Sió-khut-á kap li̍h-phāng

Wikipedia (chū-iû ê pek-kho-choân-su) beh kā lí kóng...

Kiū-khí (臼齒, Eng-gí:molar) ê kā-ha̍p-bīn ū chiok-chē sió-khut-á kap li̍h-phāng (小窟仔佮裂縫, pits and fissures), chia̍h-mi̍h ê iù-iù-á chin iông-ī tui-chek tī chia, sêng-ûi sè-khún chu-seng ê un-chhn̂g. Nā-chún bē-tàng chheng-tû chheng-khì, āu--lâi tio̍h-ē hêng-sêng chiù-khí. In-ūi kiū-khí ê kā-ha̍p-bīn sī siāng-gâu chiù-khí ê só·-chāi, só·-í gê-i tio̍h sú-iōng sió-khut-á kap li̍h-phāng ê hong-pì ki-su̍t lâi ī-hông chiù-khí. Sió-khut-á kap li̍h-phāng hong-pì-che (封閉劑, sealant) sī 1 chióng liû-tōng-sèng chin-hó ê e̍k-thé chhiū-chí (樹脂, resin), kā i boah tī chhùi-khí piáu-bīn, koh iōng sek-tōng pho-tn̂g (波長) ê kng-sòaⁿ chiàu-siā, tio̍h-ē ngē-hòa, án-ne tio̍h kā sió-khut-á kap li̍h-phāng hong-pì--khí-lâi.