Ozone chân

Wikipedia (chū-iû ê pek-kho-choân-su) beh kā lí kóng...

Ozone chân (Eng-gí: ozone layer) iā ozone khak (ozone shield) sī Tē-kiû ê tāi-khì-khoan tang-tiōng ê chi̍t khu. Chia khip-siu tōa-hūn Ji̍t-thâu siā--lâi ê chí-gōa-sòaⁿ hòng-siā. Pún chân hâm chóng-sǹg chiàm chió liōng m̄-koh siong-tùi tāi-khì-khoan kî-tha pō͘-hūn sǹg koân lông-tō͘ ê ozone (O3). Ozone chân it-poaⁿ chhut-hiān tī chiâⁿ-chân-khoan ê khah kē pō͘-hūn, iok-lio̍k lî tē-piáu 20 kàu 30 kong-lí ê só͘-chāi, si̍t-chè kāu-tō͘ chiàu kùi-chiat kap tē-lí piàn-tōng.