跳至內容

Ngayaw Ake'

Wikipedia (chū-iû ê pek-kho-choân-su) beh kā lí kóng...
這篇文章有漢字兮版本。
參考這篇文章兮漢字版本。
Lîm Tì-sèng
林智勝, Ngayaw Ake'
Bī-choân Liông – No. 31
Lāi-iá-chhiú, chí-tēng táⁿ-kek
Chhut-sì: 1982 nî 1 goe̍h 1 ji̍t （1982-01-01）(43 hòe)
 Tiong-hôa Bîn-kok Tâi-tang-koān Tâi-tang-chhī
Táⁿ-kek: chiàⁿ Tâu-kiû: chiàⁿ
Chho͘-chhù chhut-sài
2004 nî 6 goe̍h 3 hō, tī La New Hîm
Seng-gâi sò͘-kì thóng-kè
(chì 2024 nî ûi-chí)
Táⁿ-kek-lu̍t 0.309
An-táⁿ 1846
Choân-lûi-táⁿ 304
Táⁿ-tiám 1231
Thau-luí 160
Tūi-ngó͘

Seng-gâi cheng-chhái piáu-hiān kah ti̍t-chióng

Kok-chè-sài

Ngayaw Ake'
Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
A-chiu Ūn-tōng-hōe
Kim-pâi – koan-kun 2006 nî Khah-ta̍t Tō͘-ha

Lîm Tì-sèng (林智勝), 本名Ngayaw Ake'[1][2][3] (1982 nî 1 goe̍h 1 hō chhut-sì ), kū Hàn-miâ sī Lîm Tì-sēng (林智盛), sī Tâi-oân A-bí-cho̍k ê iá-kiû soán-chhiú, gōa-hō "Tōa-su-hiaⁿ"; tī 2003 nî-té ê Tē-it-kài Thè-tāi-e̍k Soán-siù-hōe lāi-té hō͘ Tē-it Kim-kong Tūi kéng tio̍h, tī 2004 nî thâu-chi̍t-pái tī Tiong-hôa Chit-pāng chhut-sài; bat-tī Lamigo Thô-oân kah Tiong-sìn Hiaⁿ-tī hāu-le̍k, bo̍k-chiân tī Bī-choân Liông. I tī 2013 nî oân-sêng 1000-ki an-táⁿ, 100-ki hőng-bú-láng kah 100-pái thau-lúi ê sêng-chiū; tī 2016 nî thàu-kòe chū-iû kiû-oân chè-tō͘ choán-tūi kah Tiong-sìn Hiaⁿ-tī Tūi, sī Tiong-hôa Chit-pāng thâu-chi̍t-ê thàu-kòe chū-iû kiû-oân chè-tō͘ choán-tūi ê kiû-oân; tī 2022 nî choaon2 kah Bī-choân Liông Tūi, keh-nî kòng-chhut seng-gâi tē-300-ki hőng-bú-láng, sī Tiong-hôa Chit-pāng thâu-chi̍t-ê seng-gâi kòng 300-ki hőng-bú-láng ê kiû-oân, mā-sī Tiong-chit lāi-té seng-gâi siōng-chē hőng-bú-láng ê kiû-oân.

Seng-gâi

[siu-kái | kái goân-sí-bé]

Chá-kî Seng-gâi

[siu-kái | kái goân-sí-bé]

Lîm Tì-sèng sè-hàn ê sî sī a-kong a-má chhī tōa-hàn ê, ka-kéng bô hó, ū-sî koh ē hoân-ló bô pn̄g thang chia̍h[4][5]; chiap-chhiok iá-kiû liáu-āu, chú-iàu lóng sī chò iû-kek-chhiú, tī ha̍k-seng iá-kiû sî-kî tio̍h í-keng tiāⁿ-tiāⁿ tāi-piáu kok-ka khì pí-sài ah, pau-koat tī Sió-má Liân-bêng [en] tit-tio̍h koan-kun[6]; tī ko-tiong pit-gia̍p ê sî, Bí-kok Chit-pāng Seattle Chúi-siú siōⁿ-beh chio i ji̍p-khì, tān-sī i soán-te̍k lâu-tī Tâi-oân, ka-ji̍p gia̍p-î kiû-tūi Ha̍p-chok Kim-khò͘[7]。

La New Hîm kàu Lamigo Thô-oân Sî-kî

[siu-kái | kái goân-sí-bé]

Lîm Tì-sēng tī 2003 nî-té chham-ka Tē-1-kài Thè-tāi-ek Soán-siù-hōe hō͘ Tē-it Kim-kong kéng tio̍h [chù 1], chiâⁿ-chò soán-siù chiōng-goân[9], 2004 nî kiû-kùi sī i tī Tiong-hôa Chit-pāng ê thâu-chi̍t-nî; keh-nî i kā miâ kái-chò Lîm Tì-sèng[10]. 2006 nî, Ji̍t-pún Chit-pāng Chhian-ia̍p Rotte Hái-iôⁿ siōⁿ-beh chio i kah Ngô͘ Su-iū khì, tān-sī kiû-thoân kan-na goān-ì hō͘ Ngô͘ Su-iū khì[7].

2009 nî lóng-chóng kòng-chhut 31-ki hőng-bú-láng, chiâⁿ-chò liân-bêng thâu-chi̍t-ê tan-kùi chhiau-kòe 30-ki hőng-bú-láng ê pún-thó͘ kiû-oân[11].

2013 nî 7 goe̍h 18, Lamigo Thô-oân tī Sin-chng Iá-kiû-tiôⁿ pí-sài kiat-sok liáu-āu, i seng chē kiû-tūi ê bá-suh kàu Thô-hn̂g Iá-kiû-tiôⁿ, jiân-āu ka-kī khui-chhia tńg-khì i tī Tiong-le̍k ê chhù, m̄-koh chha-put-to ē-àm 11-tiám ê sî, tī Thô-hn̂g-koān Tiong-le̍k-chhī kah kè-thêng-chhia sio-lòng, Lîm Tì-sèng thâu, chhiú, kha-thâu-u lóng tio̍h-siong, hit-nî chhun ê pí-sài lóng bô-hoat-tō͘ koh chiōⁿ-tiôⁿ[12][13]. 2015 nî, i kah Khû Him-î chò-hóe siá Kian-chhî Kiû Sèng: Lîm Tì-sèng ê Iá-kiû Jîn-seng[14]. 2015 nî hőng jīn-ûi sī Lîm Tì-sèng seng-gâi siōng hó ê chi̍t-nî, hit-tang i chhut-sài 110-tiôⁿ, phah-chhut 156-ki an-táⁿ, kî-tiong pau-hâm 31-ki hőng-bú-láng, koh-ū 124-hun táⁿ-tiám, táⁿ-kek-lu̍t, chiōⁿ-lúi-lu̍t kah tn̂g-táⁿ-lu̍t hun-pia̍t sī 0.380, 0.469, 0.689, tit-tio̍h hit-nî ê MVP[15], āu--lâi i hêng-sú chū-iû kiû-oân soán-te̍k ka-ji̍p Tiong-sìn Hiaⁿ-tī, chiâⁿ-chò choân liân-bêng thâu-chi̍t-ê thàu-kòe chū-iû kiû-oân chè-tō͘ choán-tūi ê kiû-oân[16].

Tiong-sìn Hiaⁿ-tī Sî-kî

[siu-kái | kái goân-sí-bé]

Lîm Tì-sèng tī choán-tūi liáu-āu, kè-sio̍k i tī Lamigo tio̍h khai-sí ê liân-sòa chiōⁿ-lúi tiôⁿ-chhù, tī liân-sòa 85-tiôⁿ chiōⁿ-lúi kì-lo̍k ê sî, í-keng chhiau-kòe Bí-kok Chit-pāng thûi-á-chhiú Williams tī 1949 nî ê kì-lo̍k; tī liân-sòa 100-tiôⁿ chiōⁿ-lúi ê sî, hō͘ Tāi-liân-bêng bāng-chām khǹg tī thâu-ia̍h[17], it-ti̍t kàu 6 goe̍h 16 bīn-tùi Gī-tāi Sai-gû ê pí-sài chiah chhut-hiān choán-tūi liáu-āu thâu-chi̍t-tiôⁿ bô chiōⁿ-lúi, liân-sòa chiōⁿ-lúi tiôⁿ-chhù sī 109-tiôⁿ[18]. Tī 2017 nî kiû-kùi, Hiaⁿ-tī hoat-seng "Ngó͘-hó͘-chiòng Sū-kiāⁿ", hō͘ i tī chit-tōaⁿ kî-kan lāi-té bô tī it-kun chhut-sài[19]。

2021 nî kiû-kùi kiat-sok, ha̍p-iok kàu-kî, jî-chhiáⁿ thang koh hêng-sú chū-iû kiû-oân khoân-lī, lo̍h-bóe kah Tiong-sìn Hiaⁿ-tī hia̍p-tiau liáu-āu, kiû-thoân ti̍t-chiap kā i khǹg tī pó-hō͘ miâ-toaⁿ gōa-kháu, ē-sái chū-iû kah kok-tūi chhiam-iok, jî-chhiáⁿ koh m̄-bián choán-tūi-hùi, chòe-āu i soán-te̍k ka-ji̍p Bī-choân Liông[20]。

Bī-choân Liông Sî-kî

[siu-kái | kái goân-sí-bé]

2022 nî 1 goe̍h 25, Lîm Tì-sèng kah Bī-choân Liông chhiam--loeh chi̍t-nî ê ha̍p-iok, sī i tē-2-pái choán-tūi, mā sī tī Tiong-hôa Chit-pāng hāu-le̍k ê tē-3-ki kiû-tūi, pēng-chhiáⁿ chún-pī thiau-chiàn seng-gâi 300-ki hőng-bú-láng ê kì-lo̍k, lo̍h-bóe tī 2023 nî 4 goe̍h 16, tiàm Thô-hn̂g Iá-kiû-tiôⁿ oân-sêng chit-ê kì-lo̍k.

Chit-pāng Seng-gâi Sêng-chek

[siu-kái | kái goân-sí-bé]
  • (Chho͘-o͘-jī sī hit-nî siōng-hó ia̍h siōng-koân ê sêng-chek)
Nî-tō͘ Kiû-tūi Chhut-sài Táⁿ-sò͘ An-táⁿ Hőng-bú-láng Táⁿ-tiám Tit-hun Thau-luí Sì-sí Sa̋n-sín Lúi-táⁿ-sò͘ Siang-sat Táⁿ-kek-lu̍t Chiōⁿ-lúi-lu̍t Tn̂g-táⁿ-lu̍t OPS
2004 La New Hîm 57 220 70 11 56 37 13 23 47 116 2 0.318 0.380 0.527 0.907
2005 81 309 88 16 45 46 8 31 76 148 10 0.285 0.348 0.479 0.827
2006 98 371 108 12 64 63 14 46 64 166 6 0.291 0.364 0.447 0.811
2007 80 289 90 16 59 58 5 40 49 159 14 0.311 0.394 0.550 0.944
2008 79 289 92 11 65 52 11 44 67 143 7 0.318 0.395 0.495 0.890
2009 108 431 143 31 111 87 11 40 89 273 13 0.332 0.385 0.633 1.018
2010 117 443 138 21 79 71 12 51 105 228 8 0.312 0.380 0.515 0.895
2011 Lamigo Thô-oân 92 375 126 18 68 72 8 31 72 209 9 0.336 0.383 0.557 0.940
2012 99 363 115 24 82 87 10 62 83 210 10 0.317 0.413 0.579 0.992
2013 48 164 56 5 29 31 10 27 25 88 6 0.341 0.430 0.537 0.967
2014 109 391 109 11 73 53 14 44 87 173 9 0.279 0.348 0.442 0.790
2015 110 411 156 31 124 106 30 76 91 283 10 0.380 0.469 0.689 1.158
2016 Tiong-sìn Hiaⁿ-tī 104 401 135 34 107 100 8 64 77 260 11 0.337 0.420 0.648 1.068
2017 56 205 59 12 40 34 4 36 59 107 4 0.288 0.389 0.522 0.911
2018 58 158 42 4 24 22 0 17 32 69 4 0.266 0.333 0.437 0.770
2019 108 378 110 26 78 67 2 45 107 203 6 0.291 0.364 0.537 0.901
2020 40 115 30 3 18 14 0 26 29 46 2 0.261 0.397 0.400 0.797
2021 33 65 12 3 13 10 0 10 19 24 3 0.185 0.289 0.369 0.658
2022 Bī-choân Liông 103 347 104 10 62 37 0 55 94 150 8 0.300 0.392 0.432 0.824
2023 81 185 48 4 27 13 0 21 57 64 7 0.259 0.332 0.346 0.678
2024 28 68 15 1 7 6 0 5 15 24 2 0.221 0.274 0.353 0.627
Ha̍p-kè 21-tang 1689 5978 1846 304 1231 1066 160 794 1344 3143 151 0.309 0.386 0.526 0.912

Te̍k-sû Sū-chek

[siu-kái | kái goân-sí-bé]
  • 2006 nî Tō͘-ha A-ūn kim-pâi-chiàn bīn-tùi Ji̍t-pún-tūi, Lîm Tì-sèng phah-chhut chài-kiàn an-táⁿ hō͘ Tiong-hôa-tūi tit-tio̍h kim-pâi[21].
  • 2008 nî 4 goe̍h 4 hō tī Tōa-pi-ô͘ Iá-kiû-tiôⁿ tùi-chiàn Hiaⁿ-tī Chhiōⁿ, Lîm Tì-sèng tī 9-kio̍k-hā bē-hù tńg-khì lúi-pau hőng phòaⁿ chhut-kio̍k, jiân-āu tūi-iú Chio̍h Chì-úi phah-chhut lāi-iá kún-tē-kiû chhut-kio̍k, chit 2-hāng phòaⁿ-koat hō͘ i chiâⁿ put-boán, sûi chhiong ji̍p-khì kiû-tiôⁿ lāi-té kā it-lúi-sím Kang Chhun-hūi lòng--lo̍h-khì, lo̍h-bóe liân-bêng jīn-ûi éng-hióng tio̍h Tiong-hôa Chit-pāng Liân-bêng ê hêng-siōng, phòaⁿ-hoa̍t sin-tâi-phiò 11-bān koh bû-hān-kî thêng-sài[22]; chòe-āu Lîm Tì-sèng khui kì-chiá-hōe hōe-sit-lé, liân-bêng chiah kái-chò kìm-sài 15-tiôⁿ, hoa̍t-khoán 18-bān[23].
  • 2009 nî 4 goe̍h 30 tī Lô-tong Iá-kiû-tiôⁿ kòng chhut tiong-gōa-iá hong-hiòng ê ko͘-hun hőng-bú-láng, sī 4 goe̍h ê tē-10-ki hőng-bú-láng, jî-chhiáⁿ khai-kùi kan-na chhut-sài 20-tiôⁿ tio̍h í-keng ū 10-ki hőng-bú-láng, sī hit-tang-chūn siōng kín ê kì-lo̍k[24].
  • 2009 nî 7 goe̍h 18 tī Thian-bú Iá-kiû-tiôⁿ kòng chhut hit-nî ê tē-20-ki hőng-bú-láng, khai-kùi kan-na 56-tiôⁿ tio̍h oân-sêng, sī hit-tang-chūn pún-thó͘ kiû-oân siōng kín ê kì-lo̍k[25].
  • 2010 nî 4 goe̍h 1 hō, tī Tōa-pi-ô͘ Iá-kiû-tiôⁿ tùi-chiàn Thóng-it 7-ELEVEn Sai, 1-kio̍k-hā bīn tùi tâu-chhiú Tân I̍t-sîn kòng chhut ko͘-hun hőng-bú-láng, sī kò-jîn seng-gâi ê tē-100-ki hőng-bú-láng, chiâⁿ-chò Tiong-chit pún-thó͘ kiû-oân lāi-té iōng siōng chió tiôⁿ-chhù ta̍t-sêng ê kiû-oân, mā sī Tiong-hôa Chit-pāng sú-siōng tē-10-ūi oân-sêng 100-ki hőng-bú-láng ê kiû-oân[26].
  • 2011 nî 1 goe̍h 11 sī Lamigo Thô-oân ê khai-hùn-ji̍t, Lîm Tì-sèng in-ūi sin-súi ê hia̍p-siong iá bô tēng-àn tio̍h bô chhut-se̍k thé-kiám kah chhun-hùn khai-hùn, sī tūi-sú thâu-chi̍t-pái ê pā-hùn sū-kiāⁿ, lo̍h-bóe hőng hoa̍t sin-tâi-phiò 10-bān-kho͘[27]; kúi-kang liáu-āu kah Lamigo Thô-oân chhiam--loeh 5-nî chóng-kè ta̍t 3,000-bān-kho͘ ê ha̍p-iok[4].
  • 2013 nî 5 goe̍h 5 hō, tī Táu-la̍k Iá-kiû-tiôⁿ bīn-tùi Thóng-it 7-ELEVEn Sai ê pí-sài, 3-kio̍k-siōng phah-chhut chi̍t-ki it-lúi an-táⁿ, sī i chit-pāng seng-gâi tē-1000-ki an-táⁿ.
  • 2013 nî 7 goe̍h 3 hō, tī Thô-hn̂g Iá-kiû-tiôⁿ bīn-tùi Gī-tāi Sai-gû ê pí-sài, 7-kio̍k-hā Lîm Tì-sèng thau-lúi sêng-kong, sī i chit-pāng seng-gâi tē-100-pái thau-lúi, chiâⁿ-chò Tiong-hôa Chit-pāng tē-5-ūi oân-sêng 1000-ki an-táⁿ, 100-ki hőng-bú-láng, 100-pái thau-lúi ê kiû-oân[28]
  • 2015 nî 10 goe̍h 12, tī Thô-hn̂g Kok-chè Iá-kiû-tiôⁿ tùi-chiàn Thóng-it 7-ELEVEn Sai, tī 6-kio̍k-hā oân-sêng kò-jîn pún-kùi tē-30-pái thau-lúi sêng-kong, sī Tiong-hôa Chit-pāng thâu-chi̍t-ūi ta̍t-sêng tan-kùi 30-ki hőng-bú-láng koh 30-pái thau-lúi ê kiû-oân[29].
  • 2015 nî Sè-kài Iá-kiû 12-kiông Sài ī-sài tē-4-tiôⁿ bīn-tùi Kó͘-pa-tūi, tī 8-kio̍k-hā tē-jī-pái hō͘ tùi-chhiú kò͘-ì sì-bái pó-sàng chêng-1-hoan Koeh Giâm-bûn, Lîm Tì-sèng kòng chhut ū 3-hun táⁿ-tiám ê hőng-bú-láng, kòng phòa pêⁿ-chhiú ê kio̍k-bīn, lo̍h-bóe Tâi-oân í 4:1 phah iâⁿ Kó͘-pa, mā sī Tâi-oân 29-nî lâi koh-chi̍t-pái tī kok-chè-sài phah-pāi Kó͘-pa[30].
  • 2016 nî 10 goe̍h 25, Tâi-oân Tōa-sài tē-3-chiàn, Tiong-sìn Hiaⁿ-tī tī Thô-hn̂g Iá-kiû-tiôⁿ tùi-chiàn Gī-tāi Sai-gû, Lîm Tì-sèng tan-tiôⁿ kòng chhut 3-ki hőng-bú-láng, sī Tiong-hôa Chit-pāng Chóng-koan-kun-sài thâu-chi̍t-pái ê "tan-tiôⁿ 3-hiáng-phàu", m̄-koh lo̍h-bóe Hiaⁿ-tī iu-goân í 9:10 su hō͘ Gī-tāi.
  • 2019 nî 7 goe̍h 13, tī Tâi-tiong Chiu-chè Iá-kiû-tiôⁿ bīn-tùi Lamigo Thô-oân, tī 5-kio̍k-hā bīn-tùi tâu-chhiú Liz kòng chhut seng-gâi tē-10-ki móa-lúi choân-lúi-táⁿ, chhiau-kòe chêng Thóng-it Sai kiû-oân Tân Chèng-hiân tī 2004 nî 4 goe̍h 17 ê 9-ki, chiâⁿ-chò Tiong-hôa Chit-pāng sú-siōng siōng-chē móa-lúi choân-lúi-táⁿ ê soán-chhiú[31].
  • 2021 nî 11 goe̍h 21, tī Tâi-tiong Chiu-chè Iá-kiû-tiôⁿ bīn-tùi Lo̍k-thian Thô-oân, tī 7-kio̍k-hā bô-lâng chhut-kio̍k móa-lúi ê sî, bīn-tùi tâu-chhiú Chan Jîn-hô kòng chhut chiàⁿ-gōa-iá hong-hiòng ê hőng-bú-láng, sī seng-gâi tē-289-ki hőng-bú-láng, kah Tiuⁿ Thài-san chhòng-chō ê Tiong-chit kì-lo̍k pêⁿ chē, mā sī i seng-gâi tē-11-ki móa-lúi choân-lúi-táⁿ[32].
  • 2022 nî 4 goe̍h 3 hō, tī Tâi-lâm Iá-kiû-tiôⁿ tùi-chiàn Thóng-it 7-ELEVEn Sai, 5-kio̍k-siōng bīn-tùi tâu-chhiú Ông Kèng-bêng kòng chhut ko͘-hun hőng-bú-láng, sī seng-gâi tē-290-ki hőng-bú-láng, chiâⁿ-chò Tiong-hôa Chit-pāng ê sin kì-lo̍k, che mā sī i khòa-kùi liân-sòa 3-tiôⁿ hőng-bú-láng[33].
  • 2023 nî 4 goe̍h 16, tī Lo̍k-thian Thô-hn̂g Iá-kiû-tiôⁿ tùi-chiàn Lo̍k-thian Thô-oân, 8-kio̍k-siōng bīn-tùi tâu-chhiú Hagens kòng chhut 3-hun táⁿ-tiám ê hőng-bú-láng, sī seng-gâi tē 300-ki, hō͘ i chiâⁿ-chò Tiong-hôa Chit-pāng le̍k-sú-siōng thâu-chi̍t-ūi ta̍t-sêng seng-gâi 300-hong ê thûi-á-chhiú[34][35].
  • 2024 nî 4 goe̍h 24, tī Tâi-lâm Iá-kiû-tiôⁿ tùi-chiàn Thóng-it 7-ELEVEn Sai, 8-kio̍k-siōng phah chhut chi̍t-ki sam-lúi an-táⁿ, í 42-hòe 114-kang chiâⁿ-chò Tiong-chit nî-hòe siōng tōa phah chhut sam-lúi an-táⁿ ê soán-chhiú.

Chù-kha

[siu-kái | kái goân-sí-bé]
  1. ↑ Lo̍k-thian Thô-oân tī hit-tang-chūn hō-chò Tē-it Kim-kong, 2004 nî kái-chò La New Hîm, 2011 nî koh kái-miâ chò Lamigo Thô-oân, 2020 nî chiah kái-chò chit-má ê Lo̍k-thian Thô-oân.[8].

Chham-khó Chu-liāu

[siu-kái | kái goân-sí-bé]
  1. ↑ 倪婉君 (2011-01-24). "大師兄要改回「原」名—阿給". 自由時報. Goân-pún bāng-ia̍h Pó-chûn tī 2021-08-21. 2021-04-08 khòaⁿ--ê. 
  2. ↑ 羅惠齡 (2011-01-28). "Ngayaw˙Ake 林智勝秀原名". 蘋果日報. 臺灣. Goân-pún bāng-ia̍h Pó-chûn tī 2021-08-13. 2021-04-08 khòaⁿ--ê. 
  3. ↑ "姓名條例修正 球員林智勝可並列登記Ngayaw Ake'". ETtoday. 2013-10-17. Goân-pún bāng-ia̍h Pó-chûn tī 2015-07-07. 2021-04-08 khòaⁿ--ê. 
  4. ↑ 4.0 4.1 倪婉君 (2011-01-24). "大師兄要改回「原」名—阿給". 自由時報. Goân-pún bāng-ia̍h Pó-chûn tī 2021-08-21. 2023-04-27 khòaⁿ--ê. 
  5. ↑ 林智勝 (2022-06-20). "因為「認同」，拉近了我跟 Kolas 的那一條線". 天下文化. Goân-pún bāng-ia̍h Pó-chûn tī 2023-05-05. 2023-05-02 khòaⁿ--ê. 
  6. ↑ "〈獨家〉國中奪世界冠軍　林智勝愛慕者多". TVBS新聞台. 2006-12-08. Goân-pún bāng-ia̍h Pó-chûn tī 2023-04-25. 2023-04-22 khòaⁿ--ê. 
  7. ↑ 7.0 7.1 羅志朋 (2021-04-20). "錯過3次旅外 300轟背後的遺憾". 自由時報. Goân-pún bāng-ia̍h Pó-chûn tī 2023-04-26. 2023-04-21 khòaⁿ--ê. 
  8. ↑ "樂天桃猿球員列表". 中華職業棒球大聯盟. Goân-pún bāng-ia̍h Pó-chûn tī 2023-04-02. 2023-04-22 khòaⁿ--ê. 
  9. ↑ "中職／蔡榮宗慧眼識英雄指名 林智勝：謝謝他選我進職棒". 聯合新聞網. 2023-04-18. Goân-pún bāng-ia̍h Pó-chûn tī 2023-04-27. 2023-04-22 khòaⁿ--ê. 
  10. ↑ 羅志朋 (2023-04-20). "伯樂蔡榮宗 : 當時看大師兄驚為天人". 自由時報. Goân-pún bāng-ia̍h Pó-chûn tī 2023-04-26. 2023-04-22 khòaⁿ--ê. 
  11. ↑ "超越勝負感動見證歷史時刻　林智勝300轟中職第一人". 客新聞. 2023-04-17. Goân-pún bāng-ia̍h Pó-chûn tī 2023-04-26. 2023-04-22 khòaⁿ--ê. 
  12. ↑ 黃俊杰 (2013-07-18). "大師兄林智勝車禍 撕裂傷縫13針". 華視新聞. Goân-pún bāng-ia̍h Pó-chûn tī 2023-04-22. 2023-04-22 khòaⁿ--ê. 
  13. ↑ "9年1大劫 魔咒 車禍 林智勝本球季報銷". 蕃新聞. 天空傳媒. 2013-07-19. Goân-pún bāng-ia̍h Pó-chûn tī 2023-04-27. 2023-04-22 khòaⁿ--ê. 
  14. ↑ 廖德修 (2015-03-06). "猿隊林智勝出書講述棒球人生". 中時新聞網. Goân-pún bāng-ia̍h Pó-chûn tī 2023-04-30. 2023-04-27 khòaⁿ--ê. 
  15. ↑ 龔乃玠 (2015-11-04). "中職》締造「333」紀錄 林智勝生涯首獲年度MVP". 自由時報. Goân-pún bāng-ia̍h Pó-chûn tī 2023-04-25. 2022-04-21 khòaⁿ--ê. 
  16. ↑ 古依晴 (2016-01-05). "林智勝3年4500萬元加盟兄弟　至少達成聯盟3項「第一」". ETtoday. Goân-pún bāng-ia̍h Pó-chûn tī 2023-04-27. 2023-04-23 khòaⁿ--ê. 
  17. ↑ Ben Cosman. "Move over, Ted: CPBL batter Lin Chih-Sheng has reached base in 100 straight games" (ēng Eng-gí). cut4. Goân-pún bāng-ia̍h Pó-chûn tī 2017-05-08. 2016-05-29 khòaⁿ--ê. 
  18. ↑ 粘藐云 (2016-06-16). "中職》殘念！林智勝跨季連續上壘紀錄停在109場". 自由時報. goân-loē-iông tī 2021-12-30 hőng khó͘-pih. 
  19. ↑ "沉默半個多月　林智勝發聲明：我棒球人，不會做對不起棒球的事". 上報. 2017-11-04. Goân-pún bāng-ia̍h Pó-chûn tī 2023-05-06. 2023-05-04 khòaⁿ--ê. 
  20. ↑ 倪婉君 (2022-01-25). "中職》「分手」典範 中信兄弟祝福林智勝". 三立新聞網. Goân-pún bāng-ia̍h Pó-chûn tī 2023-04-28. 2023-04-23 khòaⁿ--ê. 
  21. ↑ "2006多哈亞運＼九局下力挽狂瀾 獲亞運參賽史上首面金牌". 報時光. 聯合新聞網. 2022-10-12. Goân-pún bāng-ia̍h Pó-chûn tī 2023-04-28. 2023-04-23 khòaⁿ--ê. 
  22. ↑ 林智勝暴力行為及不當言論，聯盟下周一做出最後懲罰決議. 中華職棒大聯盟全球資訊網. 中華職棒大聯盟 Archived 2008-04-13 at the Wayback Machine.
  23. ↑ 蕭保祥 (2020-04-04). "棒球史上的今天／2008年4月4日　林智勝衝撞裁判事件". 三立新聞網. Goân-pún bāng-ia̍h Pó-chûn tī 2023-05-02. 2023-04-27 khòaⁿ--ê. 
  24. ↑ 吳清正 (2009-06-01). "林智勝 開季最快10轟". 自由時報. Goân-pún bāng-ia̍h Pó-chûn tī 2023-04-25. 2023-04-22 khòaⁿ--ê. 
  25. ↑ 倪婉君 (2009-07-19). "林智勝 本土最快20轟". 自由時報. Goân-pún bāng-ia̍h Pó-chûn tī 2023-04-26. 2023-04-22 khòaⁿ--ê. 
  26. ↑ 林三豐 (2010-04-02). "林智勝100轟". 自由時報. Goân-pún bāng-ia̍h Pó-chûn tī 2023-04-26. 2023-04-22 khòaⁿ--ê. 
  27. ↑ 歐建智 (2011-01-13). "林智勝罰10萬 薪事擺不平". 中時新聞網. Goân-pún bāng-ia̍h Pó-chûn tī 2023-05-01. 2023-04-27 khòaⁿ--ê. 
  28. ↑ "中職／千安百轟百盜　林智勝全紀錄悠遊卡". Ettoday. 2013-07-26. Goân-pún bāng-ia̍h Pó-chûn tī 2023-04-27. 2023-04-22 khòaⁿ--ê. 
  29. ↑ 王真魚 (2015-10-12). "快訊／林智勝解完任務了！30轟30盜史上第1人". ETtoday. Goân-pún bāng-ia̍h Pó-chûn tī 2023-04-27. 2022-04-22 khòaⁿ--ê. 
  30. ↑ 黃益源 (2015-11-14). "【世棒12強】台古大戰 中華隊4:1擊敗古巴!". 華視新聞. Goân-pún bāng-ia̍h Pó-chûn tī 2023-05-15. 2023-05-15 khòaⁿ--ê. 
  31. ↑ 楊啟芳. 林智勝敲滿貫砲締造新紀錄 兄弟送桃猿5連敗，中央通訊社，2019-07-13
  32. ↑ 林智勝敲289轟平張泰山紀錄 渴求最重要的總冠軍 Archived 2021-12-28 at the Wayback Machine.，中央通訊社，2021-11-21
  33. ↑ "中職》曾登上大聯盟官網！ 超狂球迷撿到林智勝第290轟（影音）". 自由時報. 2022-04-04. Goân-pún bāng-ia̍h Pó-chûn tī 2023-04-28. 2022-04-23 khòaⁿ--ê. 
  34. ↑ 張沛嘉. "林智勝代打3分砲擊豪勁！生涯300轟出爐　樂天系列賽3戰全敗". 三立新聞網. Goân-pún bāng-ia̍h Pó-chûn tī 2023-04-27. 2023-04-16 khòaⁿ--ê. 
  35. ↑ 楊啟芳 (2023-04-16). "林智勝客場聽到應援曲感動哽咽 在桃園達成300轟充滿意義". 中央通訊社. Goân-pún bāng-ia̍h Pó-chûn tī 2023-05-08. 2023-05-08 khòaⁿ--ê. 

Gōa-pō͘ Liân-kiat

[siu-kái | kái goân-sí-bé]

Tâi-oân Pāng-kiû Wiki-koán：林智勝(Hàn-gí)

Chióng-hāng
chêng-jīm: 
Brito
Lîm Hông-io̍k 		Tiong-hôa Chit-pāng Choân-lûi-táⁿ-ông
2009 nî - 2010 nî
2012 nî 		kè-jīm: 
Lîm Hông-io̍k
Lîm Ek-choân
chêng-jīm: 
Lîm Ek-choân 		Tiong-hôa Chit-pāng Táⁿ-tiám-ông
2010 nî 		kè-jīm: 
Lîm Hông-io̍k
chêng-jīm: 
Lîm Chì-siông 		Tiong-hôa Chit-pāng Chòe-ka 10-jîn Chióng (jī-lúi-chhiú)
2016 nî 		kè-jīm: 
Koeh Giâm-bûn
chêng-jīm: 
Tēⁿ Chhiong-bêng
Ông Sèng-úi
Tân Iông-ki 		Tiong-hôa Chit-pāng Chòe-ka 10-jîn Chióng (iû-kek-chhiú)
2006 nî - 2009 nî
2012 nî
2015 nî 		kè-jīm: 
Tēnn Tiāu-hâng
Ông Sèng-úi
Lîm Sêng-hui
chêng-jīm: 
Tēⁿ Chhiong-bêng 		Tiong-hôa Chit-pāng Kim-chhiú-thò Chióng (iû-kek-chhiú)
2007 nî 		kè-jīm: 
Ông Sèng-úi
chêng-jīm: 
Brito
Nâ În-lûn 		Tiong-hôa Chit-pāng Choân-lûi-táⁿ Tōa-sài koan-kun
2009 nî
2015 nî - 2016 nî 		kè-jīm: 
Koeh Chùn-iū
Iûⁿ Iāu-hun
chêng-jīm: 
Tân Goân-kah 		Tiong-hôa Chit-pāng Bêng-chheⁿ-sài MVP
2009 nî 		kè-jīm: 
Ko Kok-khèng
chêng-jīm: 
Ông Kèng-bêng
Û Tek-liông 		Tâi-oân Tōa-sài MVP
2012 nî
2015 nî 		kè-jīm: 
Ko Kok-khèng
Lîm Tiat-soan
Chóng-kàu-liān
Kàu-liān
Tâu-chhiú
Pó͘-chhiú
Lāi-iá-chhiú
Lāi-iá-chhiú
1 Tân Chú-hô | 2 Lí Sèng-jū | 4 Tân Bûn-kia̍t | 9 Ông Ui-sîn | 11 Liāu It-tiong | 13 Tân Úi-hàn | 16 Chiu Su-chê | 19 Tēⁿ Khái-bûn | 25 Lîm Tì-sèng | 26 N̂g Kun-seng | 34 Lí Chín-chhiong | 39 Chiam Chú-hiân (chóng-koan-kun-sài MVP) | 42 Tân Ka-khu | 46 de Paula (iu-siù kiû-oân-chióng) | 50 Chhòa Chê-tiat | 55 Shawn Morimando | 58 Lī Gān-chheng | 62 Tân Hó͘ | 65 Ko Ú-kia̍t | 69 Tiuⁿ Chì-kiông | 74 Khó͘ Ki-hông | 79 Siā Êng-hô | 90 Kang Khun-ú | 92 Ga̍k Chèng-hôa | 93 Ngô͘ Tiat-goân | 94 Ngô͘ Chùn-úi | 97 Valdez | 98 Ga̍k Tong-hôa
Chóng-kàu-liān 24 Lîm Ui-chō͘
Táⁿ-kek kàu-liān 6 Wilson [en] | Lāi-iá kàu-liān 8 N̂g Thài-liông | Tâu-pó͘ kàu-liān 29 Tân Tì-hông | Chok-chiàn kàu-liān 31 Tân Kang-hô | Táⁿ-kek kàu-liān 36 Chio̍h Chì-úi | Tâu-chhiú kàu-liān 44 Foster [en] | Gōa-iá kàu-liān 57 Tân Hō-jiân | Thé-lêng kàu-liān 70 Lí Siōng-jû | Gû-tiâu kàu-liān 78 Lîm Un-ú | Siú-se̍k kàu-liān 91 Khu Chhiong-êng
1 Lîm Hàu-thêng | 2 Koeh Thian-sìn | 3 Masegesege Abalrini | 4 Giljegiljaw Kungkuan | 5 Ko Hàu-gî | 16 Ông Ûi-tiong | 17 Koeh Hiok-chèng | 18 Chhî Jio̍k-hi (chóng-koan-kun-sài MVP) | 21 Lí Khái-ui | 25 Tiuⁿ Chèng-ú | 31 Lîm Tì-sèng | 33 Chan Thoân-seng | 37 Gagnon | 40 Lī Ēng-chin | 43 Brigham | 46 Lâu Ki-hông | 51 Tiuⁿ Kéng-io̍k | 52 Woodall (iu-siù kiû-oân-chióng) | 57 Namoh Iyang | 59 Tân Koàn-úi | 60 Lâu Sî-hô | 63 Chiúⁿ Siàu-hông | 68 Lô Hôa-úi | 71 Lîm Chú-io̍k | 72 Chio̍h Siông-ú | 82 Jiám Sêng-lîm | 95 Ông Io̍k-lîm | 99 Lîm Khái-ui
Chóng-kàu-liān 27 Ia̍p Kun-chiong
Pó͘-chhiú chō͘-lí kàu-liān 32 Ông Eng-phêng | Táⁿ-kek kàu-liān 49 Tiuⁿ Thài-san | Siú-se̍k kàu-liān 54 Lîm Úi-un | Siú-se̍k kàu-liān 66 Tiuⁿ Kiàn-bêng | Táⁿ-kek kàu-liān 70 Takasu Yōsuke | Lāi-iá kàu-liān 76 Lâu Êng-hôa | Lāi-iá kàu-liān 86 Tân Chì-úi | Tâu-chhiú kàu-liān 88 Garcia | Tâu-chhiú kàu-liān 91 Koeh Sèng-an | Gû-tiâu kàu-liān 92 N̂g E̍k-chì
Lâi-goân: "https://zh-min-nan.wikipedia.org/w/index.php?title=Ngayaw_Ake%27&oldid=3236937"