Seoul Tāi-ha̍k-hāu

Wikipedia (chū-iû ê pek-kho-choân-su) beh kā lí kóng...
Seoul Tāi-ha̍k-hāu ê hāu-mn̂g.

Seoul Tāi-ha̍k-hāu (Hân-kok-gí: 서울대학교/서울大學校) sī chi̍t-keng ūi-chāi Hân-kok Seoul Chhī ê kok-li̍p-tāi-ha̍k. I-ê chiân-sin sī Tiâu-sián Ji̍t-pún sî-tāi ê Kiaⁿ-siâⁿ Tè-kok-tāi-ha̍k (京城帝国大学). Chū 1946 nî khai-sí, kái-miâ Seoul Tāi-ha̍k-hāu; sī 10-keng Hân-kok kok-li̍p-kî-chhì tāi-ha̍k tang-tiong, siōng-chá kiàn-li̍p ê chi̍t-keng.

Seoul Tāi-ha̍k-hāu chham Ko-lê Tāi-ha̍k-hāu kah Yonsei Tāi-ha̍k-hāu nn̄g-keng su-li̍p-tāi-ha̍k ha̍p-chheng Hân-kok tāi-ha̍k ê SKY. Tī 2011 nî ê QS sè-kài tāi-ha̍k pâi-miâ tang-tiong, Seoul Tāi-ha̍k-hāu pâi-miâ choân-sè-kài tē-42, A-chiu tē-5, Hân-kok tē-1.