跳至內容

Sûn-sûn

Wikipedia (chū-iû ê pek-kho-choân-su) beh kā lí kóng...
Sûn-sûn

1943 nî chìn-chêng
Chhut-sì 1914 nî ? goe̍h ? ji̍t(1914-Piáu-ta̍t chhò-ngō͘: jīn-bô piau-tiám hû-hō "?".-0?)
Koè-sin 1943 nî 1 goe̍h 8 ji̍t (29 hòe)
Kok-che̍k  Ji̍t-pún
Chit-gia̍p koa-chhiú

Sûn-sûn (Hàn-jī: 純純; Kana: ジュン ジュン; 1914 nî - 1943 nî 1 goe̍h 8 ji̍t), pún-miâ Lâu Chheng-hiong (劉清香), sī Tâi-oânJi̍t-pún sî-tāi ê cha-bó͘ koa-chhiú. I sī Bāng Chhun-hong, Ú Iā Hoe téng 1930 nî-tāi Tâi-oân liû-hêng-koa siōng-chá ián-chhiùⁿ ê koa-chhiú chi it.

Seng-pêng[siu-kái | kái goân-sí-bé]

Sûn-sûn tū 1914 nî chhut-sì. Chhut-sin sàn-chhiah, pē-bú keng-êng mī-tàⁿ thàn-chia̍h, 13 hè sî iáu-bē oân-sêng ha̍k-hāu kàu-io̍k, i tiōh ka-ji̍p liáu koa-á-hì ê hì-pan o̍h chò-hì.

I tū 1930 nî-tāi kàu 1940 nî-tāi chit tōaⁿ kî-kan chiâⁿ oa̍h-thiàu, chhiùⁿ liáu choē-choē i hit-tang-chūn tú hoat-piáu ê Tâi-oân-ōe kap Ji̍t-pún-ōe ê liû-hêng koa-khek, chhin-chhiūⁿ Bāng Chhun-hong, Ú Iā Hoe kap Thô-hoe Khip-hiat Kì téng; kî-tiong, Thô-hoe Khip-hiat Kì chit tiâu koa-khek tū Tâi-oân sī the̍h-lâi thè kāng miâ ê Siōng-hái tiān-iáⁿ phah kóng-kò, hōo lâng hoan-e̍k chò Eng-bûn The Peach Girl.