Sè-hio̍h chúi-teng-hiang

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
?Sè-hio̍h chúi-teng-hiang
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Myrtales
Kho: Onagraceae
Sio̍k: Ludwigia
Chéng: L. hyssopifolia
Ha̍k-miâ
Ludwigia hyssopifolia
G.Don.
Ludwigia hyssopifolia se-hioh chui-teng-hiang 001.jpg

Sè-hio̍h chúi-teng-hiang (Hàn-jī: 細葉水丁香, ha̍k-miâ: Ludwigia hyssopifolia) kui-sio̍k-tī Liú-hio̍h-chhài-kho (Onagraceae), sī chi̍t-nî-seng chúi-seng chháu-pún si̍t-bu̍t. I hun-pò͘ tī pêⁿ-tē kàu kē hái-poa̍t soaⁿ-khu, seng-tióng tī chúi-khut-á, khe-hô, chúi-chhân, chhân-kau, chúi-kau, soaⁿ-kau, téng-téng tâm-sip ê khoân-khéng. Chhap-put-to kui-tang lóng ē khui-hoe.

Hêng-thài[siu-kái | kái goân-sú-bé]

Keng ū 5 choā lêng-chek, ū hun-ki, keng-thâu tiāⁿ ē bo̍k-chit-hòa.

Hio̍h-á hō͘-seⁿ, phoe-chiam-hêng, tn̂g 1 kàu 9 cm, boé-á chiam-chiam lāi-lāi, hio̍h-pèⁿ bêng-hián, bô iù-mo͘.

Hoe n̂g-sek ū 4 hio̍h hoe-hio̍h; hoe-go̍k 4 phìⁿ, ū iù-mo͘; chhû-lúi chū-thâu ko͘-chi̍t-ê, hiông-lúi 8 lia̍p.

Koé-chísok-kó, îⁿ-chū-hêng, ū iù-mo͘, tn̂g 15 kàu 30 mm, kāu 1 kàu 1.2 mm.