Phêⁿ Chheng-khò

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Phêⁿ Chheng-khò

Phêⁿ Chheng-khò (彭清靠, 1890 nî 5 goe̍h 4 ji̍t - 1956 nî 1 goe̍h 13 ji̍t[1]) sī Tâi-oân ê i-seng, pat chò koè Ko-hiông-chhī tùi 1946 nî kàu 1951 nî kî-kan ê chham-gī-hoē gī-tiúⁿ.

Lâi-le̍k[siu-kái | kái goân-sú-bé]

Phêⁿ--sī sī Pîn-tong-chhī (tong-sî kiò chò A-kâu) chhut-sì ê lâng, 1912 nî tùi Tâi-pak I-ha̍k-hāu chut-gia̍p liáu-āu tùi Má-kai Pēⁿ-īⁿ ê Ferguson gián-kiù gōa-kho sán-hū-jîn-kho. 1915 nî, i tī Tāi-kah-ke khai-gia̍p, tè-bé koh kòe Tang-kiaⁿ Tè-kok Tāi-ha̍k ê hū-sio̍k Izumibasi Chû-siàn Pēⁿ-īⁿ (泉橋慈善病院) gián-kiù. 1934 nî 1 goe̍h tńg Tâi-oân, kòe Ko-hiông-chhī ê Khut-kang-teng (堀江町) khui Phêⁿ Sán-hū-jîn-kho I-īⁿ.

228 Sū-kiāⁿ[siu-kái | kái goân-sú-bé]

Phêⁿ Chheng-khò tī 228 Sū-kiāⁿ tiong chham N̂g Tiōng-tô͘ (黃仲圖), Lîm Kài (林界) téng 5-ê lâng tāi-piáu chhī-bîn kap Ko-hiông Iàu-sài su-leng Phêⁿ Bēng-chhip (彭孟緝) tân-phoàⁿ, m̄-koh soah hong khu-ah, āu-boé Phêⁿ Chheng-khò kap N̂g Tiōng-tô͘ hō͘ sek-hòng, lēng-goā 3-ê lâng hong chhèng-sat.

Ké-soeh[siu-kái | kái goân-sú-bé]

  1. Tùi Chū-iû ê Chu-bī lāi-té biâu-su̍t lâi lí-kái sī chit-ê ji̍t-chí, m̄-koh nā bāng-lō͘ téng ê chu-liāu it-poaⁿ siá 1955 nî.

Chham-khó[siu-kái | kái goân-sú-bé]

  • 彭明敏. 自由的滋味:彭明敏回憶錄. 玉山社. ISBN 978-986-6789-47-2. 
  • "彭清靠". 台灣人士鑑. 台灣新民報社. 1937.