Bâ-khang Lám-chhia

Wikipedia (chū-iû ê pek-kho-choân-su) beh kā lí kóng...
(Tùi Niau-khang Lám-chhia choán--lâi)
Bâ-khang Lám-chhia ê soàⁿ-lō͘

Bâ-khang Lám-chhia (Hàn-jī: 猫空纜車), siū-tio̍h Hôa-gí “貓空纜車” éng-hióng, mā ū lâng tha̍k-chò Niau-khang Lám-chhia,[1] kán-chheng Niau-lám (貓纜), sī Tâi-oân Tâi-pak-chhī Bûn-san-khu ê lám-chhia hē-thóng. Niau-lám ê lō͘-sòaⁿ ùi Tâi-pak Chhī-li̍p Tōng-bu̍t-hn̂g sai-pêng kàu Bâ-khang tē-khu, choân-tn̂g 4.03 kong-lí, tiong-tô͘ siat-iú 4 ê chām. Niau-lám te̍k-pia̍t ê só͘-chāi sī Tâi-pak-chhī tē-it chō koan-kong lám-chhia, mā sī choân Tâi-oân siōng-tn̂g koh tē-it chō ū kong-kiōng ūn-su sèng-chit ê lám-chhia. Sin ê kau-thong hong-sek tû-liáu ē-sái hō͘ lú-kheh ùi ko-khong him-sióng Bâ-khang tê-hn̂g ê kéng-sek, mā kî-thāi ē-sái pó-liû Bâ-khang ê sûn-chēng koh oân-chéng ê chū-jiân khoân-kéng.

Niau-lám ê pō͘-hūn tē-ki tī 2008 nî ê hong-thai kùi-chiat pī tô-khang, keng-iû ki-su kong-hōe ê kàm-tēng liáu-āu, jīm-tēng ū an-choân gî-lū, só͘-í bat ùi 2008 nî 10 goe̍h 1 hō ē-po͘ 3 tiám thêng-sú, it-ti̍t kàu 2010 nî 3 goe̍h 30 hō chiah-koh hoe-ho̍k chèng-siông ê êng-ūn. Tī thêng-sú kî-kan ū sin cheng-siat Bâ-khang Lám-chhia Ho̍k-bū Tiong-sim.

Chhia-chām[siu-kái | kái goân-sí-bé]

Chhia-chām miâ Kau-hōe Chē-chí
Pe̍h-ōe-jī Hàn-jī Eng-gí
Niau-khang Lám-chhia
Tōng-bu̍t-hn̂g 動物園 Taipei Zoo   Khoân-chōng-sòaⁿ (Lâm-khoân-tōaⁿ)
  Chhim-kheⁿ Khin-kúi
  Bûn-ô͘ Soàⁿ
Bûn-san-khu Tâi-pak-chhī
Choán-kak 1 轉角一 Angle Station 1
Tōng-bu̍t-hn̂g Lâm 動物園南 Taipei Zoo South
Choán-kak 2 轉角二 Angle Station 2
Chí-lâm-kiong 指南宮 Zhinan Temple
Bâ-khang 猫空 Maokong


Chham-khó chu-liāu[siu-kái | kái goân-sí-bé]

  1. 翁佳音、曹銘宗(2016)。大灣大員福爾摩沙:從葡萄牙航海日誌、荷西地圖、清日文獻尋找台灣地名真相。 台北:貓頭鷹。ISBN: 9789862622766