Saⁿ-cha̍p-tang Chiàn-cheng

Wikipedia (chū-iû ê pek-kho-choân-su) beh kā lí kóng...
Pe̍h-soaⁿ Chiàn-tò͘ (1620 nî).

Saⁿ-cha̍p-tang Chiàn-cheng1618 nî chì 1648 nî kî-kan hoat-seng tī Au-chiu tiong-pō͘ ê liân-nî chiàn-cheng.

Tāi-seng sī Sîn-sèng Lô-má Tè-kok ē-té Sin-kàu kap Thian-chú-kàu kok-ka ê chhiong-tu̍t, āu--lâi hoat-tián chò Au-chiu tōa-kok chi kan sio-chiàn, jî-chhiá tùi goân-lâi chong-kàu ê tùi-li̍p pìⁿ chò Hoat-kok (tàu Sūi-tián) kap Habsburg sè-le̍k chi kan ê chèng-tī saⁿ-cheⁿ.