Siā-hōe chèng-chhek

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Siā-hōe chèng-chhek (社會政策) sī thàu-kòe kok-ka li̍p-hoat kap chèng-hú hêng-chèng kan-ī, kái-koat siā-hōe būn-tê, chhiok-chìn siā-hōe an-choân, kái-siān siā-hōe khoân-kèng, cheng-chìn siā-hōe hok-lī ê sio-liân-soà ê chèng-chhek, hêng-tōng chún-chek kap kui-tēng ê chóng-chheng. I-ê he̍k-sim sī kái-koat chhī-tiûⁿ keng-chè hā kong-bîn ê siā-hōe hong-hiám.

Chò-ûi chi̍t mn̂g èng-iōng-sèng ê ha̍k-kho, siā-hōe chèng-hhcke ê gián-kiù lōe-iông chú-iàu khan-liân chèng-chhek sán-seng kòe-têng ê lí-lūn kap hong-hoat, í-ki̍p chèng-chhen tī ta̍k-ê siong-koan léng-he̍k tiong ê èng-iōng chi̍t nn̄g ê hong-bīn. Tī āu chi̍t ê hong-bīn, siā-hōe koh ē-tàng hun chò hia̍p-gī kap kóng-gī nn̄g khoán. Hia̍p-gī ê siā-hōe chèng-chhek hoān-ûi kan-na khan-liân tio̍h lô-kang kap sàn-chhiah-lâng ê seng-oa̍h, ah kóng-gī ê siā-hōe chèng-chhek pau-hâm kok-bîn hok-lī, chiū-gia̍p, khiā-ke, kiān-khong, bûn-hoà, kàu-io̍k, jîn-kháu, hun-in kap ka-têng seng-oa̍h, siā-khu kap siā-hōe kong-kiōng khoân-kéng í-ki̍p chong-kàu téng-téng. Chin bêng-hián, hia̍p-gī ê kài-tēng só͘ tùi-èng ê kan-na sī hia̍p-gī ê siā-hōe hok-lī chèng-chhek, ah kóng-gī ê kài-tēng tùi-èng kok-chióng siā-hōe būn-tê ê gián-kiù.