Nomo Hideo

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Nomo Hideo.

Nomo Hideo(野茂 英雄; 1968/08/31-) sī khah-tsá NPB kah MLB ê Ji̍t-pún tsiànn-tshiú tâu-tshiú. Nomo tsá-kî tī Ji̍t-pún huat-tián liáu tsin sîng-kong; tsū 1990 nî kàu 1994 nî ê kî-kan, i tī Osaka Buffaloes tâu-kiû. Nomo āu-lâi lī-khui Ji̍t-pún, ka-ji̍p Los Angeles Dodgers. 1995 nî 5 gue̍h 2 hō, Nomo sîng-uî tē-sann uī tī MLB pí-sài ê A-tsiu tâu-tshiú (tsîng nn̄g uī sī Murakami Masanori kah Phok Tsàn-hō). Nomo ê sîng-kong kóo-lē lú lâi lú tsē ê Ji̍t-pún tâu-tshiú tsiân-óng Bí-kok thiáu-tsiàn MLB.

Nomo tī MLB pí-sài 13 ê kiû-kuì, tuà kuè lóng-tsóng 8 ki bô-kāng ê kiû-tuī. 2008 nî thè-hiu. Tī i ê sing-gâi tiong, i bat tit-tio̍h 1995 nî ê Rookie of the Year Award. I sam-tsín ê kì-lo̍k tī MLB pâi-miâ tē-jī; i mā bat tâu kuè 2 tiûnn bô an-tánn pí-sài (uî-it ū tâu kuè tsì-tsió 1 tiûnn ê Ji̍t-pún tâu-tshiú). Nomo tsit-tsūn tuà tī Bí-kok California ê Los Angeles.

Ji̍t-pún ê sîng-kong[siu-kái | kái goân-sú-bé]

Nomo tsi̍t khai-sí sī Ji̍t-pún 1988 Jua̍h-lâng Olympics iá-kiû tāi-piáu-tuī ê sîng-guân, hit nî Ji̍t-pún tsuè-āu tit-tio̍h gîn-pâi. Keh-tńg-nî, i ji̍p-suán Osaka Buffaloes, khai-sí i ê tsit-gia̍p sing-gâi. Nomo tī 1990 nî khai-sí sian-huat, i kiann--lâng ê piáu-hiān (18 sìng 8 pāi) liâm-mi tit-tio̍h kok-kài ê tiōng-sī; kìng-ka hōo lâng o-ló ê sī Nomo tī 235 kio̍k í-lāi, lóng-tsóng tâu tshut 287 pái sam-tsín.