Sefa Utaki

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Sefa Utaki

Sefa UtakiLiû-kiû-kok ê siōng sîn-sèng ê utaki. Utaki sī it-poaⁿ Liû-kiû Kûn-tó sîn-sèng ê só͘-chai. Sefa Utaki hiān-chhut tī Liû-kiû jîn-bîn ê thoân-soat.

Sefa Utaki lāi-té ū la̍k-ê sîn-tiān kiò-chō "ibi". Sefa Utaki kap Shuri Siâⁿ ū chin chhim ê in-iân, in-ūi tī Shuri Siâⁿ lāi-té, mā ū saⁿ-keng ê keng iōng-tio̍h Sefa Utaki sîn-tiān ê miâ-jī, chiū-sī Uhugui, Yuinchi, kap Sangui.

Liû-kiû-kok sî-tāi tián-lé ê sî-chūn, tùi Kudaka-tó ê pe̍h-sek koh sîn-sèng ê soa hō͘ Sefa Utaki móa-tē sàn. Siōng iàu-kín ê tián-lé kiò-chò "Oraori" mā-sī tī Sefa Utaki an-pâi--ê. Ông kap lú-jîn tōa-su-chè (Kikoeokimi) khì Sefa Utaki tiâu-sèng. Sefa Utaki tiâu-sèng ê oa̍h-tāng kiò-chò "Agari Umai", kàu-taⁿ Liû-kiû lâng iáu-kú khì Sefa Utaki tiâu-sèng.