Kì-lo̍k
[siu-kái | kái goân-sí-bé]- 2016 nî 7 goe̍h 10 hō, tī Se-bú Kī-tàn tùi-chiàn Au-le̍k-sū, Ngô͘ Liām-têng sian-hoat 7-hoan, sī i thâu-chi̍t-pái tī it-kun chhut-sài. 6-kio̍k-hā bīn-tùi Brandon Dickson phah chhut tiong-gōa-iá hong-hiòng ê an-táⁿ, sī i seng-gâi thâu-chi̍t-ki an-táⁿ.
- 2021 nî 3 goe̍h 31, tī Sap-phó͘-lo͘h Kī-tàn tùi-chiàn Há-muh-tūi, 5-kio̍k-siōng bīn-tùi I-têng Tāi-hái (Itō Hiromi) kòng chhut chiàⁿ-gōa-iá hong-hiòng ê ko͘-hun hőng-bú-láng, sī i seng-gâi thâu-chi̍t-ki hőng-bú-láng.
- 2021 nî 10 goe̍h 7 hō tī Se-bú Kī-tàn tùi-chiàn Hok-kong Nńg-gîn Eng ê pí-sài, tī 7-kio̍k-hā bīn-tùi Tiân-tiong Chèng-gī (Tanaka Seigi) kòng chhut chiàⁿ-gōa-iá hong-hiòng ê ko͘-hun hőng-bú-láng, sī i pún-sài-kùi tē-10 hong, sī tē-5-ūi tī Ji̍t-chit ta̍t-sêng tan-kùi siōng-bô 10-ki hőng-bú-láng ê Tâi-oân kiû-oân (chêng 4-ūi sī Lī Bêng-sù, Tân Tāi-hong, Lîm Ui-chō͘, Iûⁿ Tāi-kong)[10]。
- 2021 nî 10 goe̍h 10 hō tī Se-bú Kī-tàn tùi-chiàn Tang-pak Lo̍k-thian Kim-chiū ê pí-sài, tī 9-kio̍k-hā bīn-tùi Se-khió-ti̍t-jîn ( Nishiguchi Naoto ) phah chhut chiàⁿ-gōa-iá hong-hiòng ê an-táⁿ, sī i pún-kùi tē 100-ki an-táⁿ, chiâⁿ-chò tē-4-ūi tī Ji̍t-chit ta̍t-sêng tan-kùi siōng-bô 100-an koh ū siang-ūi-sò͘ hőng-bú-láng ê Tâi-oân kiû-oân (chêng 3-ūi sī Tân Tāi-hong, Lîm Ui-chō͘, Iûⁿ Tāi-kong)[11].
Chham-khó Chu-liāu
[siu-kái | kái goân-sí-bé]- ↑ 楊舒帆 (2017-01-28). "從小打電玩夢想進日職 吳念庭高中跌一跤才圓夢" (ēng Hôa-gí). ETtoday. Goân-pún bāng-ia̍h Pó-chûn tī 2019-09-16. 2019-04-04 khòaⁿ--ê.
- ↑ David Wong (2015-10-17). "2015日職選秀「隠し玉」 來自台灣的吳念庭" (ēng Hôa-gí). 運動視界. Goân-pún bāng-ia̍h Pó-chûn tī 2020-09-20. 2019-04-04 khòaⁿ--ê.
- ↑ "吳念庭打回追平分逼平橫濱". Goân-pún bāng-ia̍h Pó-chûn tī 2021-09-24. 2022-01-26 khòaⁿ--ê.
- ↑ 吳念庭接受專訪談改變
- ↑ "吳念庭明年年薪2500萬日圓". goân-loē-iông tī 2022-04-22 hőng khó͘-pih. 2022-06-10 khòaⁿ--ê.
- ↑ 歐建智 (2024-06-18). "台鋼雄鷹榜眼選吳念庭？ 劉東洋：對打擊、守備都有助益". ETtoday新聞雲. Goân-pún bāng-ia̍h Pó-chûn tī 2024-06-20. 2024-06-18 khòaⁿ--ê.
- ↑ 倪婉君 (2024-06-29). "台鋼拋瓦」誕生！吳念庭火速完成簽約 背號和爸爸一樣". 自由時報. Goân-pún bāng-ia̍h Pó-chûn tī 2024-06-30. 2024-06-30 khòaⁿ--ê.
- ↑ 倪婉君 (2024-06-30). "吳念庭成為台鋼本土「薪二哥」 合約總值3600萬跟王柏融一樣". 自由時報. 2024-06-30 khòaⁿ--ê.
- ↑ WBC經典賽一日棒球迷做功課 又不是世界盃台灣人在瘋什麼？ Archived 2023-03-14 at the Wayback Machine. 中央社 2023年3月5日
- ↑ "辻發彥：值得驕傲". Goân-pún bāng-ia̍h Pó-chûn tī 2021-10-09. 2022-01-26 khòaⁿ--ê.
- ↑ "吳念庭達陣". Goân-pún bāng-ia̍h Pó-chûn tī 2021-11-03. 2022-01-26 khòaⁿ--ê.
Gōa-pō͘ Liân-kiat
[siu-kái | kái goân-sí-bé]- Ngô͘ Liām-têng tī Instagram
- Ngô͘ Liām-têng ê Facebook choan-ia̍h
- Tâi-oân Pāng-kiû Wiki-koán：吳念庭(Hôa-gí)
| Chióng-hāng | ||
|---|---|---|
| chêng-jīm: Lîm Li̍p |
Tiong-hôa Chit-pāng Táⁿ-kek-ông 2025 nî |
kè-jīm: Tân Kia̍t-hiàn |
| chêng-jīm: Phoaⁿ Kia̍t-khái |
Tiong-hôa Chit-pāng Chòe-ka 10-jîn Chióng (saⁿ-lúi-chhiú) 2025 nî |
kè-jīm: Hiān-jīm |
| chêng-jīm: Lâu Ki-hông |
Tiong-hôa Chit-pāng Kim-chhiú-thò Chióng (saⁿ-lúi-chhiú) 2025 nî |
kè-jīm: Hiān-jīm |
| ||||||||||||||||||||||||||||||||
| ||||||||||||||||||||||||||||||||
| ||||||||||||||||||||||||||||||||