Portal:Sin-bûn sū-kiāⁿ
跳至導覽
跳至搜尋
Sî-kan: 07:23 UTC | Ji̍t-kî: 11 goe̍h 14 ji̍t
|
Bo̍k-lo̍k
2018 nî
9 goe̍h
- Ìn-nî ê Tiong Sulawesi tē-hng tī 9 goe̍h 28 hoat-seng Mw 7.5 kiông ê tē-tāng. Hái-tiòng éng ji̍p Palu siâⁿ. Kui-ê chai-hāi chō-sêng siōng-bô 832-ê lâng sí-bông.
- 9 goe̍h 22 – Iran tī Ahvaz siâⁿ kí-hêng ia̍t-peng oa̍h-tāng ê sî ū bú-chong-chiá hoat-tōng kong-kek, chō-sêng chē lâng sí-bông.
- 9 goe̍h 21 – Ji̍t-pún thài-khong ki-koan JAXA ê sió-he̍k-chheⁿ thàm-chhâ-ki Hayabusa2 hiòng tiâu-cha bo̍k-phiau 162173 Ryugu pàng chhut 2 chiah MINERVA-II1 sek tē-bīn rover.
8 goe̍h
- Ji̍t-pún ê bàng-gah ōe-ka Sakura Momoko tī 8 goe̍h 15 ji̍t kòe-sin.
- Bí-kok tāi-piáu Arizona ê chham-gī-oân John McCain 8 goe̍h 25 ji̍t tī Cornville chng kòe-sin.
- Chêng Liân-ha̍p-kok Su-kì Chóng-tiúⁿ Kofi Annan 8 goe̍h 18 tī Sūi-se ê Bern siâⁿ kòe-sin.
- A-se-a Ūn-tōng-hōe tī 8 goe̍h 18 ji̍t tiām Ìn-nî ê Jakarta khai-bō͘ (siōng).
- Italia ê Genoa siâⁿ chi̍t tiâu kiô Ponte Morandi tī 8 goe̍h 14 ji̍t tn̄g--khì, chō-sêng siōng-bô 39 lâng sí-bông.
- Bí-kok NASA ê Thài-iông thàm-châ-ki Parker Solar Probe tī chāi-tē sî-kang 8 goe̍h 12 ji̍t tùi Cape Canaveral chhut-hoat.
- 8 goe̍h 5 ji̍t í-lâi tī Ìn-nî Lombok tē-hng ê tē-tāng í-keng chō-sêng siōng-bô 300 lâng sí-bông.
7 goe̍h
- 7 goe̍h 15 ji̍t: Hoat-kok ê kok-ka kha-kiû-tūi tī 2018 nî FIFA Sè-kài-poe tang-tiong tit tio̍h iu-sèng; tē-jī-miâ sī Croatia.
6 goe̍h
- Ji̍t-pún thài-khong ki-koan JAXA ê thài-khong-chûn Hayabusa2 tī 6 goe̍h 27 kap sió-he̍k-chheⁿ Ryugu hōe-ha̍p.
- 6 goe̍h 19 ji̍t: Ìn-nî Toba Ô͘ ê chi̍t chiah tō͘-chûn sit-sū, tāi-seng ū pah-gōa lâng si̍t-chong.
- 6 goe̍h 18 ji̍t: Ū kì-lio̍k siāng tn̂g hòe-siū ê Sumatera seng-seng Puan tī Perth Tōng-bu̍t-hn̂g 62-hòe kòe-sin.
- 6 goe̍h 14 ji̍t: Tē-21-hôe ê FIFA Sè-kài-poe khai-kiû pí-sài tī Lō͘-se-a khai-sí.
- Saudi A-la-pek chhōa-thâu ê tông-bêng chū 12 hō khai-sí hiòng Yemen ê Hodeidah hoat-peng, kap Iran chi-chhî ê Houthi sè-le̍k sio-chiàn.
- 6 goe̍h 12 ji̍t: Bí-kok Chóng-thóng Donald Trump kap Pak Tiâu-sián Chòe-ko Léng-tō tī Sin-ka-pho hōe-bīn.
5 goe̍h
- Iran tī 5 goe̍h 9 ji̍t àm-sî tùi Su-lī-a hoat-siā hóe-chìⁿ kong-kek tī Golan Koân-tē ê Í-sek-lia̍t bo̍k-phiau; liáu-āu Í-sek-lia̍t mā hiòng tī Su-lī-a ê kun-sū ki-koan hoat-tōng khong-si̍p.
- Tī Má-lâi-se-a, Mahathir Mohamad chhōa-thâu ê hoán-tùi-phài liân-bêng Pakatan Harapan iâⁿ liáu kòe chi̍t-pòaⁿ ê 113 se̍k kok-hōe gī-oân, chip-chèng liân-bêng Barisan Nasional chū 1957 nî to̍k-li̍p í-lâi thâu chi̍t kái si̍t-sè.
- 5 goe̍h 8 ji̍t: Bí-kok Chóng-thóng Donald Trump soan-pò͘ in koat-tēng beh thè-chhut Iran hu̍t-chú kau-koan (Iran nuclear deal).
- Chū 5 goe̍h chhe 3 khai-sí Hawaii ê Kīlauea Hóe-soaⁿ piak-phòa, chō-sêng beh 2-chheng lâng so͘-khai.
3 goe̍h
- Chū 3 goe̍h 4 ji̍t Eng-lân siâⁿ-chhī Salisbury hoat-seng chêng Lō͘-se-a su-pái Sergei Skripal kap cha-bó͘-kiáⁿ tiòng-to̍k ê sū-kiāⁿ liáu-āu, kàu 27 hō í-keng ū 27 ê kok-ka kóaⁿ cháu siōng-bô 151-ê gōa-kau-koaⁿ.
- 3 goe̍h 14 ji̍t: Eng-lân ê lí-lūn bu̍t-lí ha̍k-chiá Stephen Hawking (siōng) 76-hòe kòe-sin.
2 goe̍h
- 2 goe̍h 6 ji̍t: Bí-kok ê SpaceX kong-si tī Kennedy Thài-khong Tiong-sim chāi-tē sî-kan ē-po͘ 3 tiám 45 sêng-kong hoat-siā Falcon Heavy hóe-chìⁿ.
- Gián-kiù-chiá tī Guatemala ê Maya bûn-bêng kó͘-siâⁿ Tikal keng-kòe lī-ēng LiDAR ki-su̍t ê tiâu-cha sin hoat-kiàn kui phìⁿ chhiau-kòe 60,000 tòng chhù ê ûi-chek.
1 goe̍h
- 1 goe̍h 24 ji̍t: Siū chí-chèng tùi soán-chhiú sèng chau-that ê chêng Bí-kok Olympic thé-chhau-tūi ê i-seng Larry Nassar, hông phòaⁿ koaiⁿ-kaⁿ 40 kàu 175 tang.
- In-ūi kok-hōe bô-hoat-tō͘ tī 19 ji̍t thong-kòe ī-soàn; chū 1 goe̍h 20 ji̍t khai-sí Bí-kok ê liân-pang chèng-hú thêng-kang.
- Ài-ní-lân ê im-ga̍k-ka kiam koa-chhiú, ga̍k-thoân The Cranberries ê chú-chhiùⁿ Dolores O'Riordan (siōng, 2010 nî) tī 1 goe̍h 15 ji̍t kòe-sin.
- Bí-kok ê hui-hêng-sū kiam thài-khong-jîn, Apollo 16 jīm-bū ê chí-hui-koaⁿ John Young tī 1 goe̍h 5 ji̍t kòe-sin.
- Thó͘-ní-kî kiam i chi-chhî ê hoán-khòng sè-le̍k tī 1 goe̍h 21 ji̍t hiòng Su-lī-a pak-pō͘ Kurd-cho̍k sè-le̍k khòng-chè ê Afrin siâⁿ hoat-tōng kong-kek.
Kū ê sin-bûn
| ||||||||||||||||||||||||||
| ||||||||||||||||||||||||||||||||||||||||||