Pang-chān:鄧雨賢

Chit phiⁿ bûn-chiuⁿ ū Pe̍h-ōe-jī ê pán-pún.
Chham-khó chit phiⁿ bûn-chiuⁿ ê Pe̍h-ōe-jī ê pán-pún.

鄧雨賢（客語：Then Yí-hièn，1906年龍潭 – 1944年竹東），日本時代臺灣流行歌的作曲家。佇1933年到1935年中間創作出幾若條出名的歌，其中〈四季紅〉、〈月夜愁〉、〈望春風〉、〈雨夜花〉予人 (hőng)合稱「四月望雨」。龍潭鄉（今龍潭區）捌為伊立一身銅像紀念。

背景

伊生佇桃仔園龍潭一个客儂庄，老爸是漢學仔先。三歲時規家搬去佇臺北城內。讀艋舺公學校。對臺北師範學校畢業了後，予人 (hőng)派去臺北日新公學校教冊。

24歲去日本留學。

1932年投入流行歌的創作。伊是古倫美亞唱片公司的專任作曲家，一生的創作量超過50首，毋過伊的曲攏配河佬話抑是日本話的歌詞，毋捌有客話的。

後來轉去庄跤，新竹芎林教冊。

1944年因為肺病兼心臟病來過身。

戒嚴時代的中華民國官方對伊彼首〈四季紅〉的歌名有意見，所以有幾若十冬的時間是號做「四季謠」，1980年代開始改轉去原名。

臺灣島外的烏名單社區共〈望春風〉的意義轉到政治的層次。