Só͘-iú-khoân

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Só͘-iú-khoân (所有權) sī chí tī bîn-hoat siōng, khoân-lī-jîn tùi piau-tek-bu̍t ē-tàng ti̍t-chiap choân-bīn pâi-thaⁿ-sèng chi-phòe te̍k-tēng-bu̍t ê bu̍t-khoân. Só͘-ūi ê "choân-bīn chi-phòe", ì-sù sī chi-phòe hoān-ûi ê choân-bīn-sèng kap chi-phòe sî-kan ê bû-hān-sèng, hû-ha̍p chit-ê te̍k-teng ê bu̍t-khoân chí-ū só͘-iú-khoân. In-chhú, oân-choân bu̍t-khoân hām só͘-iú-khoân tī lōe-hâm siōng sī it-tì--ê. Oân-choân bu̍t-khoân kap hān-chè bu̍t-khoân sī sio tùi-li̍p ê kài-liām.

Tī it-poaⁿ ì-gī siōng, só͘-iú-khoân mā chí lâng tùi gōa-kài chū-jiân ê chi-phòe ia̍h chi-phòe hêng-thài. Āu-chiá sī hâm-gī siōng ê só͘-iú-khoân, ùi lâng chhut-hiān khai-sí tiō í-keng chûn-chāi, keng-kòe liáu tn̂g sî-kan ê le̍k-sú piàn-chhian. Ah hoat-lu̍t siōng ê só͘-iú-khoân sī tī it-tēng ê le̍k-sú kai-tōaⁿ í só͘-iú chò-ûi ki-chhó͘ ê ki-su̍t kài-liām. Iā chiū sī kóng, tī siong-phín kau-ōaⁿ chiàm chú-tō tē-ūi ê kīn-tāi siā-hōe, tī hō͘-siong kau-ōaⁿ siong-phín ê chú-thé chi-kan, pit-su hō͘-siong sêng-jīn tùi-hong tùi siong-phín chit khoán châi-hù ê kò͘-iú chi-phòe. Chit chióng siā-hōe su-iàu hoat-lu̍t hêng-thài, tiō sī só͘-iú-khoân. In-chhú, phó͘-thong ì-gī siōng ê só͘-iú-khoân sī pâi-thaⁿ--ê.