Python Nńg-thé Ki-kim-hōe

Wikipedia (chū-iû ê pek-kho-choân-su) beh kā lí kóng...

Python Nńg-thé Ki-kim-hōe (Eng-gí: Python Software Foundation), kán-chheng PSF, sī chi̍t ê koan-î Python thêng-sek gí-giân ê hui-êng-lī cho͘-chit. PSF tī 2001 nî 3 goe̍h 6 hō sêng-li̍p. Ki-kim-hōe ê chong-chí sī tī-leh "thui-kóng, pó-hō͘ kap thê-seng Python thêng-sek gí-giân, mā chi-oān kap chhiok-chìn to-goân kap kok-chè-sèng Python thêng-sek siat-kè-su siā-kûn ê sêng-tióng. Tī chit-ê chong-chí hā, ki-kim-hōe chú-iàu ê khang-khòe ū:

  1. Khai-hoat Python ê he̍k-sim hoat-hêng pán-pún.
  2. Kiàn-li̍p PSF ê sú-iōng siū-khoân lâi khak-pó tāi-chiong chū-iû chhú-tit, sú-iōng, sàn-pò kap siu-kái PSF só͘ chhî-iú ê tì-hūi châi-sán.
  3. Chham OSI ha̍p-chok lâi khak-pó PSF ê sú-iōng siū-khoân chun-chiàu khai-hòng goân-sí-bé tēng-gī.
  4. Î-chhî Python 2.1 kap í-āu pán-pún ê tì-sek châi-sán-koân.