Phó͘-thong kim-sio̍k ha̍p-kim (khí-kho)

Phó·-thong kim-sio̍k ha̍p-kim he̍k ki-té kim-sio̍k ha̍p-kin (base metal alloy) sī khí-khó tiāⁿ-tiāⁿ leh sú-iōng ê ha̍p-kim. Khí-kho leh iōng ê chù-chō (鑄造, casting) kap toān-chō (鍛造, wrought) ki-té kim-sio̍k ha̍p-kim ū ē-kha chit kúi-lūi:

Chù-chō cobalt-chromium ha̍p-kim - iōng tī kio̍k-pō· oa̍h-tōng ké-chhùi-khí ê chi-kè (支架, framework), iù-hûi-á-kim-sio̍k siu-ho̍k-thé (porcelain-metal restoration)
Chù-chō nickel-chromium ha̍p-kim – iōng tī kio̍k-pō· oa̍h-tōng ké-chhùi-khí ê chi-kè, khí-lông kap kio̍k-pō· kò·-tēng ké-chhùi-khí, iù-hûi-á-kim-sio̍k siu-ho̍k-thé
Toān-chō pe̍h-tih-á (stainless steel) ha̍p-kim – kin-kńg tī-liâu ê ke-si, tiau-chhùi-khí ê tih-soàⁿ kap tih-kè (bracket), hiān-sêng ê khí-lông (preformed crown)
Toān-chō cobalt-chromium-nickle ha̍p-kim – iōng tī tiau-chhùi-khí ê tih-soàⁿ
Toān-chō nickel-titanium ha̍p-kim – iōng tī tiau-chhùi-khí ê tih-soàⁿ
Toān-chō beta-titanium ha̍p-kim – iōng tī tiau-chhùi-khí ê tih-soàⁿ