Pang-chān:兩岸（臺灣海峽）

海峽兩岸，是參中國有關連的地理政治概念，海峽就是臺灣海峽，「兩岸」是咧講中國大陸佮臺灣這兩个所在。

公元第20世紀的頂半世紀，中國發生國共內戰，中國國民黨戰敗了後，政權對大陸搬遷到臺灣，國號猶原保留做中華民國，啊中國共產黨所統治的大陸政權，國號卻是中華人民共和國。此去了後，兩爿長期分治佮對立。參海峽兩岸這个名稱略仔有干涉的，閣有兩岸三地、大中華地區遮的，三地包括大陸、臺灣佮港澳地區。

海峽兩岸佇1992年進前，攏總奉行一个中國的政策。後來，蔣介石政權佇臺灣倒擔了後，臺獨的勢力愈來愈大，到佮李登輝扞手頭的時代，臺獨運動出現高潮。從彼陣開始，兩岸著不時為著「一个中國的問題」佮「臺獨的問題」咧相姦撟。

臺灣本土派認為「海峽兩岸」嘛會使指巴士海峽兩爿的國家，就是臺灣佮菲立賓。

參看

• 海峽兩岸關係協會（簡稱「海協會」，大陸）
• 海峽交流基金會（簡稱「海基會」，臺灣）
• 九二共識（一中各表）
• 臺灣問題