Nigeria chà-khi

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Nigeria chà-khi (Eng-gí: Nigerian scams), he̍k-chiá kóng 419 chà-khi, sī chi̍t khoán chà-khi (chà-phiàn, phiàn-kio̍k) hêng-sek.

Nigeria chà-khi bô it-tēng kap Nigeria ū koān-hē, i ki-pún ê sêng-hun mā kiò sìn-jīm phiàn-su̍t. Chú-iàu sī pau-niá pī-hāi-chiá hun chi̍t pit chîⁿ, m̄-koh khí-sian iau-kiû pī-hāi-chiá ài seng la̍p kóa só͘-hùi, nā pī-hāi-chiá khak-si̍t hō͘ pián khì, pián-sian sòa--lo̍h-lâi chio̍h ū khó-lêng koh pian chi̍t liân-sòa sin lí-iû lâi thó chîⁿ.

í-chêng Nigeria chài-khi sī lī-ēng phoe-sìn chiap-chhio̍k pī-hāi-chiá. Bāng-lō͘ hoat-tián liáu-āu, chá-kî sī lī-ēng e-mail, che mā sī "Nigeria" chi̍t-ê miâ-hō sán-seng ê pōe-kéng, in-ūi pián-sian tiāⁿ phiàn lâng kóng ū Nigeria ê chu-kim he̍k-chiá ka-tī sī "Nigeria Ông-chú"; nā "419" chio̍h sī tùi Nigeria chà-khi-chōe hoat-lūt pian-hō 4-1-9 hō--lâi.

Āu-lâi koh hoat-tián ēng siā-kau ho̍k-bū phì-jû Facebook ia̍h Line téng-téng lâi phiàn chîⁿ.

Siong-koan[siu-kái | kái goân-sú-bé]

Chit khoán chà-khi ū chi̍t khoán kó͘-chá hêng-sek kiò "Se-pan-gâ Kaⁿ-siû" (Spanish Prisoner).