Rigoberta Menchú

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Rigoberta Menchú (2009 nî)

Rigoberta Menchú (1959 nî 1 goe̍h 9 ji̍t chhut-sì) sī Guatemala ê siā-hōe ūn-tōng-chiá. I sī 1992 nî Nobel Hô-pêng Chióng ê tit-chióng-jîn. I sī lông-ká chhut-sin, siàu-liân chham-ú liáu lú-khoân ūn-tōng, chē hō͘ Menchú kap in tau ê lâng siū kun-sū chèng-hú ê ap-pek. I-ê lāu-pē tī khòng-gī ê sî hō͘ chèng-hú thâi--sí, hiaⁿ-ko kap lāu-bú mā hong hāi--sí.

1981 nî Menchú cháu-siám kòe Mexico, siū chāi-tē ê Thian-chú-kàu thoân-thé pó-hō͘, mā ka-ji̍p kok-chè-sèng ê tùi Guatemala chèng-hú ê khòng-cheng oa̍h-tāng, 1983 nî chhut-pán Góa, Rigoberta Menchú (I, Rigoberta Menchú), hō͘ sè-kan lâng chai-iáⁿ i-ê tāi-chì kap Guatemala ê būn-tê.

1992 nî i tit-tio̍h Nobel Chióng, 2004 nî i siū Guatemala chóng-thóng Óscar Berger chhiáⁿ kòe pāng-chō kok-ka hô-pêng sū-bū. 2007 nî ê sî, Menchú sêng-li̍p goân-chū-bîn niá-chhōa ê chèng-tī ūn-tōng Winaq. I té-bé pat kap chèng-tóng ha̍p-chok lâi chham-ka chóng-thóng soán-kí m̄-koh kāⁿ tit tio̍h 3 pha ê phiò. Liáu-āu i khai-sí thui-tōng kā Winaq siat chò chèng-tóng ê khang-khòe.

Chham-khó[siu-kái | kái goân-sú-bé]

  • Kathleen Kuiper, pian. (2010). "Rigoberta Menchú". Britannica Guide to the World's Most Influential People: 100 Most Influential Women of All Time. Encyclopaedia Britannica, Inc. ISBN 978-1-61530-058-7.