Pang-chān:望春風

〈望春風〉兮曲盤。

〈望春風〉是一首臺灣日本時代兮臺語流行歌曲。1933年出版，由鄧雨賢作曲、李臨秋作詞、純純原唱。自1930年代問世以來，〈望春風〉就是臺灣上受着歡迎兮歌曲之一。2000年，佇一場超過220,000儂參與兮《歌謠百年台灣》活動中，〈望春風〉被選做是上受着歡迎兮老歌。另外，〈望春風〉使用傳統五聲音階來結合成做特殊獨有兮優美旋律，被濟濟國家認定是真有特色兮臺灣調。

歌詞

歌詞

白話字

獨夜無伴守燈下　 清風對面吹 十七八未出嫁　 見著少年家 果然標緻面肉白　 誰家人子弟 想要問伊驚歹勢　 心內彈琵琶 想要郎君作翁婿　 意愛在心裡 待何時君來採　 青春花當開 忽聽外口有人來　 開門該看覓 月老笑阮憨大呆　 被風騙不知

To̍k iā bô phōaⁿ chiú teng-ē, chheng-hong tùi bīn chhe Cha̍p-chhit-poeh, bē chhut-kè, kìⁿ-tio̍h siàu-liân-ke Kó-liân piau-tì bīn-bah pe̍h, sûi ke lâng chú-tē Siūⁿ-beh mn̄g i kiaⁿ phái-sè, sim-lāi tōaⁿ pî-pê Siūⁿ-boeh liông-kun choh ang-sài, ì-ài chāi sim-lāi Thāi hô-sî, kun lâi chhái, chheng-chhun hoe tng-khai Hut thiaⁿ gōa-kháu ū lâng lâi, khui-mn̂g kai khòaⁿ-bāi Go̍at-ló chhiò gún gōng-tōa-tai, hō͘ hong phiàn m̄-chai

民間歌詞

歌詞

白話字

獨夜無伴守燈下，清/春/冷風對面吹； 十七八歲未出嫁，拄/搪/想/看着少年家； 果然標致面肉白，誰/啥/(啥人)家人子弟？ 想欲問伊驚歹勢，心內彈琵琶。 想欲郎君做翁婿，意愛在心內； 等待何時君來採，青春花當開； 聽見外面有人來，開門來/共看覓； 月娘笑阮戇大呆，予風騙毋知。

To̍k iā bô phōaⁿ siú teng-ē, chheng/chhun/léng-hong tùi bīn chhoe Cha̍p-chhit-peh hòe bōe chhut-kè, tú/tn̄g/siūⁿ/khuàⁿ-tio̍h siàu-liân-ke Kó-jiân piau-tì bīn-bah pe̍h, sûi/siáⁿ/siáng ka lâng chú-tē Siūⁿ-beh mn̄g i kiaⁿ phái-sè, sim-lāi tôaⁿ gî/pî-pê Siūⁿ-beh lông-kun chè/chòe ang-sài, ì-ài chāi sim-lāi Tán-thāi hô-sî kun lâi chhái, chheng-chhun hoa/hoe tong khai Thiaⁿ-kìⁿ gōa-bīn ū lâng lâi, khui-mn̂g lâi/kā khòaⁿ-bāi/māi Go̍eh-niû chhiò gún gōng-tōa-tai, hō͘ hong phiàn m̄-chai