Pêng-ho̍k-keng pe̍h-hoe-chhài
| ?Pêng-ho̍k-keng pe̍h-hoe-chhài | ||||||||||||||
|---|---|---|---|---|---|---|---|---|---|---|---|---|---|---|
| ||||||||||||||
| Cleome rutidosperma | ||||||||||||||
| Seng-bu̍t-ha̍k hun-lūi | ||||||||||||||
| ||||||||||||||
| Ha̍k-miâ | ||||||||||||||
| Cleome rutidosperma |
Pêng-ho̍k-keng pe̍h-hoe-chhài (Hàn-jī: 平伏莖白花菜, ha̍k-miâ: Cleome rutidosperma) kui-sio̍k-tī Pe̍h-hoe-chhài-kho (Capparaceae), sī chi̍t-nî-seng chháu-pún si̍t-bu̍t. I tī Tâi-oân ê tē-1-chhùi hoat-hiān kì-lo̍k sī 1979 nî Koeh Tiông-seng (郭長生) kàu-siū tī Sêng-kong Tāi-ha̍k hoat-hiān, só·-í tī Tâi-oân koh kiò-chò sêng-kong pe̍h-hoe-chhài (成功白花菜). Hun-pò· tī tiong-pō· kap lâm-pō· ê pêⁿ-tē kàu kē hái-poa̍t soaⁿ-khu, seng-tióng tī lō·-piⁿ, pha-hng-tē, kap chhân-hn̂g. I ê hio̍h-á sī Tâi-oân bûn-pe̍h-tia̍p, bûn-pe̍h-tia̍p, o·-tiám-hún-tia̍p, kap pat-tiông-san hún-tia̍p iù-thâng ê si̍t-chháu.
I kah-ì kui-kang ū-ji̍t ê khoân-kéng, kui-tang lóng-ū khui-hoe.
.jpg)
Hêng-thài[siu-kái | kái goân-sí-bé]
Keng ū chiòng-koàn lêng-chiah (縱稜), phoē se-se lang-lang ê mo·.
Hióh-á sī hō·-seⁿ, saⁿ-chhut ho̍k-hióh; sió-hióh lêng-kak-hêng he̍k thó-îⁿ-hêng, siang-bīn phoē se-sàm ê iù-mo·.
Hoe sī chiáⁿ chí-sek he̍k hún-âng-sek, hoe-hióh 4 phìⁿ ko·-chi̍t-pêng, hoe khoah ū-kàu 15 mm; hoe ū tn̂g hoe-pèⁿ, ùi hió-á-pèⁿ ê koh-ē-lang hoat-chhut, chi̍t-tah kan-taⁿ hoat 1 ki hoe.
Koé-chí sī soàⁿ-tiâu-hêng ê sok-kó, ū chiòng-koàn ê bûn-me̍h.